ДьөгүөрСахалыы тылдьыт

Перевод с якутского

дуоска

аат тыл

Нууччалыы доска

English blackboard, chalkboard, whiteboard

Ис хоһооно · 4
I

1 аат тыл #

Миэлинэн суруйарга аналлаах хаптаҕай оҥоһук

Нууччалыы Доска (школьная)

  • Үнүрүүн биирдэ дуоскаҕа ыҥыран ыйыппыппар кыайан эппиэттээбэтэҕэ.
    С. Данилов
  • Учуутал хара кырааскалаах дуоскаҕа туус маҥан миэлинэн суруйан барар.
    В. Протодьяконов
  • Оҕолор биир-биир дуоскаҕа тахсан, нууччалыы суруллар оҕо аатын суруйаллар
    КИИ МКТТҮө

2 аат тыл #

хаптаһын диэн курдук. [Уоһук:] Мин бүгүн эһигини кытта сырсабын диэн хотуурбун дуоскаҕа тосту охсон кэбистим дии. Күндэ. Тыраап дуоскаларын төһө бөҕөлөрүй, миигин уйууһуктар дуу суох дуу диэн бэрэбиэркэлии-бэрэбиэркэлии Бэби оргууй аҕай богуонтан тахсыбыта. ДВЛ МК

3 аат тыл #

Туохха эмэ туттуллар анал оҥоһуулаах хаптаһын, фанера, билиитэ

Нууччалыы Пластина, плита, доска разного назначения

  • Саахымат дуоската. Мемориальнай дуоска. Бочуот дуоската. Чертежнай дуоска.
  • Уһун остуол аттыгар үлэ кыраапыгын толоруутун көрдөрөр дуоска баар буолбут.
    В. Протодьяконов
  • Кини үрдүк көрдөрүүтүн иһин -- хаста даҕаны бочуот дуоскатыгар тахсыбыта.
    М. Попов
Өссө холобурдар (1)
  • Импэрээтэр бэйэтин кытта куруутун саахымат дуоскатын илдьэ сылдьара
    ПВН СБК
II

4 аат тыл #

, саахымат. Саахымат, дуобат күрэхтэһиитигэр оонньуу биир түһүмэҕэ

Нууччалыы Одна партия (в шашках и шахматах)

  • Хамаанда састаабыгар нуучча дуобатыгар ССРС успуордун маастара Семен Николаев бастакы дуоскаҕа оонньоон бастаабыта
    Кыым

«Д» буукуба