Перевод с якутского
илбий
туохтуур
Нууччалыы мести, подметать
Ис хоһооно · 5
1 туохтуур #
Тугунан эмэ (хол., сиппииринэн, тирээпкэнэн) харбаан ыраастаа
Нууччалыы Мести, подметать (полы)
Чочумча буолан баран таһыттан Дааса киирэн, остуолу хомуйар, дьиэни илбийэр, ону-маны орун-оннугар уурталыыр. А. Софронов Кинилэр Шейдманнааҕар атыннара: дьиэни илбийэр, сылабаары сылытар, иһити-хомуоһу сууйар этилэр. Эрилик Эристиин Мин аймааһыны таһаарбыт буруйбар – дьиэни илбийэн элэстэппитинэн бардым Амма Аччыгыйа
2 туохтуур #
Чэпчэкитик (хол., үтүлүгүҥ төбөтүнэн) сот
Нууччалыы Легким движением (напр., кончиком рукавиц) протереть, вытирать
Куонаан оҕонньор бу сырыыга хапкааны бэркэ кичэйэн ииттэ, суолун-ииһин илбийэн, оһорон кэбистэ. Н. Заболоцкай Солтуохап кинилэри күүппэккэ, тахсан сэргэҕэ баайбыт атыгар кээдьэрэҥнээн тиийэн кырыатын илбийбитэ П. Аввакумов
3 туохтуур #
Имэрийэн эмтээ, имэрий
Нууччалыы Лечить мятьем, массажем; гладить, поглаживать, легко касаясь рукой какой-л. части тела
Бадьырхай ойоҕо иһэ ыалдьарын илбийэ сылдьар эбит. Ол иһин хойутаан хааллым. Эрилик Эристиин [Ойуун] одурууну тылынан салаатаҕына, көрөр ыарыыны чупчуруйдаҕына, таарымтаны, ис ыарыытын илбийдэҕинэ, аал уокка айах тутан алҕаан намылыттаҕына, барыта үтүөрэн, тиллэн кэлэрэ үһү А. Бэрияк
4 туохтуур #
Имэрийэр курдук чэпчэкитик үр (тыал туһунан)
Нууччалыы Слегка, приятно обдувать (о ветре)
Тыал дьон сирэйин илбийэр Н. Габышев
5 туохтуур #
Үүр, киэр кэбэлит; суох оҥор
Нууччалыы Убрать кого-что-л. прочь, подальше; выметать
Кинини уоттаах сиппииринэн баартыйа иһиттэн илбийэн таһаарар киһибит турар...
П. ОйуунускайСыҕаайаптар ыамаларын уонна да атын бурсуйдар быччаҕардарын бэрт сөпкө илбийэн таһаарбыккын истэн, үөрэ сылдьабын... Амма Аччыгыйа Өстөөх төлөнүн өһөрөргө, Дьайдаах санаатын дьалбарытарга, Уордаах хааннааҕы уҕарытарга, Сидьиҥ бииһин илбийэргэ Кэрэ дьон кэккэлээбит С. Зверев