ДьөгүөрСахалыы тылдьыт

Перевод с якутского

сабыһын

туохтуур

Нууччалыы нависать, хмуриться, насупиться, набрякнуть

Ис хоһооно · 4

1 туохтуур #

Аллара сабыччы түс (хол., киһи хааһын, халтаһаларын этэргэ)

Нууччалыы Нависать, хмуриться, насупиться, набрякнуть (напр., о бровях, веках человека)

  • Киэҥник көрбүт хараҕын халтаһата улам сабыстан, иэдэһин быччыҥнара улам сымнаан бардылар. Софр. Данилов. Андреевич күп-күөх дириҥ харахтара сабыста-сабыста өрө-таҥнары түрдэҥнэстилэр
    П. Филиппов

2 туохтуур #

ан эмэ кэри-куру дьүһүннэн, кэри-куру буол

Нууччалыы Становиться угрюмым, мрачным, хмурым, неласковым

  • "Тыый, доҕоор, бу хантан күөрэйдиҥ?" - субу сабыстан олорбут Тиит доҕорун куолаһын истэн үөрэн хаһыытыы түстэ.
    Н. Лугинов
  • Өлөксөй оҕонньор, сирэйэ-хараҕа сабыстан, күлүгүрэн туран, тас таҥаһын эмээхсинигэр көмөлөһүннэрэн уһулан, -- оронун диэки салҕаластаата.
    П. Аввакумов
  • Кинээс, хайдах эрэ сирэйэ сабыстан, умса көрөн турда.
    М. Доҕордуурап
Өссө холобурдар (3)
  • Били мичээрдээбит эйэҕэс харахтара сабыстан, сирэйэ дьиппиэрэн, саҥата чиҥээн хаалла
    П. Филиппов
  • Мунчаар, муҥутахсый. Θ Быть подавленным, хмуриться, грустить, печалиться. Силиппиэн саараҥнаабыт, сабыстыбыт уонна куттаммыт киһи быһыытынан остуол атаҕын көрөн олордо.
    Л. Попов
  • Туох эрэ алҕаһы оҥоро сыспыттыы саҥата-иҥэтэ суох сабыстан сылдьыбытым
    ХС

3 туохтуур #

Кимтэн-туохтан эмэ симиттэн, толлон тохтоо, оҥоруоххун оҥорума

Нууччалыы Теряться, робеть, смущаться

  • Оҕо улахан дьонтон сабыстан саҥарбат.
  • Ыкынаачай кинээс өһүргэнэн, баар дьону барыларын үлтү түүрэйдиэн, куттаталыан баҕарда эрээри Пластинов дириҥник, кинини курдаттыы көрөр курдук сытыы харахтарыттан сабыһынна.
    Д. Очинскай
  • Начаалынньыгын куолаһа тыйыһырбытыттан сабыстан, анарааҥҥыта чугуруйдар чугуруйан кэбиниэттэн тахсан барда. ДФС КК. Чурум-Чурумчуку, өйө-санаата урут сабыста үөрэммитинэн саба баттана сылдьарын, ыраахтааҕыны кэм да итэҕэйэрин туһунан өйдөбүл үөскүөхтээх
    КАА ТЛБКҮө

4 туохтуур #

поэт. Хараҥаран, чуумпуран, кэри-куру чуҥкук дьүһүннэн (хол., халлааны, айылҕаны этэргэ)

Нууччалыы Потемнеть, потускнеть, стать унылым, хмурым (напр., о небе, природе)

  • Халлаан былытыран, сабыстан, хараҥа хойдон истэ.
    Болот Боотур
  • Саҕах үрдүттэн саҕаланан Сандал күммүт сабыһынна.
    С. Тимофеев
  • Сөҕүрүйэн эрэр чох эмиэ хараара сабыстан иһэн күлэн-үөрэн кэлбитэ.
    И. Федосеев
Өссө холобурдар (1)
  • Өр турда хара тыа сабыстан, Уу иэнэ иһийдэ, Бэл диэтэр, сиккиэр тыал кыбыстан Куулаҕа кирийдэ
    ХС

«С» буукуба