ДьөгүөрСахалыы тылдьыт

Перевод с якутского

ат

аат тыл, даҕааһын, туохтуур, ахсаан

Нууччалыы открывать, разевать

English horse

Ис хоһооно · 12
I

1 туохтуур #

Ас, атыт (айаххын)

Нууччалыы Открывать, разевать (рот)

  • Халлаантан ас түһүө диэн айаххын атыма (өс хоһ.). Чэй эрэ, ноко! Айаххын атан кулу эрэ! Үс Ньүкэн Үөдэн түгэҕэ дойдуттан Көтөҕөн, сүгэн таһаарбытым, Хаардаах бугул саҕа өһөх хаан бөлүөҕү сиэн кэбис. Ньургун Боотур. Бааһынай тылыттан маппыт курдук, айаҕын атар, тугу да саҥарбат, сотору-сотору чыпчылыйбахтыыр
    Н. Якутскай

2 туохтуур #

Туох эмэ биир кэлимтэн араҕыс, тэйэн хаал

Нууччалыы Отходить, отделяться от чего-л. одного целого

  • Балачча ол курдук үлэлээбиттэрин кэннэ мастарын ыпсыыта арыый атта.
    Амма Аччыгыйа
  • [Муустар] икки ардылара атан ылла, күөх куһааты сыыйа тарпыт курдук, убаҕас уунан өрө халыһыйбахтаата
    П. Филиппов

3 туохтуур #

Ким-туох эмэ иннигэр түһэн, куота тэй

Нууччалыы Отрываться от кого-что-л.; опережать кого-чего-л

  • Туллай ата биэс хаамыы курдугунан атан, кыайан тахсыбыта.
    И. Федосеев
  • Ол эрээри уол атаҕынан барыларын быдан баһыйбыта, атан, уһулу түспүтэ.
    Далан
  • Уон тоҕус килэмиэтирдээх бэлиэҕэ утарылаһааччылартан [А. Заболоцкай] түөрт сүүс миэтэрэ кэриҥэ сири аппытын туһунан биллэрэллэр. “
    Кыым

4 туохтуур #

Тылын (сибэкки, сэбирдэх туһунан)

Нууччалыы Раскрываться, распускаться (о листьях, цветах)

  • Кэрэ кэм кэлэрэ, Кэҕэ кыыл этэрэ. Ньургуһун сибэкки тахсара [Ньукуола саҕана атара].
    Күннүк Уурастыырап
  • Эмис буорга түһэн тиллэр төрөл көмүс сиэмэ, Ыраас, сырдык ача үүнэр, атар лабаа бүөрэ.
    С. Данилов
  • Сэбирдэҕэ саҥа атан, Минньигэһин от-мас сыта
    М. Тимофеев

5 туохтуур #

Салгын тиийбэтиттэн, уу буорту буолуутуттун тумнастан, көнньүнэн өл (балык туһунан)

Нууччалыы Пропадать, подыхать от недостатка воздуха, гниения воды (о рыбе)

  • Ойуурдаах куобах өлбөт, уулаах балык аппат (өс хоһ.). Саһыл: "Харах Хаан аҕыс уон оҕуһа уугун супту уулааннар, балыгыҥ атан өлөн хаалыахтын", - дии-дии атах балай кытыаланар. Саха ост. I. Олус тымныйан, күөллэр уулара хойуора тоҥон, сааһыгар балыктара атан тахсыбыта. Айталын. Кырдьаҕас сиэгэн хаар түһүөр диэри күөл кытыытыгар атан өлбүт быччыкыны, собону, сордоҥу хомуйан син кыһалҕата суох сылдьымахтаабыта
    И. Гоголев

6 туохтуур #

, ахсарб. Охтон өл, быстан өл

Нууччалыы Погибать, подыхать

  • Аллараа абааһылар Аартыгы булбакка Атан өллүлэр, Соххор биистэрэ суолларын тобулбакка Токуччу тоҥнулар
    П. Ядрихинскай

7 этии #

Этиилэр

Айаҕын ата илик көр айаҕын аппат

  • [Туоскун - Оҕотоойопко:] Даайа биһикки араллааммыт туһунан урут кимиэхэ да айахпын ата илигим. Софр. Данилов.

