Перевод с якутского
абытай
даҕааһын, ынырыы
Нууччалыы жгучий
English burning, scorching
1 #
саҥа алл
Иккитэ-биирдэ ыҥыран эрдэҕинэ арай буутун уот хаарыйда. Чүөчээски "абытай!" диэбитинэн эргиллэ түстэ.
Суорун ОмоллоонАбытай! Абытайбын даа! Ханан эрэ Туох эрэ Уот чоҕунан хаарыйда! П. Тобуруокап Абытай, куйаас да бөҕө буолбут. Н. Якутскай
Өссө холобурдар (4)
[Вера:] Эчи абытайбын, эчи бустахпын, Ольга, эн букатын тириппэтэххин дуу С. Ефремов Эмискэ дьөлө-хайа анньар курдук сытыы балысхан ыарыыттан саҥа таһаарыы. Θ Выражает острую жгучую боль (напр., при ранении). "Һуук, айакка, абытай!" - диэн сарылаабытынан, баттахтарын кытта өрө тустубутунан тойон олоро түстэ. Н. Заболоцкай Коля көрүөн баҕаран, өндөйө-өндөйө ыта олордо, онтон эмискэ: "Абытай!" - диэн хаһыытыы түстэ [буулдьаҕа таптаран]. Болот Боотур Кыысчаан сирэйин ыдьырыччы тутта-тутта: "Абытай! Ыалдьар!" - диэбитэ И. Федосеев
2 #
Уокка, итиигэ, куйааска буспут киһи саҥата
Нууччалыы Выражает чувство сильной острой боли при ожогах, а также чувство сильной жары
3 #
"Балысхан ыарыы (ыарыылаах)"; "иэдээн"; "ынырык", "алдьархай", "дьулаан (дьулааннаах)", "суостаах", кутталлаах диэн суолталаах тыллар солбуктарын быһыытынан туттуллар
Нууччалыы Употребляется в качестве эквивалента слов типа "острая боль (болезненный)"; "беда, несчастье, погибель"; "ужас, ужасный, страшный"
Киһи тыла уоттааҕар абытай (өс хоһ.). Оҕолор этэрбэстэрин илдьи кэстэхтэринэ, сорохтор ийэлэрэ ол этэрбэстэрин быатынан иэннэрин таһыйаллара уот абытай да, ол уһаабакка умнуллааччы. ХС Киһи этэ салаһыах, киһи куйахата күүрүөх абытай тыллаах-өстөөх дьоннор.
П. ОйуунускайАбытай аһыы хартыыһаны уоппут уол буолла... Н. Якутскай
Өссө холобурдар (1)
Бөппүрүөскэ биирдиитэ лаһырҕас солкуобайдыы - абытай сыана. Ол да буоллар ылааччы син элбэх Н. Заболоцкай