ДьөгүөрСахалыы тылдьыт

Перевод с якутского

быһыытынан

кэнники тыл

Нууччалыы согласно, по

English according to

Ис хоһооно · 4

1 #

дьөһ

  • Бу телеграмма быһыытынан сүүрбэ биир сааһыттан сүүрбэ тоҕус сааһыгар дылы саастаах бүрээттэр сэрии тас үлэтигэр тутуллар буолбуттар.
    Эрилик Эристиин
  • Сокуон быһыытынан олорор киһи Сэбиэскэй былаастан кыбыстыан сатаммат.
    С. Ефремов
  • Петр Федоров дьон көрдөһүүтүн быһыытынан Короленко туһунан хоһоону аахта
    Амма Аччыгыйа

2 #

Сөп түбэһии сыһыанын көрдөрөн, хайааһын туохха эмэ олоҕуран, тугу эмэ тутуһан оҥоһулларын бэлиэтииргэ туттуллар

Нууччалыы Выражает отношение соответствия, употребляясь при обозначении предмета, согласно которому совершается действие (согласно, по)

3 #

Буолуу сыһыанын көрдөрөн, хайааһын хайдах-туох оҥоһулларын бэлиэтииргэ туттуллар

Нууччалыы Выражая отношения образа и способа действия, употребляется при обозначении предмета, в качестве которого другой предмет совершает действие (как, в качестве)

  • Коля Рудых оҕо быһыытынан ити подшипнигынан оонньуон баҕарбыта.
    Н. Заболоцкай
  • Уолаттар, үлэҕэ чахчы туруммут дьон быһыытынан, тыа диэки дьулуруһа турдулар.
    Амма Аччыгыйа
  • Аны мин эһиэхэ холкуостаах быһыытынан үлэлиибин.
    М. Доҕордуурап
Өссө холобурдар (1)
  • Эн куттаныма, суукка туоһу эрэ быһыытынан сылдьыаҥ
    Н. Якутскай

4 #

Ситим тыл суолтатыгар төрүөт ситиминэн араарыллыбыт бөлөхтөрү уонна биричиинэ салаа этиилэри холбуурга туттуллар

Нууччалыы В значении союза употребляется для присоединения причинных оборотов и придаточных предложений (поскольку)

  • Николаев радист буоларын быһыытынан, атын собуокка сылдьар, дэҥҥэ көрсүһэбит.
    Т. Сметанин
  • Наһаар, буруйун билиммит киһи быһыытынан, чэпчэтии ылбыта.
    Суорун Омоллоон
  • Разведка начаалынньыга буоларын быһыытынан, Бурхалей хамандыырга тыллабыр ыытта.
    Эрилик Эристиин
Өссө холобурдар (2)
  • Өйдөөбөппүн, өйдөөрү Үөрэнэрим быһыытынан, Эн дьэ миэхэ итилэри Этэн биэриэх кэриҥнээххин.
    Күннүк Уурастыырап
  • Туох барыта бүтэрин быһыытынан, Болот ууруммут саппааһа кэнникинэн баранан барбыта
    Н. Заболоцкай

«Б» буукуба