Айах атан кэпсэт көр айах I

  • Туоскун кыра дьону кытта букатын айах атан кэпсэппэт диир, бука, арыый балыйыы буолуо. Софр. Данилов. Айах атан биирдэ даҕаны кэпсэппэтэҕэ буолан баран, Глафира туҥуй кыыс көрүүтүнэн Кириллини батыһа одуулуура.
    Л. Попов
  • Тюрк. адын
II

8 аат тыл #

Миинэргэ, көлүйэргэ туттуллар дьиэ сүөһүтэ (оҕустан, табаттан ураты)

Нууччалыы Домашняя верховая, тягловая скотина (лошадь, конь)

  • Үтүө ат биир кымньыылаах, үтүө киһи биир тыллаах (өс хоһ.). Ат көһүннэҕинэ ыҥыыр көстүө, быһах көһүннэҕинэ кыын көстүө (өс хоһ.). Э-э, кэбис, доҕор. Били аппын дьахтарым сулуутугар биэриэм буоллаҕа дии. Чэ, маҥаас тыһаҕаһы ылаар.
    Н. Неустроев
  • Кини көрөр аттарыттан сибилигин бүтэйгэ биир ат атырдьахха атыллан өллөҕө
    Амма Аччыгыйа

9 аат тыл #

Саахымат оонньуутугар: ат төбөтүн дьүһүннээн көрдөрөр фигура

Нууччалыы Шахматная фигура с головой лошади

  • Аттан ураты биир да фигура бэйэтин эбэтэр өстөөх фигурата турар хонуутун үрдүнэн ойон ааспат (хаампат). ПВН СБК. Гроссмейстер Лилиенталь Капабланканы утары ферзэтин акка биэрбитэ. КА СОо II- III. Итинник бүтүүлэргэ аты пешкаларынан кыайан сүүйүллүбэт. КА СОо II-III
  • Тыһыынчанан одуулуур Айманар дьон хараҕар Саһыл кэрэ, дьаҕыл буулур Ат сылгы мөхсө турар.
    С. Данилов
  • Ат сылгы инньэ диэтэ да, түөрт атаҕын баҕаналыы үктээн баран көрөн турда
    Ньургун Боотур

