ДьөгүөрСахалыы тылдьыт

Перевод с якутского

долгун

аат тыл, даҕааһын

Нууччалыы волна, водяной вал

English wave

Ис хоһооно · 6

1 аат тыл #

Тыалтан уу ньуура долгуйан хамсыыр халҕаһата, эбирэ

Нууччалыы Волна, водяной вал

  • Аллара Ала Соболоох күөлэ, көмүс мөһүүрэ курдук, быдьына долгунунан үрүмэтийэр.
    М. Доҕордуурап
  • Кылбачыгас ини долгуҥҥун кытыыларыгар ини тиэрдээрий.
    Күннүк Уурастыырап
  • Киэҥ Ленатын наҕыл долгуннара оргууй долгулдьуһа бигииллэр
    Н. Лугинов

2 аат тыл #

Тыалтан аргыый долгуйан, күөгэлдьийэ хамсааһын (от-мас туһунан)

Нууччалыы Волнообразное движение, покачивание (напр., от порыва ветра); колыхание (о ветках деревьев, травах)

Өссө холобурдар (1)

3 аат тыл #

физ. Туох эмэ күүс салгынынан тарҕаныыта (хол., электромагнитнай араадьыйа долгуннара)

Нууччалыы Волнообразное движение в физической среде, а также распространение этого движения

  • Электромагнитнай долгун. Араадьыйа долгуна.
  • Аан дойдуну кууһан ааһар Араадьыйа долгуннара Киһи аймах кулгааҕар Сахам сирин Хайҕаан, сөҕөн ааттаатылар
    П. Тобуруокап

4 аат тыл #

Туох эмэ аймалҕана, быһылааннаах дохсун уларыйыыта-тэлэрийиитэ

Нууччалыы Сильная тревога, социальные потрясения, изменения

  • Олох долгуна.
  • Хаарты, арыгы долгунугар хас да төгүл хаайыллыбыта.
    М. Доҕордуурап
  • Петроградка от ыйын үс-түөрт күннэригэр буолбут быһылааннар оннооҕор Дьокуускайга улахан долгуну үөскэппиттэрэ. СБТТ. Урукку уоттаах сэрии долгуна ааста
    Н. Түгүнүүрэп

5 даҕааһын #

суолт., поэт. Уу ньуура, долгуйан хамсыырыгар маарынныыр, долгун курдук

Нууччалыы Похожий на тронутую волнами поверхность, волнообразный

6 этии #

Көмүс мөһүүрэ долгун (долгуннар) поэт. – күн уотуттан күлүмүрдүү устар долгуннар Күөх оттоох көлүйэ күөлүм Көмүс мөһүүрэ долгунун ортотугар Куба кыылым долгуйа устан, Куоҕаҥныы-куоҕаҥныы туналыйа сырытта. П. Ойуунускай. Уу кэллэр кэлэн -- көмүс мөһүүрэ долгунунан Күлэ-үөрэ, мичилийэ сытта. М. Доҕордуурап.

Нууччалыы Волны, играющие солнечными бликами

Этиилэр

Үрүмэ долгун (долгуннар)

үмүрүҥнүүр, дьиримниир кыракый долгуннар.

Легкое колебание, колыхание водной поверхности; зыбь.

  • Тыын анныттан үрүҥ көмүс үрүмэ долгун оонньоон тахсан истэ.
    М. Доҕордуурап
  • От үрэх чарылыыр сүүрүгүн Оҕолор сөтүөлээн чалбыыллар, Күн уота күлүмнүүр көмүһүн Үрүмэ долгун чаҕыллар.
    П. Тулааһынап

Халҕаһа долгун

күргүөмүнэн түллэҥнии устар улахан долгуннар.

Высокие волны, набегающие валом.

  • Онно халҕаһа долгуннар Муус хайалары кыйдыыллар.
    С. Данилов
  • Арыт халҕаһа долгуннар катербыт тумсугар кэлэн охсуллан, үрдүбүтүнэн уу күдээрийэн ааһар.
    И. Федосеев

Эрэһэ долгун (долгуннар)

чэпчэкитик кэрдиистэнэ, эрилийэ сүүрэр кыра долгуннар.

Легкие волны, бегущие ряд за рядом; рябь.

  • Бэс чагда анныгар Амма эбэ үрүҥ көмүс эрэһэ долгунунан дьиримнии сытар.
    М. Доҕордуурап
  • Уҥуор, күөл куулатыгар, Ойуур күлүгэ барыйар, Ыраахтан эрэһэ долгуҥҥа Ый сандаара сыдьаайар. С. Васильев

«Д» буукуба