Перевод с якутского
торҕо
аат тыл, даҕааһын
Нууччалыы шелковая или простая ткань голубого, синего или зелёного цвета
Ис хоһооно · 4
1 аат тыл #
Халлаан эбэтэр от күөҕэ өҥнөөх солко да, көннөрү да таҥас
Нууччалыы Шелковая или простая ткань голубого, синего или зелёного цвета
Аан дойдум, Арсыынай торҕону тиирэ тарпыт курдук, Аччаан, тунааран көһүннэ. Саха фольк Торбос соммутун устан, торҕонон-солконон таҥныбыппыт.
Суорун ОмоллоонСаҥа төрөөбүт ньирэйи ийэтигэр салаппакка, салыҥ ыраас торҕонон куурда сотобут ВБТК
2 даҕааһын #
суолт. От күөҕэ эбэтэр халлаан күөҕэ (өҥ)
Нууччалыы Зелёный или голубой, синий
Торҕо томоон дойдум -- Тус илин өттүн Туһаайа көрөн турдахха, Итир ньылба былыттар Иэнигийэн кэлбиттэр. Саха фольк Тиэргэннэргэ түптэ иитэн, Торҕо буруо унаарыйда. Күннүк Уурастыырап Долгуннар торҕо арҕастара, киһилии саҥаран этиҥ эрэ. И. Эртюков
Өссө холобурдар (1)
Торҕо дьирим түптэ Күөдьүйэрэ тохтообут ТТИГ КХКК
3 этии #
Нууччалыы Уяснить что-л. основательно, до конца
Торҕо сиигин сииктээ - төрдүгэр-төбөтүгэр тиийэ ымпыктаан-чымпыктаан быһааран бил Кимтэн кииннээҕин -- Торҕо сиигин сииктээн, Туос араҥатын араҥалаан Тутулун-туймуутун Көрбүт киһи баар ини! С. Зверев [Чоочо:] Туос араҥатын араҥалаан, торҕо сиигин сииктээн, -- остуруок дойдулаатаргын эрэ, миигин харыстыаҥ - араҥаччылыаҥ этэ. В. Протодьяконов [Абааһы уола – Босхолой Мүлгүҥҥэ:] Торҕо сиикпин сииктээ, Туос араҥабын араҥалаа, Тойокоонум оҕотоо! ТТИГ КХКК. Торҕо сэлиинэн (бөтөрөҥүнэн) - быыстала суох түргэн сэлиинэн, бөтөрөҥүнэн (ат туһунан); сүүрүүнэн (киһи туһунан). Θ Быстрой рысью (ехать), вскачь, галопом (о лошади); бегом (о человеке). Таня атын торҕо сэлиинэн, туос бөтөрөҥүнэн түһэрдэ. Л. Попов
Өссө холобурдар (3)
Уол оҕо курдук, торҕо сэлиинэн кэллим. Софр. Данилов. Торуой оҕонньорго - Кутай баайга Торҕо бөтөрөҥүнэн кэлэрэ. С. Васильев Аттарбытын быһа биэртэлээн, -- иннибит диэки торҕо бөтөрөҥүнэн ойуттубут. Н. Кондаков ТТИГ КХКК. уодьуганын тарт көр уодьуган. Тойоттор торҕо уодьуганнарын тардарга Ньургун нуучча саханы үөрэтэрэ. Эллэй
4 этии #
Нууччалыы Острое лезвие. [Миигин] Торҕо биилээхтээх даҕаны Толуннарара биллибэт
Торҕо бии (кылаан) - сытыы бии, кылаан
Өксөкүлээх ӨлөксөйТорҕо кылааннаах хотуурдар куһуйар-куһуурар тыастара Силип оҕонньор куйахатыгар сып-сытыытык хатанна. А. Бэрияк Эһиэннэрэ этэ буолбаат -- Торҕо биилээҕи көрсөн, Бааһырбыт туур оҕустуу, Орулуур дохсун уордаах сэрии дьоно? ИСТКТ. Торҕо күөх - чээл күөх, от, халлаан күөҕэ. Θ Ярко-зелёный, ярко-голубой, тёмно-синий. [Горькай] халлаан торҕо күөҕэ өҥнөөх харахтара оҕолуу үөрүү уотунан умайаллар. Амма Аччыгыйа
Өссө холобурдар (5)
Ураа устун дьулуруйар, Торҕо күөх буруо хоройор. И. Эртюков Толоон, сыһыы барахсан Торҕо күөҕү үллүннэ. С. Васильев Торҕо тэһиин - ойуулаах-оһуордаах тэһиин. Θ Узорчатый повод. [Ата] Толомон маҥан күн Тоҥуутун курдук -- Торҕо тэһииннээх.
П. ОйуунускайАйыы бухатыырын атын тэрилигэр "күн" толору -- "тоҕус маҥан күн тоҕуутун курдук тоҕус былас торҕо тэһиин". ХС Др. -тюрк. торху, тув. торҕу, алт. торко