Перевод с якутского
күнүү
аат тыл
Нууччалыы ревность
1 аат тыл #
Чугас киһиҥ (хол., кэргэниҥ) тапталыгар, бэриниилээҕэр эрэмньигин сүтэрии, ол санааттан эрэйдэнии-муҥнаныы
Нууччалыы Ревность
Долооноп!.. Хабырыыс куһаҕаны сэрэйэ санаата, уоттаах күнүү көмөгөйүн хаарыйда. И. Гоголев [Маня:] Тоҕо мин эйигин атын кыргыттар хайгыылларын сөбүлүөхтээхпиний? [Петя:] Ити баар. Ол аата тугуй? [Маня:] Ол аата кыра соҕус күнүү диэн буолар. С. Ефремов Былыргы ытык бу гаремҥа, Мария ыраас дууһата, Биитэр абалаах Зарема Кута-сүрэ илэчийэн, Күнүү уотунан умайан Кэм да сылдьара буолуо дуо? А. Пушкин (тылб.)
2 аат тыл #
Ордугурҕааһын, ымсыы санаа
Нууччалыы Зависть. Ол биһиги оҕобут арыычча үчүгэй буолан бэйэлэрин тэҥнээхтэриттэн ордук чорбойоору гынна диэн сордоон эрдэхтэрэ. Барыта күнүү, бэрт былдьаһыы. С. Ефремов. Бүөтүр өйүнэн, тылынан, майгытынан-сигилитинэн, дьоҥҥо-сэргэҕэ сөбүлэтиитинэн, самбиһынан уолаттартан таһыччы ордук киһи буолан, уолаттар күнүү татайар курдуктар. Р. Кулаковскай. Ср. тюрк. күни, гүнү 'зависть'