Перевод с якутского
кыараа
туохтуур
Нууччалыы сузиться; стать теснее
1 туохтуур #
Кыараҕас буол
Нууччалыы Сузиться; стать теснее
Пиэрмэ диэки араҕыстаҕын аайы суол сыыйа кыараан испитэ. Далан [Кырса оҕото] тэллээбий күннэтэ улаатан испитэ, Дьааһык уйата кыараабыта, онон күнүһүн таһырдьа көҥүл сылдьар булбута. И. Федосеев Лена эбэ хотун хочолоро кыараатылар дуу, бадарааҥҥа бардылар дуу? ХС
2 туохтуур #
Ыарахан балаһыанньаҕа киир, муҥур уһукка түс
Нууччалыы Оказаться в крайне тяжелом положении, впасть в отчаяние
Киэҥмит кыараан, уһуммут кылгаан олорор дьоммут. ПЭК ОНЛЯ I. [Уйбаан оҕонньор - Манчаарыга:] "Баһылай оҕонньоор! Кыараабыт буоллаххына, Кыраларыҥ тустарын хайдах Кыһанан бараҕын, Хаалынньаҥнаргар ханнык Хараллар дьаһалы салайаҕын, - Киэҥ соҕус буоллаххына, - Кэпсии түһүөҥ дуу?" А. Софронов Кини оннук кыараан ылар кэмнэрин -- суол тоҕойдоро, ойуур ыллыктара эрэ билэллэрэ. В. Яковлев Ср. др. -тюрк. хавур 'сжимать, стискивать, сдавливать'; др. -тюрк. хавыр 'собирать, сводить, сжимать'
3 этии #
Нууччалыы Поле его действия сузилось. [Ыарыыга ылларан] Ыксаан сыттахха Ымсыырар да ыыра кыарыыр, Ол эрээри онтуҥ Олох эбээт, олох!
көхсө кыараата - көр көҕүс. Ол билигин аҥаардас харахтаах адьарай биистэрэ атаҕастааннар, киэҥ көхсүбүт сүүтүктээҕэр кыараан уһун санаабыт саптааҕар синньээн олоробут. Ньургун Боотур. Уйбаан Дууһа киэҥ көхсө кыараата, уһуну-киэҥи саныыра уурайда. Эрилик Эристиин [Туйаарыма Куо - Уот Уһутаакыга:] Хороҥ айыыһыт Холбообута буолуо диэммин, -- Көһүтэрбэр Көхсүм кыараата, Кэтэһэрбэр кэтэҕим көһүйдэ.
П. ОйуунускайКини [Абыраамап] Кыһыллаай хоруйун күүтэ сатыы сылдьыбыта, көхсө кыараан барбыта. Л. Попов
Өссө холобурдар (2)
Ыыра кыараата - дьайар, оҥорор, сылдьар кыаҕа мөлтөөтө С. Тарасов [Ыалдьыт - Тэрэнтэй оҕонньорго] син бултаамахтаабыт киһи хаар бөҕө баттаан, ыыра кыараабыт, тыһа кылгаабыт быһыылаах. М. Чооруоһап