ДьөгүөрСахалыы тылдьыт

Перевод с якутского

кырый

туохтуур

Нууччалыы резать, кроить ножницами

English to cut, to clip, to shear

Ис хоһооно · 10
I

1 туохтуур #

Кыптыыйынан быс

Нууччалыы Резать, кроить ножницами

  • Дьахталлар ичигэс таҥаһы тигээрилэр сукуна курдук сымната имитиллибит таба тириитин кырыйаллар.
    Н. Якутскай
  • Ким бу курдук, хас сэбирдэҕи барытын биир быһыылаах гына кырыйан, киэпкэ баттаан оҥоортой?
    Суорун Омоллоон
  • Мавра сыппах кыптыыйа таҥас кырыйар тыаһа чылыгыраан иһиллэр
    М. Доҕордуурап

2 туохтуур #

Тугу эмэ сарбый, быһыы-таһаа биэрэн быс (хол., баттаҕы, тыҥыраҕы, үүнээйини)

Нууччалыы Стричь, постригать

  • Лэри-лэкэгэр төбөтүн киччэччи кырыйбыттар, уол оҕолуу боспоччу таҥыннарбыттар.
    Амма Аччыгыйа
  • Былыргы баай ыал мааны оҕолоро буолан, баттаҕын хаһан да кырыйбатахтара.
    Күннүк Уурастыырап
  • Суоппуйа өрүүлээх баттаҕын аҥаарын, сүр түргэнник быһа кырыйан кэбиспитэ
    А. Сыромятникова

3 туохтуур #

Тугу эмэ икки аҥыы хайытардыы инниҥ диэки түс, сыт (хол., ууну, хаары)

Нууччалыы Рассекать что-л. (напр., воду), двигаясь вперед

  • Аллаах оҥочо биллэрдик иэҕэс гына-гына, улам түргэтээн, уу кырсын икки аҥы тэлэ кырыйда.
    В. Яковлев
  • Онно, кубалыыр долгун баалларын, Тыы курдук Тылбыҥныы тэлээрэн, Хопто-доҕорбут кыната кырыйар.
    В. Чиряев
  • Уу дьикти кылбаархай урсунун мэник тыал кырыйда
    Н. Босиков

4 туохтуур #

поэт. Туох эмэ аттынан эбэтэр устунан кэрийэ көт, бар, туох эмэ иэнин кэрийэ, батыһа көт, бар

Нууччалыы Лететь, парить над чем-л. или идти, тянуться вдаль по периметру чего-л

  • Тэһииргээбиттии үөр туллук Хаар көҕүрүмтүйэр иэнин кырыйар.
    Н. Босиков
  • Кытылы кырыйар Кыйыа таас хайата, Эрийэр-буруйар Эрбэгэр иирэтэ.
    А. Бродников
  • Ср. тюрк. кырк, кыр 'стричь, скоблить, скрести'

5 этии #

Нууччалыы Продвигаться (ходить, бегать, летать) вдоль чего-л

  • Кырыйа көт (хаам, сүүр) - тугу эмэ кэрийэ хаам, сүүр, көт Күн олус уһаабыта, саһар икки саспат икки ардынан саҕаҕы кырыйа көппүтэ.
    Далан
  • Уҥа диэки түннүктэри кырыйа хаамта.
    Н. Заболоцкай
  • Кылбаара устан Кыталык кэллэ, Кыҥкыныы ыллаан Кырыйа көттө.
    М. Доҕордуурап
Өссө холобурдар (1)
  • Уу кырыйа - кыл имэрийэ диэн курдук. - Былааҥҥыт туолуута хайдаҕый? - Эбэһээтэлистибэлиин уу кырыйа - диэхтэрэ. "Кыым". Ууну ыытар магистральнай хоруулар Куда өрүс уҥа террасатын чабырҕайынан уу кырыйа хаһыллыбыттар. "ЭК"
II

6 туохтуур #

Уһуннук олох олорон, эт-хаан өттүнэн мөлтөө-ахсаа, сааһыр, кырдьаҕас буол

Нууччалыы Состариться, становиться старым. [Сэмэн] Бу да кырыйдарбын, биир кыыс оҕону иннин ылыам дии саныыбын

7 туохтуур #

Баар буолбутуҥ, туһаныллыбытыҥ ырааппыт буолан эргэр, хаарбахсый

Нууччалыы Становиться ветхим, обветшать

  • Хатыҥ тэллэйэ кырыйдаҕына, Хаахыныы-кыыкыныы оонньуур
    Е. Васильев

8 туохтуур #

Былыргыта бэрдиттэн аныгы кэмҥэ сөп түбэспэт, туттуллубат буол

Нууччалыы Устаревать, выйти из употребления по старости

  • Норуот тапталлаах ырыаһыта ыллаабыт, ыллыыр ырыата мэлдьи норуотун кытта! Таптал сөҕүрүйбэт, ырыа кырдьыбат! "Кыым". Ср. тюрк. кары 'стареть'

9 этии #

Нууччалыы Будучи уже немолодым вести себя как молодой человек; вести себя не по возрасту легкомысленно

  • Кырдьан баран кылыыһыт буол - сааһыран баран эдэр киһилии быһыылан Кырдьан баран кылыыһыт буолбут диэбиккэ дылы, оҕонньор ойох ылаары тииһэн эрдэҕин.
    А. Софронов
  • Киһиҥ, эр бэрдэ, өссө оҕо оҥоруох санаалаах. Кырдьан баран кылыыһыт буолбут диэбиккэ дылы. П. Ойуунускай

10 этии #

Нууччалыы Старость, старческий, пожилой возраст

  • Кырдьар саас - киһи ситии-хотуу сааһын кэнниттэн кэлэр сааһа, эт-хаан өттүнэн кэхтэр кэмэ Кырдьар саас киһи аайы тиксибэт, дьоллоохторго эрэ тиксэр дьылҕа.
    Н. Лугинов
  • Киһи кырдьар сааһыгар Ийэ киин буора тардар.
    С. Данилов
  • Өлөр үйэбитигэр, кырдьар сааспытыгыр хайдах-хайдах олоххо тиксэн иһэр буоллубут. М. Доҕордуурап

«К» буукуба