Перевод с якутского
кыраадыс
аат тыл
Нууччалыы градус
Ис хоһооно · 6
1 аат тыл #
Туох эмэ итиитин-тымныытын кэмниир өлүүскэ, холо олуга
Нууччалыы Градус (единица измерения температуры)
Оҕо кыраадыһа үрдээн, пульса кутталлаахтык тэбэр буолан иһэр. Эрилик Эристиин Кыраадыһым үрдүүрэ тохтоон, Миигин тимир кырабааппар Сордоох ыарыы хам тоһоҕолоон Сытыарбытын өрө бурҕайан, Туруом... айманымаҥ, доҕоттоор! П. Тулааһынап Баара-суоҕа икки хонук иһигэр халлаан отут кыраадыс тымныйа оҕуста ХС
Өссө холобурдар (1)
Ыарыһах этин итиитин (температуратын) кэмниир тэрил, кыраадыһыннык. Θ Градусник, термометр. Ыарыһаҕы тоҥсуйан, иһиллээн Туолкатын булбакка, Кыраадыс туруоран Кылатан көрбөккө -- Табылын билбэккэ тарҕатан кэбиспит В. Чиряев
2 аат тыл #
Арыгы испиирэ төһөтүн бырыһыанынан кээмэйэ; арыгы төһө хатанын кээмэйэ
Нууччалыы Содержание спирта в вине, единица измерения крепости вина, градус
3 аат тыл #
Эргимтэ дугатын муннуктарын кээмэйэ; эргимтэ 360 гыммыт биирэ
Нууччалыы Градус (дуг и углов) окружности
Туруйалар айаннаатахтарына сүүс уон кыраадыстаах муннук тахсар гына кэккэлээн көтөллөрүн учуонайдар бэлиэтии көрбүттэрэ. БК БК. Тула өттүгүн көрө ис, төбөҥ 360 кыраадыс эргичиҥнии иһиэхтээх. КИ АДББ. АХШ-ка биирдэ холорук паровоһу өрө ытыйан таһааран, салгыҥҥа 180 кыраадыс эргиппитэ уонна атын суолга илдьэн түһэрбитэ ДьДьДь
4 аат тыл #
Географическай хаартаҕа сир усталааһынын уонна кэтирээһинин ыйар мээрэй
Нууччалыы Мера измерения долготы и широты на географических картах, градус
Хаарта сыысхалын глобус кыраадыстаах сиэккэтин кытта тэҥнээн быһаарыахха сөп. САИ ССРС ФГ
5 этии #
Этиилэр
Муҥ кыраадыһынан көр муҥ
Балтараа көс сири муҥ кыраадыһынан ойутан тиийэммин, ампаарбын тэлэйэ баттаатым. Амма Аччыгыйа "Оппутун, күргэбитин, быһыппытын уот сиэн эрэр", - дии санаат, атын муҥ кыраадыһынан үрүйэни таҥнары ууннаран киирдэ. М. Доҕордуурап
Өссө холобурдар (1)
Кэннибин хайыһан көрбүтүм, доҕорум муҥ кыраадыһынан эккирэтэн иһэр. "ХС"
6 этии #
Кыраадыс сиэккэтэ - хаартаҕа сир шарын усталааһынын уонна кэтирээһинин ыйар мээрэйдээх сиэккэ
Нууччалыы Сетка градусов долготы и широты на географических картах