ДьөгүөрСахалыы тылдьыт

Перевод с якутского

талаан

аат тыл

Нууччалыы выдающиеся врождённые качества, талант

Ис хоһооно · 4
I

1 аат тыл #

Айылҕаттан бэриллибит уһулуччулаах дьоҕур

Нууччалыы Выдающиеся врождённые качества, талант

  • Чаҕылҕан айар талаана сайдан, ситэн, кинигэттэн кинигэ ахсын наһаа уустугурдуллубут уобарастартан, иирчэх-баарчах этиилэртэн улам босхолонон испитэ. Софр. Данилов. Кини [Амма Аччыгыйа] саныырынан талаан – айылҕа күндү бэлэҕэ, нарын-намчы дьоллоох дьоҕур. ФЕВ УТУ. Үгэ олус уустук уонна суруйарга ыарахан пуорманан ааҕыллар, онон үгэһит талаан сэдэхтик үөскүүр
    ВГМ НСПТ

2 аат тыл #

Айылҕаттан бэриллибит уһулуччулаах дьоҕурдаах киһи

Нууччалыы Человек, обладающий выдающимися врождёнными качествами, способностями, талант

  • Кини [П. А. Ойуунускай] үүнэр талааннары -- иитии, таба суолга таһаарыы үлэтигэр ураты суолтаны биэрэрэ.
    ХС
  • Онтон сотору, икки сыл үөрэммиттэрин кэннэ, устуудьуйалара эмискэ сабыллан, бэрт элбэх талаан ыһыллан хаалар. ӨӨ ДДьДТ. Бу модун талаан [Александр Дюма] барыта икки сүүс биэс уон арамааны уонна сүүрбэ биэс пьесаны суруйан хаалларбыт.
    ЭК
  • Русск. талант
II

3 аат тыл #

Дьол-соргу тосхойуута, туохха эмэ табыллыы, сатаныы

Нууччалыы Счастье, удача, везение, желательный исход дела

  • Таастыы лачыгырыыр тарбаҕыҥ талаана биллин.
    П. Ойуунускай
  • Нэһиилэ Кыл тыына кырдырҕаан, Сур тыына сурдурҕаан Өрөгөй көрдөһө, Талаан тардыһа сытта.
    С. Васильев
  • Ити күөрэйэн эрэр күннүү, Инникиҥ үчүгэй буолуоҕа, Олоххор тохтообокко үүнүү, Өрөгөй талааныҥ үрдүөҕэ.
    И. Эртюков
Өссө холобурдар (1)
  • Ср. хак., бур. талаан, казах. талан ʻсчастьеʼ
III

4 аат тыл #

Туох эмэ уу ньуурун хамсатыыта, долгутуута (хол., кус күөлгэ түстэҕинэ үөскүүр кэҥээн иһэр иилэр, биллэр-биллибэт долгуннар)

Нууччалыы Круги на воде (от соприкосновения чего-л. твёрдого с поверхностью воды). [Кустар] түһэн баран, уу талаана сүтүөр диэри ону-маны одуулаһан, иһиллии олорбохтоот, уу иһэ-иһэлэр сапсыммахтаатылар, онтон ууга моонньуларын уга-уга аһаан ньалыгыратан бардылар

  • [Дьөгүөр оҕонньор] күһүн сүөлбэргэ маннааҕар ордук хараҥа буолааччы да, түспүт куһу ууга талаанынан көрөн ытыллар буолуллара дии санаата.
    В. Иванов
  • Сотору-сотору бөдөҥ соболор өрүтэ ыстаммахтыыллар. Талааннара тиэрбэс-тиэрбэс тараанньыктанан эриллимэхтии түһээт, тула тарҕанан, устунан уостан, сүтэн хаалаллар.
    И. Сосин
  • Ср. эвенк. талан ʻкруг на воде (от брошенного предмета)ʼ

«Т» буукуба