ДьөгүөрСахалыы тылдьыт

Перевод с якутского

булкуй

туохтуур

Нууччалыы взбалтывать, размешивать чем-л. что-л., добиваясь равномерного смешения его состава; мешать

English to mix, to blend

Ис хоһооно · 8

1 туохтуур #

Тугу эмэ хойуута, убаҕаһа эбэтэр туох эмэ эбиитэ, былааһыга тэҥҥэ тарҕанарын курдук тугунан эмэ элбэхтик өрө-таҥнары аймаа, хамсат

Нууччалыы Взбалтывать, размешивать чем-л. что-л., добиваясь равномерного смешения его состава; мешать

  • Миини булкуй. Күөһү булкуй.
  • Оҕонньор, уотун иннигэр аргынньахтаан олорон, куруускалаах итии чэйин ньуосканан булкуйда.
    С. Никифоров
  • Силиммин булкуйар синньигэс мастаахпын
    С. Тимофеев

2 туохтуур #

Тугу эмэ хамсатар, иһин хасыһар, бурайар эбэтэр сэймэктиир курдук тугунан эмэ тыыт, оймоо

Нууччалыы Перемешать что-л., рыться в чем-л.; вонзать острое во что-л. и ворочать им

  • Уоту булкуй. Ууну булкуй.
  • Антон, кытыыттан тахсан синньигэс ураҕаһы булан киирэн, кута аннын кэриччи булкуйан көрдө да, туох да туһа суох. Мойот биллибэт.
    Т. Сметанин
  • Ордьоох төһө эмэ булкуйан баран куйуурун таһаарбыта - туох да кэлбэтэх.
    Амма Аччыгыйа
Өссө холобурдар (3)
  • [Эһэ] сохсоҕо киирбэт этэ, уһун ураҕаһы булан, сохсо иһин булкуйара. Оччоҕо сохсо, кураанахха эстэн, күөдэл гына түһэрэ
    И. Федосеев
  • Төбө диэн тылы кытта ситимнэстэҕинэ: (төбөҕүн) икки өттүгэр иэҕэҥнэт, хамсат (хол., туохха эмэ олуйтаран тугу диэххин булбакка); (төбөҕүн) садьыйа охсон хамсат, быһыта илгиһин (хол., туохтан эмэ сиргэнэн эбэтэр туохха эмэ буолуммакка - сүөһүнү, кыылы этэргэ). Θ В сочетании со словом төбө “голова”: наклонять (голову) то в одну, то в другую сторону (напр., не решаясь сказать что-л. прямо); делать резкие движения (головой), трясти головой (напр., при испуге или упрямясь - о животном). “Сибилигин дуо? Суох, мин тугу да кэпсээбэппин”, - дии-дии баһын булкуйбута.
    Н. Якутскай
  • Эмискэ таба, төбөтүн булкуйа-булкуйа, хаһыҥыраата. Тэкки Одулок (тылб.). Мэччийэ сылдьыбыт субан сүөһүлэр дьиэ таһыгар мүлүрүҥнэһэн кэллилэр. Төбөлөрүн булкуйаллар, кутуруктарынан кымньыылана охсуналлар
    Л. Попов

3 туохтуур #

Туохха эмэ эбии атыны холбоо эбэтэр атын-атыны холботолоо

Нууччалыы Прибавлять, примешивать что-л. к чему-л. или соединять что-л. разнородное в одно. [Дьөгүөссэ:] Бэйэ, били оҕолор кэллэхтэринэ, отонноомохтуу түһэн, илдьэ барыллыа

  • Ыа, дьэ дагдаҕа булкуйан сиир минньигэһикэтэ бэрт буоллаҕа ээ.
    Күндэ
  • Биир куул сиэмэҕэ икки куул уоҕурдууну булкуйабын.
    П. Егоров
  • [Аянитов]_ _ булкуйбут кырааскатын палитратын кытыытын диэки бистэ. Софр
    Данилов

4 туохтуур #

Тугу эмэ туохха эмэ бис, умньаа, төкүнүт

Нууччалыы Обвалять что-л. в чем-л., обмакивать во что-л., валять кого-что-л. в чем-л

  • Дьахтар имигэс_ _ тарбахтарынан лапса оҥорон бурдукка булкуйар.
    Н. Габышев
  • Тугу барытын буһаран арыыбытыгар булкуйан сиэхпит.
    Амма Аччыгыйа
  • Көмүһү төһө да көлбөххө булкуй ћ син биир килбэйэн көстө сытыаҕа. Эрчимэн. Сиргэ-буорга булкуйа иликпинэ, киэр буола оҕус мантан!
    Амма Аччыгыйа

