Перевод с якутского
сааскы
даҕааһын, аат тыл
Нууччалыы весенний
English spring
Ис хоһооно · 4
1 даҕааһын #
Саас буолар, оҥоһуллар, туттуллар
Нууччалыы Весенний
Сааскы кэм. Сааскы халлаан. Сааскы тыал. Сааскы ыһыы. Сааскы киһи салбаммытынан, күһүҥҥү киһи күлбүтүнэн (өс ном.). Сааскы ылааҥы күн барахсан чэбдик салгына сайа кууста. Болот Боотур Төһө да сыралара эһиннэр, санааларын баҕатынан сааскы халаан уутун кэһэн айаннаабыттара И. Данилов
2 даҕааһын #
поэт. Киһи эдэр айар сааһынааҕы эбэтэр норуот олоҕун саҥалыы сайдыыта саҕаланар кэминээҕи
Нууччалыы Относящийся к раннему периоду творческой деятельности человека или нового обновления общественной и культурной жизни народа
Ырыаһыт буолбут ыраатта. Ол сааскы омуннаах кэмҥэ Дууһабар айыы баҕата, Сүрэхпэр олох ырыата Муҥура суох элбэх этэ С. Данилов Аан бастаан ыллаппыт, ытаппыт Умнубат бастакы тапталбыт, Бастакы ырыабыт ымыыта, Олохпут сааскыта - барыта Хаалбыт ол быдан сыллаахха Сэргэлээх иккитэ уопсайга. С. Данилов Иитиллэр эбэбит Элиэнэ иэнигэр Эриэккэс сааскыны эргиттиҥ, Үйэттэн үйэҕэ тилэри диэлийэр Үрдээбит өрөгөй чэчирин чэлгиттиҥ Күннүк Уурастыырап
3 аат тыл #
көр саас III
4 даҕааһын #
поэт. Киһи көҥүл, дьоллоох эдэр сааһа эбэтэр норуот олоҕор дьоллоох саҥа кэм
Нууччалыы Счастливые юные годы в жизни человека, счастливое новое время в жизни народа
Көп сирэм сибэкки быыһыттан Күөрэгэй күөрэйэн хоһуйда, Саймаархай сайаҕас салгынтан Сааскыны уруйдуу тоһуйда. Күннүк Уурастыырап Хоту кыраай Хонон турбут курдук Сандаа маҥан Сааскыта эргийбит. С. Васильев Кыл сэлээппэлээх кырдьаҕастар быйыл, сааскыта хатааһыннаах буолан, от-бурдук бөрүкүтэ суох үүнүө диэн дьоһумсуйан олорон дьылҕалыыллар. В. Чиряев