ДьөгүөрСахалыы тылдьыт

Перевод с якутского

аргыс

аат тыл

Нууччалыы спутник, попутчик

English fellow traveller, companion

Ис хоһооно · 6

1 аат тыл #

Айаҥҥа, суолга бииргэ айаннаһар киһи

Нууччалыы Спутник, попутчик

  • Айан аргыһы таптыыр (өс хоһ.). Ол кэннэ бүгүн кини аара дэриэбинэттэн холбоһон кэлбит аргыһын диэки көрүтэлээн кэбистэ.
    Эрилик Эристиин
  • Кыл сэлээппэлээх аҕамсыйа барбыт киһи аргыһын сирэйин-хараҕын көрбөхтөөтө.
    Л. Попов
  • Сүөдэр Сүөдэрэбис хараҕын аһан аргыстарын көрүтэлээтэ
    П. Аввакумов

2 аат тыл #

Планетаны тула эргийэ сылдьар халлаан эттигэ

Нууччалыы Небесное тело, вращающееся вокруг планеты

  • Марс планета аргыстара - Фобос уонна Деймос.
  • Юпитер планетаны аргыстар тулалыыллар, оннооҕор Күн эмиэ харалардаах эбит
    АЕБ ОҮИ

3 аат тыл #

Аракыата көмөтүнэн куосумас куйаарыгар орбитаҕа таһаарыллар космическай аппар аат

Нууччалыы Космический аппарат, с помощью ракетных устройств запускаемый на орбиту в космическое пространство

  • Аргыска олордуллубут аппаратура сөптөөхтүк үлэлиир. “Кыым”. Сир ийэни эргийэ көтөр Сындыыс аргыс айылынна, Аны суох буолла дьону тутар Халлаан киэҥэ, далай анна
    И. Эртюков

4 аат тыл #

Тугу эмэни кытта бииргэ сылдьааччы, бииргэ көстөн кэлээччи

Нууччалыы То, что сопутствует чему-л., появляется вместе с чем-л

  • Бу алтан колчедан. Боростуойун көрүмэ - мантыкаҥ кыһыл көмүс аргыһа.
    Суорун Омоллоон
  • Сэрии аргыһа - уот кураан олус бииһээтэ.
    М. Доҕордуурап
  • Сэргэлэр - олох туоһулара, олох аргыстара, олох арыалдьыттара.
    С. Федотов
Өссө холобурдар (1)
  • Тюрк. аргыш

5 этии #

Олох аргыһа - кэргэн киһи Кэргэн диэн - көрсүү дьахтар буолбатах, биһиги олохпут доҕоро уонна аргыһа буолар. ЭБЭДьА. Эдэр сааспыт ити уоттаах сылларыгар аны олохторбут аргыстара көстөннөр күннэри-түүннэри "муҥнаабыттара". ВВ ТТ

Нууччалыы Спутник жизни

6 этии #

Нууччалыы Небесное тело, вращающееся вокруг Земли

  • Сир аргыһа - сири тула эргийэ сылдьар халлаан эттигэ Ый - сир аргыһа.
  • Судаарыстыба, элбэх үптээх буоллаҕына, аракыаталары оҥорор. Сир аргыстарын халлааҥҥа таһаарар.
    Н. Якутскай
  • Манна баар - сир маҥнайгы аргыһыттан ыла бары сэбиэскэй космонавтар хаһан уонна хайдах туох көппүттэрэ. С. Федотов

«А» буукуба