5 туохтуур #

Киһини туох эмэ үчүгэйэ суох суолга холбоо, кытыар

Нууччалыы Вовлекать кого-л. в какое-л. неприятное дело; впутывать

  • “Манна, сэриигэ, оҕолору булкуйар эмиэ туохха нааданый? Мин быраатым Петяны эрэ буолбакка, бу Ильини да ханна эмэ куттала суох сиргэ туруоран харыстыы сатыам этэ”, - дии саныыр Ростов.
    Л. Толстой
  • Миитэрэй олус долгуйан олорон Дьөгүөрдээнтэн тугу эрэ ааттаһар-көрдөһөр. “Баһым хас буолуой?.. ” - диир Дьөгүөрдээн. - “Кэбис, Миитэрэй, эн миигин итиннэ булкуйума”
    Амма Аччыгыйа

6 туохтуур #

Тугу эмэ мээнэ уларытан-тэлэритэн, сөптөөх сааһын, сүрүнүн кэс, бутуй

Нууччалыы Разными изменениями нарушать порядок или основной смысл чего-л.; путать, перепутывать, запутывать. [Сүөкүлэ:] Олорор олохпутун аймаан, тиэрэ булкуйан эрэллэр буолбат дуо?

  • [Улуу Кудаҥса] ол курдук бэрт эрэйи эрэйдэнэн, улуу муҥу көрөн, түҥ-таҥ, тиэрэ-маары булкуйан, араастык ырытан баран_ _ дьиибэни тэриннэ, дьиктини сананна.
    П. Ойуунускай
  • Аҕыс мөһөөҕү сиэн кэбиспитэ тахсан уонна суот дьыалатын хараарчы булкуйан кэбиспитин эбэн, үс сыл хаайыыга сыппыта
    Эрилик Эристиин
  • Киһи өйүн бутуйан, сыыһа суолга киллэр, муннар. Θ Путать, вводить кого-л. в заблуждение. Мин хара айыылаах, хараҥа буруйдаах киһибин, дьон булкуйаннар, таҥнары ытыйаннар, бандьыыттыы сылдьыбытым.
    И. Бочкарев
Өссө холобурдар (1)
  • Кылаас өстөөҕө, итэҕэл, абааһы туһунан сымыйа сэһэннэри тарҕатан, хараҥа дьон санаатын булкуйар
    Н. Габышев

7 туохтуур #

Холбонуо суохтары холботолоо, биири атыны кытта бутуй

Нууччалыы Путать, смешивать вместе разные вещи; путать, смешивать кого-что-л. с кем-чем-л., принимать одно за другое

  • Атын киһини кытта булкуйдаҕыҥ буолуо...
    Амма Аччыгыйа
  • [Оҕо] Уус дьиэтигэр гаайка, буолта, Тоһоҕо бөҕөнү булкуйан, Аҕатыгар “көмөлөһөрө”.
    Р. Баҕатаайыскай
  • Түүлү уонна дьиҥнээх түбэлтэлэри бииргэ булкуйан өйдүү-өйдүүлэр, кинилэр туохха эрэ үөрэн, оргууй күлсэ олороллор. Л. Толстой (тылб.)
Өссө холобурдар (4)
  • Биири туттар оннугар атын-атыны бутуйан тутун (хол., саҥарарга). Θ Смешивать, перемешать одно с другим (напр., языки в речи). Нууччалыы-сахалыы булкуйан саҥар.
  • Итинтэн сиэттэрэн улам бодоруһан, сахалыы-нууччалыы булкуйан кэпсэтэн барбыттара.
    Н. Якутскай
  • Тээнэ эбэҥкилэрин эдэр өттүлэрэ_ _ эбэҥкилии кэпсэттэхтэринэ араастаан булкуйа саҥараллар.
    Я. Семенов
  • Тэҥн. бутуй

8 этии #

Күлэ-күлэ күлүн булкуй фольк. - кими эмэ кыайан-хотон күл-көмөр оҥор, суох гын Эһэ-эбэ саҕаттан иринньэх бэйэлэрин илгэ быйаҥынан иитиэхтээн киһи-хара оҥорбут күрүөх билэ дьоҥҥун күлэ-күлэ күллэрин булкуйаары, оонньуу-оонньуу уоттарын умуруораары гынна. Күннүк Уурастыырап

Нууччалыы Торжествовать победу над кем-л. смешать кого-л. с пеплом (расправиться с кем-л. полностью и уничтожить его)

«Б» буукуба