ДьөгүөрСахалыы тылдьыт

Перевод с якутского

тигис

туохтуур

Нууччалыы приплывать, приставать к берегу

Ис хоһооно · 5

1 туохтуур #

Уунан устан кэлэн кытыыга таҕыс, сыһын

Нууччалыы Приплывать, приставать к берегу

  • Ньырбачаан тордохтор тустарыгар кэлээт, туох да саараҥа суох тыытын кытыы диэки салайбыта уонна кытыыга тиксибитэ.
    Далан
  • Быйыл күһүн балык үчүгэйдик тиксэр сибикитэ биллибитэ.
    И. Федосеев
  • Куба күөл арҕаа кытыытыгар тиксэн иһиллии олорор
    ХС

2 туохтуур #

Ханна эмэ тиий, баар буол

Нууччалыы Оказаться, очутиться где-л

  • Быһаҕы манна умнубутум буолуо. Эйиэхэ хайдах тигистэ?
    Н. Габышев
  • Урут дэҥҥэ сылдьар үрэҕин тардыытыгар тиксэн хаалбытыттан соһуйан, тула көрүнэн олоотообута.
    П. Аввакумов
  • Буойуҥҥа кыайан тиксибэтэх мэтээл Сүөкүлэҕэ кэлбитэ
    ХС

3 туохтуур #

Туохха эмэ тииһин, ирээттэ, өлүүтэ ыл

Нууччалыы Добиться чего-л., получить что-л. при разделе, раздаче; иметь долю, часть от чего-л

  • Өр үтүрүһэн, үчүгэй бэйэлээх саһархай сэлээппэҕэ тигистим.
    Н. Габышев
  • Атын сири-уоту ахсарымына, сүрэхтэрэ сөбүлүүр үлэтигэр-хамнаһыгар тиксимнэлэр арыгыга убанан – кэскиллэрин сарбыммыт ийэлэр-аҕалар да баар буолбуттара.
    В. Титов
  • Өрөспүүбүлүкэтээҕи куоталаһыыга бириистээх миэстэҕэ тиксэн харчынан бириэмийэ ыллыбыт
    ПДН ТБКЭ

4 туохтуур #

Туохха эмэ түбэһэр, туох эмэ буолар аналлаах, ыйаахтаах буол

Нууччалыы Выпасть на чью-л. долю; угодить, попасть куда-л

  • Төрүт даҕаны баттыгаһы сөбүлээбэт сордоох этим гынан баран, хара дьай охсуутугар түбэһэн, алдьархайга тиксибитим.
    Суорун Омоллоон
  • "Эн курдук аанньалы анал оҥостон эрэр үрдүк дьол хайаларыгар тигистэ?" – Марусь билэ охсор баҕата тулуппата. "Чолбон". Миэхэ сэбиэскэй суруйааччылар сийиэстэрин эҕэрдэлиир чиэс тигистэ
    Чолбон

5 этии #

Нууччалыы Принять причастие, причаститься. [Артемьев:] Сыл аайы таҥараҕа тиксэҕин, аньыыгын этэҕин дуо диэн ыйытар тойон

  • Таҥараҕа тигис итэҕ. – христианскай итэҕэлинэн, таҥара дьиэтигэр ыытыллар таҥараҕа тиксии сиэригэр-туомугар сырыт, кытын
    Суорун Омоллоон
  • Таҥараҕа тигистэхтэринэ, аньыыларын эттэхтэринэ чэпчииллэрэ, дьэгдьийэллэрэ.
    И. Гоголев
  • Николка Булгунньахтаах дьаамыгар сотору-сотору таҥараҕа тиксэ барар идэлэммитэ. Ойуку. Ср. др. -тюрк. тегиш ʻкасаться, доставатьʼ

«Т» буукуба