ДьөгүөрСахалыы тылдьыт

Перевод с якутского

таарымта

аат тыл

Нууччалыы внезапный и сильный приступ боли; припадок

1 аат тыл #

Соһумардык, күүскэ ыарытыннарар ыарыы (былыргы итэҕэлинэн абааһы таарыйан, убахтаан, киһи иһигэр да киирэн эмискэ ыарытыннарыыта); тииһик

Нууччалыы Внезапный и сильный приступ боли; припадок (по старинному верованию якутов, это происходит от того, что злой дух дотрагивается до человека или вселяется в него)

  • Сүрэх таарымтата.
  • Бу сарсыарда эмискэ иһинэн ыалдьыбыт. Иһэ иннэнэн тэһитэ анньар курдук ыалдьан, түүрэ тартара сылдьар үһү. Таарымта быһыылаах дииллэр.
    А. Неустроева
  • [Ойуун] одурууну салаатаҕына, көрөр ыарыыны чупчуруйдаҕына, таарымтаны, ис ыарыытын илбийдэҕинэ, аал уокка айах тутан алҕаатаҕына барыта үтүөрэн -- кэлэр үһү.
    А. Бэрияк
Өссө холобурдар (3)
  • Оҕо эмискэ таарымтанан ыарыйда. Дьоно ыксааннар, -- Сөдүөтү быраас ыҥыртара холкуос киинигэр ыыттылар
    ХС
  • Архах ыарыы эмискэ күүһүрүүтэ, тииһигэ киириитэ. Θ Внезапное сильное обострение застарелой болячки. Кыһалҕа [киһи аата] ыалдьа сытар киһитин бохсуруйда. Онуоха Чорулла оргууй мичээрдээтэ: "Арыый кэҥээбиккэ дылы буоллум. Таарымтам киирэ сырытта... "
    И. Гоголев
  • С. И. Мицкевич суруйтуурунан, мэнэрийии таарымтата биир-икки чаастан күннээх-түүнү быһа да барар түбэлтэлэрдээх эбит. ППА СЭЫа. Кини ыалдьан буорайбыт этэ, титириир ыарыы таарымтата күҥҥэ иккитэ киирэрэ. Р. Тагор (тылб.)

2 аат тыл #

Эмискэ, омуннаахтык киирэр иэйии, күүркэйии

Нууччалыы Сильное, неудержимое проявление какого-л. чувства; возбуждение

  • Уоллаах кыыс таптал уулларар-уматар таарымтатыгар тимирбиттэрэ.
    Е. Неймохов
  • Бачча буолуохпар диэри таптал таарымтатын билэ иликпин.
    С. Дадаскинов
  • Миэхэ үөрүү таарымтата киирбитэ, ону хайдах да тохтотор кыаҕым суоҕа.
    Ч. Айтматов
Өссө холобурдар (1)
  • Ср. тув. таамыртаар ʻзанемочьʼ

«Т» буукуба