ДьөгүөрСахалыы тылдьыт

Перевод с якутского

киэр

Нууччалыы оттолкнуть, отпихнуть от себя

1 #

киэр ас - биир түргэн хамсаныынан бэйэҕиттэн тэйитэ сыҕарыт, үтүрүйэн кэбис

Нууччалыы Оттолкнуть, отпихнуть от себя

  • Валентин Петрович кэлэн кууһаары гыммытын Клавдия Михайловна киэр анньар.
    Н. Якутскай
  • Ааныһы ылан киэр анньан кэбистэ.
    Күндэ
  • Туманов илиитин киэр аста.
    Н. Габышев
Өссө холобурдар (36)
  • Киэр бар - хантан эмэ бара оҕус, бара тарт, дьүгэлий. Θ Уйди прочь, с глаз долой. Киэр баран Кэбэлийэ охсуохха.
    П. Ойуунускай
  • [Далбарай:] Бар, киэр бар, икки харахпар көстүмэ, хара ыт!
    Н. Неустроев
  • - "Күлүү-элэк оҥосто киирбит буоллаххына киэр бар, таҕыс!"
    Н. Якутскай
  • Киэр буол - киэр бар диэн курдук. [Ньукулай:] Киэр буол, икки харахпар көстүмэ, хара ыт!
    А. Софронов
  • Бар, киэр буол, сыакаар! - диэн киһитин сынньаары -- холдьоҕон таһаарбыта.
    Күннүк Уурастыырап
  • [Хаҥыллай:] Эн бэйэҥ киэр буол, бэйэҥ дьүгэлий. Манна мин дойдум, мин төрүт буорум.
    И. Гоголев
  • Киэр бырах (быраҕылын) - 1) тугу эмэ эмискэ, туора элит, илгэн кэбис. Θ Выбросить, отбросить прочь. [Светлана] абааһы көрөн, сиргэнэ-сиргэнэ үөнү ылан киэр бырахпыта; 2) көсп. үүрүлүн. Θ Быть отброшенным назад, изгнанным. Кэлбиттэр киэр быраҕыллан, Турбуттар тосторун ылан, -- Өстөөхтөргө күрэнэллэр.
    И. Эртюков
  • Ити кэмҥэ Монголияҕа Сэбиэскэй Арассыыйаттан киэр быраҕыллыбыт үрүҥ гвардеецтар этэрээттэрэ хорҕойбуттара.
    И. Федосеев
  • Киэр гын - кими, тугу эмэ суох гын, хомуй, ханна эмэ илт. Θ Убирать прочь с глаз, чтоб не видеть и не слышать. Бу сатананы киэр гын... Бэҕэһээ Трофимовтаах кыыстарын илиитин быһа хаба сыста диэн, бу ытынан сылтаан миигин мөҕөн эрэллэр.
    Амма Аччыгыйа
  • Суолбуттан киэр гын төрүт Хоргус, албын доҕоттору.
    И. Гоголев
  • Киэр диэ - аккаастаа, буолунума. Θ Отказать кому-л. в чем-л. Билигин да мин, оо, күндү доҕоруом, Бэйэҥ эрэ тэйитэн киэр диэбэтэргин, -- Баарбын барытын биэрэргэ бэлэммин.
    С. Данилов
  • [Матаҥныырап] Айталыынаны кытта кэккэлэһэ олордо, ону Айталыына киэр диэбэтэ.
    В. Протодьяконов
  • Лунин бэйэтэ даҕаны уон иккилээх уолу кытта уһуннук ыаһахтаһарын киэр диэбэт этэ.
    И. Тургенев
  • Киэр илгэр - тугу эмэ бэйэтиттэн халбарытар курдук, эрчимнээхтик туора элитэн кэбиһэр. Θ Отбросить, отшвырнуть прочь, выкинуть что-л. Тигэн эрэр этэрбэһин Тиэтэлинэн киэр илгэн, Ньилбэктэрин тэбэнэн, Дьэбдьиэй туран кэлбитэ.
    Күннүк Уурастыырап
  • Даша -- сиргэммит курдук, сону киэр илгэн кэбиспитэ.
    Амма Аччыгыйа
  • Михаил Иванович, суруйа олорор уруучукатын илиитин таһынан киэр илгээт, ойон турда.
    Н. Лугинов
  • Киэр кыйдаа - киэр үүр диэн курдук. Сэттэ уон сааспытын туолларбыт даҕаны, Киэр кыйдыы сатыахха кырдьыбыт санааны! Эллэй. [Өлүөнэ халаана] Бөхтөөх мууһу киэр кыйдыыр Муҥутуур айанынан.
    С. Данилов
  • Атаанныыр, амньыалыыр, Аанньа аһаппат. Дьиэтиттэн киэр кыйдыыр, Аһыммыт аҕата.
    Баал Хабырыыс
