ДьөгүөрСахалыы тылдьыт

Перевод с якутского

сибээс

аат тыл

Нууччалыы сообщение, сношение с находящимся далеко или в отдалении, а также возможность такого сношения, связь

Ис хоһооно · 7

1 аат тыл #

Ыраах эбэтэр тэйиччи баары кытта билсиһии, сылдьыһыы (хол., төлөпүөнүнэн), ону тэҥэ оннук билсиһэр кыах, суол

Нууччалыы Сообщение, сношение с находящимся далеко или в отдалении, а также возможность такого сношения, связь

  • Улуустары кытта сибээс. Москубаны кытта төлөпүөнүнэн сибээс.
  • "Танкердар сибээскэ таҕыстылар, – арадьыыс хап-сабар этэр. – Киренскэйи үс чаас саҕана ааспыттар".
    И. Егоров
  • Атастар! Амматтан Чурапчы Сибээһэ бэҕэһээ быһынна. Куотурус хамандыыр Сулҕаччы Иһиттэн Аммаҕа анньынна.
    Эрилик Эристиин
Өссө холобурдар (2)
  • Мантан Новосибирскайы кытта быһа сибээс олохтоммут.
    И. Данилов
  • Федот түөрт уон биирис стрелковай куорпус сибээһин хааччыйар батальоҥҥа сэриилэһэр эбит
    ССС

2 аат тыл #

Ыраахтан билсиһиини, кэпсэтиини тиэхиньиичэскэй өттүнэн хааччыйар тэрилтэлэр бүттүүннэрэ (тэлэгирээп, буоста, төлөпүөн, араадьыйа)

Нууччалыы Совокупность учреждений, обслуживающих техническими средствами общение на расстоянии

  • Сибээс хонтуората. Сибээс үлэһиттэрэ

3 аат тыл #

Кими-тугу эмэ кытта хардарыта сыһыан, өйдөһүү, биир ситиминэн үлэлээһин

Нууччалыы Взаимоотношения, взаимопонимание, согласование своих действий, деятельности с кем-л

  • Төрөөбүт дьонун-сэргэтин, төрөөбүт норуотун олоҕун кытта сибээһэ быһыннар эрэ, киһи үлэтэ-хамнаһа да үөтэлээбэт үгэстээх. Софр. Данилов. Кэнники Өлөксөөс биһикки икки ардыбыт ыраатан, тэйэн, уһаан-тэнийэн, сибээспит быстан хаалбыта.
    А. Бэрияк
  • Биһиги норуоттарбыт интернациональнай сибээстэрэ гражданскай сэрии сылларыгар уопсай өстөөҕү утары кырыктаах кыргыһыыга силис тардан сириэдийбитэ.
    И. Федосеев
  • Бурдугу үүннэрэ үөрэммит бааһынай бурдуга үүммэт буоллаҕына, сири кытта сибээһэ мөлтөөн, олохтуун-дьаһахтыын, майгылыын-сигилилиин уларыйар
    П. Егоров
Өссө холобурдар (1)
  • Туох эмэ балаһыанньалаах, кыахтаах дьону кытта чугас сыһыан, билсии. Θ Близкое знакомство с кем-л., обеспечивающее поддержку в чём-л. Баһыккаҕа баай-дуол, төрүт-уус, сибээс бастакы турар эбит буоллаҕына, Нараҕаҥҥа үлэ айар, үөскэтэр улуу күүһэ, кэрэ майгы-сигили ордук чорботуллар.
    КНЗ ТС

4 аат тыл #

Этэр санаа, саҥарыы ис хоһоонунан утума-ситимэ

Нууччалыы Логическая последовательность, согласованность (в речи, мыслях)

  • Сибээһэ суох, киһи үөйбэтэх-ахтыбатах араас санаалара, хараҕар дьон сирэйдэрэ элэҥнэһэллэр.
    Н. Лугинов
  • Эмискэ Колка туох да сибээһэ суох ыйытан саайбыта: "Эһээ, эт эрэ, кыһын тоҕо тымныы буоларый?" В. Санги (тылб.)

5 аат тыл #

Туох эмэ ыккардыгар хардарыта тутулук

Нууччалыы Взаимозависимость, обусловленность чего-л., связь

  • Бырамыысыланнас уонна тыа хаһаайыстыбатын сибээстэрэ. Наука уонна производство сибээстэрэ.
  • Философия, предметтэр саамай уопсай сибээстэрин уонна сыһыаннарын үөрэтэр буолан, наукалар ортолоругар туспа миэстэни ылар
    ДИМ

6 аат тыл #

Туохха эмэ тугунан эмэ кыттыы, кытык сыһыан

Нууччалыы Участие, соучастие в чём-л.; отношение к чему-л. [Сарапыана:] Солко Миитэрэй куоракка киирбитигэр эн сибээһиҥ суох үһү дуо?

7 аат тыл #

анат. Туох эмэ тугу эмэ кытта холбоһор ситимэ, силбээһинэ; силбээһин, ситим (харамай уорганнарыгар)

Нууччалыы Образование в теле животного, соединяющее какой-л. орган с другим или его части; связка, связи

  • Сис балык эттиин Бары баар сибээс силгэлэрим Сириэһиннээх ыарыылары тулуппатылар. Саха нар. ыр. II. [Сүөһүнү аттыырга] үрүҥ субаны сыҕайа анньан, сымыыты таһаарыллар. Үрүҥ суба тымырыгар сибээһи илиинэн эбэтэр кыптыыйынан кырыйан араарыллар. НПИ ССЫа. Академик И. П. Павлов үөрэтэринэн, ханнык баҕарар сатабыл, үөрүйэх төрүтүнэн мэйиигэ үөскээбит уустук ньиэрбэ сибээстэрэ буолаллар
    ЧКС ОИиСТ

«С» буукуба