ДьөгүөрСахалыы тылдьыт

Перевод с якутского

баттат

Нууччалыы подпереть дверь палкой

1 #

Ааҥҥа маһы өйөннөрө уур (дьиэлээхтэр суохтарын бэлиэтэ)

Нууччалыы Подпереть дверь палкой (в знак отсутствия хозяев)

  • баттаа диэнтэн дьаһ. туһ. Атахпын маска баттаттым.
  • Ол дьиэ тутуутугар кини аҕата, бэрэбинэҕэ баттатан өлөр охтуутун охтубута.
    А. Сыромятникова
  • Туох эрэ ыараханынан төбөтүн сыыйа баттатан иһэр курдук, Коля улам-улам төбөтүн хоҥкутан барбыта. Л. Попов
Өссө холобурдар (2)
  • Дьиэтин аанын таһыттан баттатан кэбистэ. ПЭК СЯЯ. Ааннарын баттата-баттата, эмээхситтэр, дьахталлар киэргэнэн, эриэн былаатынан симэнэн, сиэттиһэ-сиэттиһэ субустулар.
    С. Васильев
  • Дьиэтин аанын таһыттан хатаан баран, эбиитин өссө суон дүлүҥүнэн баттатан кэбистэ
    Н. Заболоцкай

2 #

Түүн утуйа сытан, куһаҕан түүлү түһээн эбэтэр куттанан хаһыытыы, саҥара сатаа

Нууччалыы Впадать в кошмар от страха в тяжелом, болезненном сне

  • Мин ол түүнү быһа баттатан аанньа утуйбатым.
    И. Федосеев
  • Өксүүнньэ баттатан илиитин-атаҕын хамсата сатыы-сатыы хаста даҕаны бэрт куһаҕаннык кыкынайбахтаан ылла.
    Күндэ
  • Уһуктубут киһи! Хамсаабыт киһи! Тыый, кыайан хамсаабаппын. О, баттаттым дии, быһыыта
    Суорун Омоллоон

3 этии #

Нууччалыы Робеть перед кем-л., подавляющим волю. [Омоҕой баай эмээхсинэ:] Оҕонньор, эн ити Эллэй таһыттан киирдэр эрэ уҥуоҕуҥ босхо барыар дылы хамсыыр ээ, быһыыта куттанар, сүр баттатар быһыылааххын

  • Сүр баттат - кимтэн эмэ толлон, куттанан, сабырыйтарар буолан, тугу да утары этэр да, оҥорор да кыаҕа суох буол
    Саха фольк
  • Хайа, бачча үлүгэр баҕайыттан [Киил оҕонньортон] оҕолор сүрдэрин баттатан эрдэхтэрэ.
    Н. Лугинов
  • Кими кыайаары диэн наһаа сүр баттатар, баһыйтарар этим.
    Г. Колесов
Өссө холобурдар (3)
  • Түһээн да баттаппат - туох эмэ туһунан олох тугу да билбэт, сэрэйэн да көрбөт. Θ Ничего не подозревает, совершенно не знает, даже не догадывается о чем-л. Дьэллик ол туһунан түһээн да баттаппакка, дьиэтигэр төннөн истэ.
    Н. Заболоцкай
  • Кинини маннык ыалдьыа диэн киһи түһээн да баттаппатах суола.
    Күннүк Уурастыырап
  • Мин соргум суон өһүөтэ хаачыгырыы тостуо диэн баччааҥҥа диэри Түһээн да баттаппат этим. И. Гоголев

«Б» буукуба