  • Киэр кэбэлий - киэр бар диэн курдук. [Муустаах муора - Өлүөнэҕэ:] Кэһиигин кытта Киэр кэбэлий!
    Өксөкүлээх Өлөксөй
  • - Ол дьөлө түһэн сылдьыбыт сиргэр сырыт, аны икки харахпар көстүмэ, киэр кэбэлий!
    Н. Якутскай
  • - Оттон, эн эмээхсиэн, манна дьону бутуйума, киэр кэбэлий, дьиэҕэр бар!
    А. Сыромятникова
  • Киэр тип - сирэн кэбис, ким эмэ тугу эмэ эппитин ылыныма. Θ Отвергать, отметать. [Унаарап] министиэристибэ бу тутууну сопхуоска былаанныырын саҕана манна баара эбитэ буоллар -- киэр тибиэ эбитэ буолуо.
    С. Никифоров
  • Бу тезиһи ГФР атын дойдулардааҕы дьыалатын миниистирэ киэр тибэр. ПА. Биһиги өбүгэлэрбит-- саха киһитин сиэрин-майгытын киэр тибэр эрэ киһи хоноһону холдьоҕуон сөптөөҕүн курдук саныыллара. "Кыым". Киэр уур (уурталаа) - тугу эмэ туора уур, уурталаа. Θ Отложить, отставить в сторону что-л. Иһиттэрин киэр уурталаабыттар. Дьүөгэ Ааныстыырап. Эр киһи -- икки куобаҕы хостоон киэр уурталыыр.
    У. Нуолур
  • [Оҕонньор:] Кинигэни киэр ууран, Дьэ, сүүр, биллэр убайгар.
    А. Абаҕыыныскай
  • Киэр үүр - кими, тугу эмэ (хол., санааны) үүрэн, кыйдаан кэбис. Θ Гнать прочь кого-что-л., отгонять. [Санааны] бэйэтиттэн киэр үүрэ сатыыр да, санаа сахсырҕа курдук арахсыбат.
    Амма Аччыгыйа
  • [Өрүүскэ:] Холкуостан киэр үүрүөххэ баар эйигин.
    Күндэ
  • Биһиги аармыйабыт -- өстөөҕү эмсэҕэлэтэн, утары атаакалаан киэр үүрэр.
    С. Васильев
  • Киэр элит - тугу эмэ илииҥ таһынан туора, ыраах садьыйан кэбис. Θ Отбросить, откинуть, отшвырнуть. [Оҕо] бэргэһэтин соһуйбут курдук киэр элиттэ.
    Суорун Омоллоон
  • [Алаарап] ботуоҥкатын киэр элитээт, икки илиитин быластаабытынан умса түстэ.
    Л. Попов
  • Куосканы илиитин таһынан киэр элитэн кэбиспитэ, дьиэ ортотугар тиийэн тура түстэ.
    И. Никифоров
  • Киэр эс - 1) тугу эмэ бэйэҕиттэн тэйитэн өрө күөрэтэн быраҕан, элээрдэн кэбис. Θ Выбрасывать, выкидывать; отбрасывать, откидывать. Атырдьахтаах отун киэр эһэн үрэл гыннараат, оҕонньор -- күрүөҕэ иҥнэ биэрдэ.
    Амма Аччыгыйа
  • [Көстөкүүн] харчытын Мэхээлэ диэки кэлэйбиттии киэр эстэ. Күндэ; 2) көсп. Кими, тугу эмэ суох гын, эһэн кэбис. Θ Уничтожить, ликвидировать, искоренить. Эмиэ эргэни киэр эһэр Истиҥ биир иэйиилээхпит.
    С. Данилов
  • Ээй, эһиги холкуостар, киэр эһиҥ эргэ олох эмэҕирбит силиһин.
    П. Тулааһынап
  • Ньиэмэс хааннаах ыттарын сир сирэйиттэн киэр эһиэхпит. ИИФ УС. Киэр этин - туохтан эмэ аккаастан, буолунума. Θ Отказаться от чего-л. "Эргэ олохтон киэр этиниэҕиҥ".
    Амма Аччыгыйа
  • Ньукулай Дорогуунап маҥнай байартан да киэр этиммэт. ФЕВ УТУ. Ленскэй сиэртибэ буолта... Мин Онтон сүрэҕим ыалдьан, ытаан, Туох баартан киэр этинэммин, Дьонтон тэйбитим.
    А. Пушкин
  • Ср. саг. кедэр, хак. кидер 'запад, на запад; в сторону'

2 этии #

Киэр хайыс - кимтэн эмэ кэлэй С. Ефремов

Нууччалыы Отвернуться от кого-л., разочаровавшись. [Киирик:] Бу көмүһү бэйэбэр иҥэриннэхпинэ туох буолабыный? -- Төрөппүт оҕолорум киэр хайыһыахтара

«К» буукуба