ДьөгүөрСахалыы тылдьыт

Перевод с якутского

алгыс

аат тыл

Нууччалыы особые слова, обращенные к людям с пожеланием им добра; слова, произносимые по всяким жизненным случаям, моля, испрашивая благополучного исхода, благопожелания

English blessing

Ис хоһооно · 5

1 аат тыл #

Дьоҥҥо үтүөнү баҕаран, олох араас түбэлтэлэригэр, көстүүлэригэр үтүө түмүгү көрдөһөн анал тыл этии

Нууччалыы Особые слова, обращенные к людям с пожеланием им добра; слова, произносимые по всяким жизненным случаям, моля, испрашивая благополучного исхода, благопожелания

  • Алгыс тыла. Урууга алгыста эт. Ыһыах алгыһа.
  • Кырыыс баһа хааннаах, алгыс баһа арыылаах (өс хоһ.). Алгыска оннооҕор абааһы ахсыыр (өс хоһ.). “Саалаахтан самнымаҥ, охтоохтон охтумаҥ!” - Сахаҕыт норуотун алгыһын умнумаҥ!
    Күннүк Уурастыырап
  • Алгыс тыла арыылаах дииллэр, Алҕаатаҕым буоллун: Буулдьалар аһара көттүннэр Дойдум хорсун уолун
    И. Эртюков

2 аат тыл #

Сөбүлүүр-биһириир, үтүөнү баҕарар ис хоһоонноох кимиэхэ эмэ туһаайыллыбыт кэс тыл (үксүгэр кырдьаҕастар эдэрдэргэ анаан этиилэрэ)

Нууччалыы Благословение; напутсвенное слово (обычно обращение стариков к молодым)

  • Ийэ-аҕа алгыһа, ийэ-аҕа кэриэһэ диэн суруйуоххун, ыллыаххын баҕараҕын.
    С. Васильев
  • “Туой, ыллаа!” - диэн тапталлаах Дойдум биэртэ алгыһын, Бэһиэлэй, нарын, ыар тыллаах Поэзия - мин аргыһым. Дьуон Дьаҥылы. Төрөөбүт эн дойдуҥ алгыһа Иллээх көмөтө тиийдин.
    И. Чаҕылҕан
  • [Вера:] Биһиги Куонаанныын, икки тулаайах холбоһон, ыал буолуохпутун баҕарабыт. Онон эн алгыскын көрдүүбүт
    С. Ефремов

3 аат тыл #

Былыргы итэҕэл быһыытынан, киһиэхэ кутталлаах хараҥа күүстэри үтэйэр, ыарыыны эмтиир-домнуур кыахтаах “аптаах” тыл

Нууччалыы По старинному суеверному представлению: “волшебное” слово, способное изгонять злые силы, исцелять от болезней; заговоры, заклинание

  • Миэхэ тахсан олорон аһаан, аралдьыйа түһэн киир. Кыра алгыс алҕатардаах этим
    Болот Боотур

4 аат тыл #

Үтүө тыл, үтүө баҕа санаа; туох эмэ муҥутуур үтүө, кэрэ көстүүтэ

Нууччалыы Доброе слово, доброе желание, пожелание; прекрасный вид, лучшее создание

  • ыгыран диэн курдук Алгыстар арыллаллар Аҕай эбээ, оҕолоор.
    А. Софронов
  • Кинилэр дьон санааларыгар эҥкилэ суох арай бу балар быһыылаах диэн алгыс санааны кытары саастаах өттүлэрэ батыһа көрөн хаалаллар.
    Н. Лугинов
  • Сир олоҕун киэргэлэ, аан дойду алгыһа дьахтар баар.
    П. Ойуунускай
Өссө холобурдар (1)
  • Эйиигинниин алгыс буолуом, Эн үүрдүҥ да кырыыс буолуом, Эйигинниин ырыа буолуом, Эн үүрдүҥ да ынчык буолуом
    И. Гоголев

5 аат тыл #

лит. Норуот поэзиятын биир саамай былыргы көрүҥэ, жанра

Нууччалыы Один из древнейших видов (жанров) якутской народной поэзии, алгыс

  • Олоҥхо, алгыс, чабырҕах уонна поэмалар үгүстэрэ саха фольклорун жанр өттүнэн уратыта буолар.
    Саха фольк
  • Алгыс, андаҕар курдук түҥ былыргыттан сибээстээх айымньыларга поэт иччилэри, айыыһыттары ааттаталыыр. ФЕВ УТ
    У. Тюрк
  • алгыш

«А» буукуба