ДьөгүөрСахалыы тылдьыт

Перевод с якутского

сырыы

аат тыл, даҕааһын, сыһыат

Нууччалыы поездка, путь, дорога

Ис хоһооно · 5

1 аат тыл #

Айан, айаннааһын, барыы-кэлии

Нууччалыы Поездка, путь, дорога

  • Сырыы үчүгэй. Киһи бөҕөнү көрдүм, бэйэбин да көрдөрбөхтөөтүм.
    Н. Лугинов
  • Эһэтэ кырдьан сырыыны кыайан сылдьыбат буолан, кыыска "Сүрэх таас" аттынааҕы учаастагын арааран биэрбитэ.
    Н. Якутскай
  • Оройуонтан боломуочунай сырыыта эмиэ үксээтэ.
    У. Нуолур
Өссө холобурдар (1)
  • Кини, оҕо эрдэҕиттэн атаҕынан чэпчэки буолан, кыылы эккирэтиһиигэ сырыытын кыайар
    С. Никифоров

2 аат тыл #

Ханнык эмэ туһаайыынан сылдьыы, барыы-кэлии

Нууччалыы Курсирование по определённому маршруту, рейс

  • Онон биир сырыыга уон үс кыыһы аҕалар.
    Эрилик Эристиин
  • Дьокуускайтан, Иркутскайтан иккилииттэн итэҕэһэ суох сырыы кэлэр эбит.
    В. Протодьяконов
  • Түөрт сүүс сүүрбэ тыһыынча туона килэмиэтирдээх сырыыны оҥороммун үс сыллааҕы былааммын сүүс аҕыс уон икки бырыһыан толордум
    Кыым
Өссө холобурдар (6)
  • Көтөр-сүүрэр кэлэр-барар, сылдьар кэмэлдьитэ, үгэһэ. Θ Путь миграции (дичи и зверей). Мантан инньэ күн-дьыл туругун араадьыйанан этэллэрин кэтээбит киһи, көтөр сырыытын эндэппэккэ билиэ эбит.
    Далан
  • Булт сырыытын таба хаамтахха, булка сатабыл быраап.
    Л. Попов
  • Булт майгытын, сырыытын үчүгэйдик билэр булчут эрэ ыты сонорго сатаан ыытар. Ханнык баҕарар булка киһи бастыҥ доҕоро – ыт
    ВМП УСС
  • Хайа, ноко, сэрэн эрэ, таһыттан көрөн мин билэр идэлээхпин: кыыһыҥ сырыы кыыс, мүччү тутуоххун баҕарбат буоллаххына, мин этэрбин толкуйдаарыый.
    Далан
  • Аньыы-саат уһуга диэн ааттаан, Аргыар аад айаҕар аан бастаан Сырыы дьон – сэлээччэх бэртэрин Симэллэр дииллэрин истэрим.
    Р. Гамзатов
  • [Морозка] амарах майгыннаах сырыы уонна оҕоломмот дьахтары, ойох ылбыта. А. Фадеев (тылб.)

3 аат тыл #

Туох эмэ хамсаныытын, сыҕарыйыытын тэтимэ

Нууччалыы Скорость, темп движения, перемещения

  • Айанньыт сыарҕатын сырыыта түргэтиир.
    С. Данилов
  • Балай эмэ буолан баран үһүс ыстаансыйа кэлбитигэр паровоз, хаһыытаан баран, арыый сырыытын мөлтөттөр-мөлтөтөн, кэлэн туран кэбиһэр.
    Эрилик Эристиин
  • Үөрүйэх илиилэр имигэс-имигэстик хамсаналлар. Быһах да сырыыта бэрт. Тириитин ойоҕоһуттан араарарыгар, быһахтана барбакка, сутуругунан суптурута түһүөлээн кэбистэ
    В. Миронов
Өссө холобурдар (3)
  • Кустук [ыт аата] бу сырыыга куобах уҥуоҕа, мэйиитэ минньигэһин дьиҥнээхтик билбитэ.
    И. Федосеев
  • Бастакы сырыыбар манна биир да дьиэ суох этэ.
    И. Данилов
  • Ср. ДТС йорых ‘поведение, образ жизни, поступь, походка; поступок’

4 даҕааһын #

суолт., көсп. Содур, сэлээрчэх (үксүгэр дьахтар туһунан)

Нууччалыы Распутный, развратный (обычно о женщине)

5 сыһыат #

суолт. Сыһыарыы түһүк форматыгар хайааһын хаһан оҥоһуллубутун, буолбутун көрдөрөр

Нууччалыы В форме дательного падежа указывает время, момент совершения действия. [Баһылай:] Аныгы сырыыгар иһиттээх кэлээр

«С» буукуба