Перевод с якутского
кэрий
туохтуур
Нууччалыы обходить, объезжать кого-что-л. поочередно с определенной целью
Ис хоһооно · 6
1 туохтуур #
Тус туһунан үгүс сиргэ эбэтэр туохха эмэ аахтара сылдьыталаа
Нууччалыы Обходить, объезжать кого-что-л. поочередно с определенной целью
Муҥ маһы кэрийбэт, киһини кэрийэр (өс ном.). Биһиги экскурсиялаан, дьоллоох, мичиктээх Украинаны кэрийэ сылдьабыт. Амма Аччыгыйа Чүөчээски күрээтэҕин күн быһытын туох баарын барытын кэрийдэ.
Суорун ОмоллоонСаҥа хаһаайын сирин-уотун кэрийэн көрөн баран, ресурсата мөлтөх эбит диэн түмүккэ кэлбитэ Кыым
2 туохтуур #
Туох эмэ кытыытынан, тугу эмэни кыйа бар, бара тур
Нууччалыы Идти, ехать, плыть мимо, по краю чего-л
Кинилэр үрдүк хара сыыры аннынан кэрийэ устан истилэр. Эрилик Эристиин Иччитэх балаҕан оҕуруотун кэрийэ сүүрэн иһэн көрдөҕүнэ, күөрт ыт дьиэ анныгар олорор эбит. М. Чооруоһап Кумах кытылы кэрийэ, икки киһилээх лаппаҕар мас тыы долгуҥҥа күөрэҥниир. ПН
3 туохтуур #
Туох эмэ кытыытынан, тугу эмэни кыйа субулун, бара тур (хол., суол, үрэх о. д. а.)
Нууччалыы Протянуться, пролегать (около, мимо чего-л.; напр., о дороге, речке)
Сыарҕа суола тыа саҕатын кэрийэ барда. Ф. Захаров Айаннарын суола биһиги олбуорбутун кэрийэн ааһар. Эрилик Эристиин Уҥа диэки истиэнэни кэрийэ барар ороннор, улахан аһыыр остуол тураллар Дьүөгэ Ааныстыырап
Өссө холобурдар (1)
Тугу эмэни кыйа, туох эмэ кырыытынан сыт, тур, баар буол. Θ Протягиваться, пролегать, выстраиваться вдоль чего-л. Таастары тиэйэн аҕалан дьаарыстаан оҥоһуллубут баррикадалар олбуор эркинин кэрийэ кыстана сыталлар Эрилик Эристиин
4 туохтуур #
Киһиттэн киһиэхэ тарҕанан, эргийэ сырыт (кэпсээн, сонун, сурах о. д. а.)
Нууччалыы Переходить из уст в уста, распространяться устным путем (о молве, слухах)
Моһоллоох ойуун кэпсээнэ ыаллар дьиэлэрин кэрийдэ. М. Доҕордуурап Кыыс кэлбитин бастакы субуотатын кэнниттэн бөһүөлэк ыалларын -- маннык кэпсээн кэрийбитэ. Э. Соколов Ср. др. -тюрк. кез 'ходить, бродить, странствовать'; монг. кэрү 'шататься, странствовать'
5 этии #
Ыалы кэрий бэй. туһ. - ыал устун бар, умнаһыт кумалаан буол "Бэйэм буоллахпына бу ыалы кэрийэн кумалаан буола сылдьабын", - диэн баран эмээхсин -- үҥэн боҕуйан кэбистэ. Эрилик Эристиин. [Тоокуй] бэйэтэ ойоҕунаан ыалы кэрийэн аһыыллар. Күндэ. Тэҥн. ыал устун бар (сырыт)
Нууччалыы Идти по миру, нищенствовать, попрошайничать
6 этии #
Нууччалыы Начинать ходить, делать первые шаги, держась за края лавки (старинной якутской юрты - о ребенке)
Сыҥаһаны кэрий бэй. туһ. - сабыс-саҥа атахха уйуттар буолан, тутуһан хаамп (былыргы дьиэҕэ орон сыҥаһатыттан тутуһан оҕо маҥнай хаама үөрэнэрэ) Сыҥаһаны кэрийбиппэр Сыччыыйдара буоллум.
Өксөкүлээх ӨлөксөйСыҥаһаны кэрийэр эрдэхпиттэн Эриэн бургунаһыҥ үүтүн испитим. П. Тулааһынап