10 даҕааһын #

Аттаммыт

Нууччалыы Кастрированный, холощёный

11 этии #

Нууччалыы Проиграть или выиграть на конных скачках

  • Ат атаҕар уган (биэр, быһын, ыл, бай) - ат сүүрүүтүгэр сакалааттаһан, уксан (кыайтар эбэтэр кыай) Сүүйсүүлээх, сүүлүктэһиилээх ат сүүрдүүтүн алыптаах абыгар ылларан, баардарын-суохтарын барытын ат атаҕар уган биэрбит. ГНС СТСДТ. Ат бөҕө кус быһый (киһи) - олус күүстээх уонна кытыгырас (киһи). Θ Очень сильный и быстрый (человек). Арай бу Быттааны Сүөдэр оҕото Манчаары Баһылай алыс кус быһый, ат бөҕө киһи үөскээн эрэр, кини Чоочо ытык атыырын саанан ытан өлөрбүтэ дииллэр. МНН. [Сайсары эмээхсин] эрэ ааттаах булчут, кус быһый, ат бөҕө, сааһын тухары үрэх бастарын кэрийбит киһи этэ.
    Суорун Омоллоон
  • Тиэтэйбит - барыларыттан уһулуччу, ат бөҕө, кус быһый, туруору да дьүһүнүнэн бөҕөҕө мөссүөннээх, быһыйга быһыылаах олус бэрт киһи эбит.
    Эрилик Эристиин
  • Ат буол - илиигинэн тайанан, аттаа, түөрт атах буол. Θ Встать на четвереньки; ползать на четвереньках. Ол баран иһэн, уол бүдүрүс гынна да, тоҥуу хаарга ат буола түстэ.
    Амма Аччыгыйа
Өссө холобурдар (10)
  • Чугаһаатым. Бөкчөйөн истим. Онтон тобуктаатым, ат буоллум. Көҕөнүм адьас бу саҥарар.
    Т. Сметанин
  • Оҕонньор, олорон эрэ, саҕынньаҕын сиэҕин кэтэн, илиитин туора анньан даллаҥнаата, ат буолан сүгүллэн таҕыста.
    Болот Боотур
  • Ат гынан миин, оҕус гынан көлүй - көр оҕус гынан көлүй. Килбиэннээх маҥан сирэйгин киртитиэм, сардаҥалаах маҥан сирэйгин саатырдыам, ат курдук көлүйүөм!.
    ХС
  • Кырыктаах омуктар Алыс антах дайдылаах Аччыгый омук аллаахтары Ат гынан миинээри Аһыммыта буолбуттар.
    Өксөкүлээх Өлөксөй
  • [Норуот] Айылҕа күүһүн Ат гынан миинэр, Олоҥхо хоһоонун Олоххо киллэрэр.
    А. Абаҕыыныскай
  • Ат тарпат айыыта, оҕус тарпат буруйа - олус улахан, ыар айыы, буруй. Θ Большой грех, огромная вина. Ат тарпатынан Аньыы баҕадьы Ааҥнаабыт эбит. Оҕус тарпатынан Модун буруй Буулаабыт эбит.
    Өксөкүлээх Өлөксөй
  • Ат үөһэ түһэн - бэрт ыксалынан, тиэтэлинэн (аты ыҥыырдыыр, биитэр көлүйэр да бокуойа суох). Θ Весьма торопливо, поспешно (не успев даже оседлать или запрячь лошадь). Ананий ат үөһэ түһэн көҥүһү өрө сүүрдэн көрө сырытта.
    М. Доҕордуурап
  • Били икки саллааттар аттарын үөһэ түһэннэр, эмиэ кэннилэриттэн кулуннуу уурдаран иһэллэр.
    Н. Түгүнүүрэп
  • Ат эккирэтэр - олус киэҥ-куоҥ, киэҥ киэлилээх (хол., дьиэ, олбуор) Θ Очень просторный, вместительный. (напр., дом, двор). Бэйэтэ аҕыйах сыллааҕыта чугаһынан суох, ат эккирэтэр улахан дьиэни дьэндэппитэ.
    ХС
  • Кини киэҥ, ат эккирэтэр олбуордаах, олбуор түгэҕэр улахан хотонноох. С. Никифоров

