ДьөгүөрСахалыы тылдьыт

Перевод с якутского

оҕонньор

аат тыл

Нууччалыы старик, старец

English old man

Ис хоһооно · 4

1 аат тыл #

Орто сааһын лаппа ааспыт, кырдьаҕас эр киһи

Нууччалыы Старик, старец

  • Былыыр-былыр бэрт дьадаҥы оҕонньордоох эмээхсинтэн үс уол оҕо төрөөн хаалбыта үһү.
    Саха фольк
  • Чүөчээски бастакы куртуйаҕын доҕоругар Намыын оҕонньорго илдьэн биэрбитэ.
    Суорун Омоллоон
  • Оҕонньор дьикти эдэрдик, эрчимнээхтик ордоотоон кэбистэ
    Амма Аччыгыйа

2 аат тыл #

Дьахтар кэргэнэ (үксүгэр тард. ф-гар тут-лар)

Нууччалыы Супруг, муж (по отношению к жене, обычно употр. в притяж. ф.)

  • Эмээхсинэ оҕонньорун, бачча тухары бииргэ эн-мин дэсиһэн, эр-ойох буолан олорон баран, билбэт буолуо дуо?!
    П. Ойуунускай
  • Кэлээт, ити оҕонньорбун кытта холбоспутум, оччолорго эдэр этибит
    Эрилик Эристиин

3 аат тыл #

харыс т., түөлбэ. Эһэни (тыатааҕыны) ханарытан ааттыыр тыл

Нууччалыы Слово, употребляемое в значении "медведь" (эвфемизм)

  • "Оҕонньор" билигин уһуктан арҕаҕыттан тахсан, чугас эргин лэппэрдээн эрдэҕэ.
    Далан
  • "Киирдэҕинэ, оҕонньору бултаһан көрүөҥ дуо? " - Киргиэлэй киһитэ туох диирин истээри, сэҥээрбиттии көрөн олордо.
    Болот Боотур
  • Эһэ суоһа-суодала бэрт буолан, былыр итэҕэл баарын саҕана дьон ордук куттанара; амаакаа, улахан аһыылаах, оҕонньор эҥин диэн ааттыыллара.
    ПАК ЭТ

4 этии #

Нууччалыы Говорят в шутливом тоне о человеке пылком, живом или, наоборот, очень спокойном

  • Оҕонньор кэпс., күл. -ооннь. - олус омуннурар, өрүкүйэр эбэтэр төттөрүтүн аһара холку киһини күлүү-оонньуу кэриэтэ этии Оҕонньор дьиэлээх, кырдьык бөҕөҕө кыайтаран, бэл кыыһырбатаҕа.
    Болот Боотур
  • Оо, оҕонньор дьиэлээх, эмиэ омуннаан, күөркүн абырахтанан киирэн бардыҥ.
    Г. Колесов
  • Ама доҕор, салайааччы ааттаах киһи үлэһиттэригэр оннук куруубайдык сыһыаннастаҕай, оҕонньор дьиэлээх кыратык эбэҕин дуу, хайдаҕый? "Кыым". Ср. монг. оҥон ‘онгон, дух, изображение духа’

«О» буукуба