Перевод с якутского
атара
аат тыл
Нууччалыы галоп четвероногих животных вперемежку то передними, то задними ногами
Ис хоһооно · 5
1 аат тыл #
Ат, тайах, таба уо. д. а. икки кэлин, икки илин атахтарынан хардары-таары тэбинэн, ыстаҥалаан сүүрүүтэ; бөтөрөҥ
Нууччалыы Галоп четвероногих животных вперемежку то передними, то задними ногами
Арҕаа, айан суолунан биир уу-көгөччөр аттаах киһи тибилиннэрэ турда, ата атаранан түһэр, кутуруга субуруйан хаалар. А. Сыромятникова Адаар муостаах буурдаргынан Акыйааны уҥуордатан Айаннатан дьалкыһыта, Атаранан таммалата - Уолан киһи Улуро, Ыллаа, ыллаа Улуро Н. Босиков
2 этии #
Нууччалыы Самый быстрый вид бега иноходью
Атара дьоруо - саамай түргэн дьоруо Никифоров кинээс атын атара дьоруонан түһэрдэ. М. Доҕордуурап Үчүгэй буолар алаас-алаас аайы атара дьоруонан астара айанныыр. С. Федотов Атара сэлии - саамай түргэн сэлии. Θ Быстрая рысь. Төрүт да сыыдам айанынан иһэр Баһыкай өссө түргэтээн, атара сэлиинэн аспытынан барда. Амма Аччыгыйа
Өссө холобурдар (2)
Өр сынньанан сэниэ ылбыт ат төгүрүк алаас хонуутугар атара сэлиинэн дьигиһийэн киирэр. Н. Якутскай Сэкирэтээр уол атын үрдүгэр хапсаҕайдык олоро түспүтэ да, атара сэлиинэн түһэрбитэ. В. Протодьяконов
3 аат тыл #
Балыктыыр тэрил: туу курдук буолан баран, үрдэ аһаҕас, тутаахтаах; (саас ыам саҕана кытыыга, чычааска тахсыбыт балыгы саба баттаан, хаайан туран, итигэстээн ылаллар)
Нууччалыы Рыболовный снаряд в виде верши на ручке для ловли карасей на мелководье во время метания икры (широкое основание снаряда прижимают вглубь озера и захваченных таким образом карасей вытаскивают руками через верхнее отверстие)
Кытылга кэккэлии тардыллыбыт мас уонна туос тыылар тастарыгар илим, туу, бэрэмээт, күөгү, атара уонна куурдар аргылар, балык хатарар сибиэлэр турбуттара. “ ХС
4 аат тыл #
Балыгы батары анньан бултуурга аналлаах, тимир атырдьахха маарынныыр үөрбэ
Нууччалыы Орудие для ловли рыбы - острога
Арай убайа атаранан бултуурун үтүктэн, синньигэс талаҕы быһаҕынан уһуктаан баран, кытыыга тахсан турар сордоҥнорго үөмсэн көрүтэлээбитэ. ХС Өрөгөйүҥ өһөн, Өлөр-хаалар күнүҥ Үтүрүйэн кэллэҕинэ, Үрдүк ааппын, Үтүө сурахпын Аат ааттаан Амалыйа туойдахпына - Үөһэ буоллахпына Үөрбэ буолан түһүөм, Аллара буоллахпына Атара буолан күөрэйиэм
П. Ойуунускай
5 этии #
Атара кутурук - хотойу ойуулаан - хоһуйан көрдөрөр эпитет Алаатыка! Ким даҕаны аанньа көтөр суох дииллэрэ баар эбээт! Көрбөккүт дуо ол олорор арылы харах, атара кутурук, алтан сабарай хомпоруун Хотойу? Суорун Омоллоон. Хотойу маннык эпитеттэринэн хоһуйаллар: “Чуучугуруур таас тумус, атара кутурук, алтан сабарай, ала мондоҕой, тайбыыр дьаҕыл, сүҥкэн эрили хомпоруун хотой”. КНЗ СПДьНь
Нууччалыы Эпитет, употребляемый при воспевании орла