12 этии #

Нууччалыы Медленная рысь лошади

  • Ат айана - ат бытаан сиэлиитэ Бу ат айаныгар тулуйбатым. Ат баайааччы - сүүрүк аттары эрчийэр киһи. Θ Тренер скаковых коней. Ленин аатынан сопхуоска урукку опыттаах ат баайааччы Ю. Титов атын үлэҕэ барбыта. “Кыым”. Ат баайааччыларбыт - сылгыһыттар. “Кыым”. Ат баһа эргэр. - аҕа ууһа. Θ Человеческий род (в первобытном обществе). Ат баһын быата - сулар. Θ Недоуздок. Ат бугул түөлбэ - улахан бугул. Θ Копна большого размера. Ат дулҕа - үрдүк дулҕа. Θ Высокая кочка. От үрэх синньиир сирэ барыта ат дулҕа. Ат дьааһык эргэр. - айаҥҥа илдьэ сылдьарга аналлаах хончоҕор, улахан дьааһык, кырыы дьааһык. Θ Большой коробчатый ящик, предназначенный в старину для использования в дальних поездках. Кулуба бытыылкаларын кууһан аҕалан, ат дьааһыгар төттөрү укта.
    ХС
  • Ат көлө - айаҥҥа эбэтэр таһаҕас таһарга көлүллэр, мииниллэр ат. Θ Лошадь, предназначенная для дальних поездок или перевозке грузов. Саха дьонун олорор уонча көһүн устатыгар ат көлөнөн бараллар.
    Амма Аччыгыйа
  • Тутум буура чаҕаан көҕүлбүттэн умсары тардаҥҥыт ат көлө оҥостуоххутуттан ыла элбэх атаҕыстабылы-баттабылы эппинэн-хааммынан билбитим.
    М. Доҕордуурап
Өссө холобурдар (10)
  • Ат күүһэ физ. - хамсатааччы кыаҕын, күүһүн кэмниир мээрэй буолар өйдөбүл (хол., массыына, тыраахтар). Θ Лошадиная сила (единица мощности). Биэрэги биир гына сүүрбэлии, сүүрбэ биэстии ат күүһэ күүстээх мотуордаах оҥочолор кэккэлээбиттэр. Кустук. Сэттэ уон биэс ат күүһэ күүстээх локомобиль наада.
    М. Доҕордуурап
  • Ат кыраабыла - оту мунньарга уонна субуулуурга аналлаах, икки улахан тимир көлөһөлөөх ат тардар кыраабыла. Θ Конные грабли, предназначенные для сгребания сена. Тордоохоптоох ат кыраабылынан от мустара сылдьар икки эмдэй-сэмдэй уолаттар аттыларыгар тиийэн кэллилэр.
    С. Никифоров
  • Мин өйдүү түстүм отут сыллааҕыта Бастакы ат кыраабылын көрөөрүбүн Икки көстөөх алааска оҕолору кытта Куйаас-кумаар үгэнигэр сүүрбүппүн.
    С. Данилов
  • Ат оҕус - аттаммыт оҕус. Θ Холощёный бык (вол). Онно [түптэ аттыгар] аҕыйах борооску уонна Ураанай диэн күрдьүгэс эриэн ат оҕус турар.
    Н. Лугинов
  • Ат отуу - дьиэ кырыысатыгар маарынныыр отуу. Θ Двускатный шалаш на козлах. Ардах буоллаҕына иһигэр олорор, аһыыр гына киэҥ ат отууну туттан кэбистилэр.
    Болот Боотур
  • Кинилэр, Сиэкилэччээн хайатын тэллэҕэр, хатыҥ ойуур хоонньугар хас да суол ат отуулары оҥорбуттар.
    М. Доҕордуурап
  • Ат сүүрдүүтэ (сүүрүүтэ) - аттары сүүрдэн куоталаһыннарыы. Θ Конные скачки. [Аҕалара Уйбаан] кытта төрөөбүт кыдьыктааҕа - ат сүүрдүүтүнэн “ыалдьар” үгэстээҕэ үһү.
    Р. Кулаковскай
  • Дьокуускайдааҕы республиканскай ипподромҥа сааскы ат сүүрдүүтэ буолар. “Кыым”. Ат сүүрүүтэ диэн көрү төрүттээччилэр, баһылааччылар дьэ бу икки дьон буолаллар.
    Д. Таас
  • Ат сүүрдээччи - аты миинэн сүүрдэргэ идэтийбит киһи. Θ Наездник, жокей. Бүгүҥҥү аттары сүүрдээччиттэн биирдэстэрэ - Кириһээн.
    Д. Таас
  • Ат сыалдьата - сыарҕалаах ат улаханнык сүүрэрин бохсор көлүүр тэрилэ (аты такымын үөһээ өттүнэн, ойоҕоһунан эргитэн хомууттан тартарыллар). Θ Шлея, надеваемая на лощадь для замедления скорости бега. Оҕонньор атын сыалдьатын уһулла. Ат сэбэ - аты көлүйэргэ туттуллар тэрил. Θ Совокупность принадлежностей для упряжки лошади. Дьиэ күүлэтин иһигэр ат сэбэ сытар. Ат тараах - аҥаар эрэ өттүнэн бөдөҥ тиистээх тараах (аҥаар өттүгэр тииһэ суох). Θ Гребенка, расческа с редкими зубьями только с одной стороны, а с другой не имеющая их. Сиэркилэ иннигэр ат тараах сытар. Ат ыарҕа - үрдүк хойуу ыарҕа. Θ Густо поросший кустарниковый березняк. Д. П. Максимов: “Сатыы ыарҕа" диэн намыһах баҕайы, онно-манна бөлкөй үүммүт ыарҕа, оттон ат ыарҕа диэн аттаах киһини куотар хойуу баҕайытык үүнэр ыарҕа”, - диэн лоп бааччы быһаарар. Багдарыын Сүлбэ. Тюрк. ат

«А» буукуба