Перевод с якутского
төкүнүт
туохтуур
Нууччалыы делать что-л. круглым, округлым
Ис хоһооно · 5
1 туохтуур #
Тугу эмэ төкүнүк, төкүнүктүҥү гына оҥор
Нууччалыы Делать что-л. круглым, округлым
Оҕолор быластылыынтан мээчик бөҕө төкүнүппүттэр. Сиидэ маһын көнө саастаах тиит мастан кыраабыл тииһин саҕа суоннаах гына төкүнүтэ кыһан оҥорон баран, ыккардын биир сэнтимиэтир тэйиччи иҥиннэриллэр МАП ЧУу
2 туохтуур #
Төгүрүк, төкүнүк быһыылааҕы туох эмэ устун бэйэтинэн эргитэн хамсат, үҥкүрүҥнэт
Нууччалыы Двигать что-л. круглое, округлое, перекатывая, вращая по какой-л. поверхности
Мылахов ону [табаҕы] тоҕо эрэ эһэ охсон ылла, онтон имиппэхтээн баран, остуол сирэйигэр төкүнүттэ.
Н. ЛугиновОртуур, массыына киэҥник килэдийбит суолугар дэҥҥэ көстөр сылгы сааҕын ыраах тэбиэлээн төкүнүтэ-төкүнүтэ, дьиэтин диэки бэдьэйэ сиэлэн хаамта. П. Аввакумов Көмөлөөн буочукалаах сэлээркэни гараас иһигэр төкүнүтэн киллэрэн олохтоох сирин буллардылар У. Ойуур
3 туохтуур #
Кими эмэ хантан эмэ үҥкүрүтэн түһэр
Нууччалыы Скатывать кого-л. откуда-л., валить. [Байбааскы] Харытыананы икки илиитинэн сиргэ халаачык курдук төкүнүттэ
[Көстөкүүнү] илиитинэн тобугун куустаран олуйан кэбиһэллэр, ол гынан баран тиэрэ анньыалаан төкүнүтэллэр.
Күндэ[Испо – Токи Ньукулайга:] Эйигин илиигин-атаххын кэлгийэн баран, наартаҕыттан төкүнүтэн кэбиһэбит. А. Кривошапкин (тылб.)
4 туохтуур #
харыс т. Тугу эмэ өлөрөн сууллар (бултуу сылдьан)
Нууччалыы Завалить кого-л., убить, подстрелить (на охоте)
Сахаар аҥаар да илиитинэн бэркэ ытар эбит. Куобаҕы хата сүүрдэн иһэн төкүнүтэн түһэрэр.
Суорун ОмоллоонУохтаах карабинынан Оҕо тайаҕы охтордо, Бүүчээни төкүнүттэ, Туртаһы тулумайдаата. Р. Баҕатаайыскай Кытылга сүөһү элбэх дии, биир эмэ борооскуну киллэрэн төкүнүппэппит дуо? ХС
5 этии #
Төкүнүтэн кэбис кэпс. – кими эмэ дуоһунаһыттан уһул, үлэтиттэн уурат Сирэй миниистири төкүнүтэн кэбиһэллэр, ол оннугар Терентьеви аныыллар үһү диэн сурах тарҕанар. Н. Лугинов
Нууччалыы Скинуть кого-л. с должности, уволить кого-л. с работы