Перевод с якутского
тэбис
туохтуур
Нууччалыы наступать на что-л.; топтать ногами, затаптывать что-л
Ис хоһооно · 9
1 туохтуур #
Туох эмэ үрдүнэн атаххынан үктээн хаамп; ханан эмэ элбэхтик сырыт
Нууччалыы Наступать на что-л.; топтать ногами, затаптывать что-л
Оҕо муостаҕа сытар былакааты үрдүнэн баран, тэпсэн буортулаан кэбистэ. Мин, кыра уол, биирдэ аҕабар аһылык илдьээри, бу ходуһаны ортотунан хортууспунан дэйбиирдэнэн истэхпинэ, кини [тойон] отууттан тахсан: "Оту тоҕо тэпсэҕин?!" – диэн ыга көбүөлээн баран, туттаран ылан баттахпын үргээбитэ. Амма Аччыгыйа Сүөһү тэпсэн хараардыбыт тиэргэнэ бадараанынан быллайан сытара. П. Аввакумов
Өссө холобурдар (1)
[Чыычаах ото] киһи үгүстүк тэпсэр сирдэригэр, чуолаан дьиэ таһыгар (тэлгэһэҕэ), суол кытыытыгар хойуутук үүнээччи МАА ССЭҮү
2 туохтуур #
Тугу эмэ атаххынан үктээн чиҥэт, дэхсилээ
Нууччалыы Утрамбовывать ногами, утаптывать что-л
Балачча үрдээбит от үрдүгэр тахсан -- Сэмэн Бэһиэлэйэп тэпсэ сылдьар. Амма Аччыгыйа Таня сүөһү кур киитин тиэргэнтэн таһан, өр үлэлээн, оҥхойдору толоро-толоро, ыга тэпсибитэ. М. Доҕордуурап Дьаамаҕа угуллубут күөх маассаны тэпсэн чиҥэтэргэ саамай кырата икки-үс киһи туруох тустаах САС
3 туохтуур #
Кими, тугу эмэ атаххынан үктээн эчэт, өлөр
Нууччалыы Затоптать, задавить кого-л
Бу абааһы кыыһа кийиити ат илдьи тэпсэн өлөрбүт. Саха фольк "Сыыстахха алдьархай, [тайах] киһини тэпсиэ… Онон чугаһаан баран [ытыам]…" – дии санаатым. Т. Сметанин Александрия уулуссаларыгар христианнар, үөмэхтэһэ мустаннар, Ипатия диэн үөрэхтээх дьахтары илдьи тэпсэн өлөрбүттэрэ КФП БАаДИ
4 туохтуур #
Кими, тугу эмэ кырбаа, сыс
Нууччалыы Бить, избивать кого-л
Оо, көҥүллээх-кыахтаах гынан баран, сирэйдэрин тэпсэ түһэн биэрбит киһи – моһуоралара көнүөх этэ.
П. ОйуунускайСатана кыыһа, үтүөнү оҥорон, өссө чуубургуу турбуккун, хата, баран дэлби тэпсэн биэрээйэбин. А. Софронов Кини -- өссө лаппыйан иккитэ-үстэ хардыылаата: "Тутан сирэйдэрин саатырпыт киһи. Иккиэннэрин үчүгэй аҕайдык үлтү тэпсэн көрүөх этим!" – сутуругун ыгыта туттумахтаата М. Доҕордуурап
5 туохтуур #
Кими, тугу эмэ улаханнык атаҕастаа-баттаа
Нууччалыы Топтать, принижать, обижать кого-л
Суох, кинилэр күүстэринэн киирэр буолбуттарын кэннэ биһиги да тииһи-тыҥыраҕы көрдөрдөхпүтүнэ сатаныыһы. Хайдах аҥаардастыы үлтү тэбистэриэхпитий! Н. Якутскай Сүүрбэччэ сүөһүбүн сиэтиҥ, хамначчыт оҥоһуннуҥ, үлтү тэбистиҥ, саата суох – ордугун уоруйахтыыгын! М. Доҕордуурап Туох иннигэр киһи киһини бу айылаах тэпсэрэ буолуой? В. Яковлев
6 туохтуур #
Кимиэхэ эмэ сотору-сотору сылдьан, хонон-өрөөн салгыт, сылат
Нууччалыы Надоедать, докучать кому-л., частыми визитами
Эдьиийим ааҕы хоноһолор быыстала суох тэпсэллэр. Саввиннар мээнэ ыалдьыт-хоноһо тэпсибэт ыаллара В. Яковлев
7 туохтуур #
Буоһатаары тыһыгын баттаа, сап (хол., бөтүүк туһунан этэргэ)
Нууччалыы Топтать (напр., курицу – о петухе). [Бөтүүк] таптаан хообургуу-хообургуу эриэн кууруссаны тула көппүтэ, ойон тиийэн кэтэҕин аһыттан ылан тэпсэн барбыта
Ону "оҕонньор" [атыыр чыркымай] ситэ баттаан, бокуой биэрбэккэ тэпсээри гыммытыгар, "эмээхсинэ" [тыһы чыркымай] ууга умсан хаалла уонна сонно тута атын сиринэн, туора баран күөрэс гынна да, көтөн тарыкынайда Р. Кулаковскай
8 этии #
Нууччалыы Поговорить по душам
Этиилэр
Атах тэпсэн олорон кэпсэт (сэһэргэс, сэлэс)
дуоһуйа, астына ирэ-хоро кэпсэт Икки улуус кулубалара атах тэпсэн олорон, бэрт үгүһү эргитэн сэһэргэһэллэр.
[Доҕордуулар] бары үлэ дьонун сиэринэн, биир хоско хааллан олорбут устудьуоннааҕы сылларыныы, билигин атах тэпсэн олорон астыныахтарыгар диэри сэлэһэр иллэҥнэрэ суох.
Н. ЛугиновАтах тэпсэн олорон, Аа-дьуо өр кэпсэттибит. М. Ефимов
9 этии #
Нууччалыы Взявшись за руки, играть вдвоём, попеременно выбрасывая навстречу друг другу то одну то другую ногу
Этиилэр
Атах тэбис
икки буолан илиигиттэн тутуһан, атахтаргын олбу-солбу утары быраҕаттаан оонньоо Туобуйа төһө да ырааҕын иһин, ыала-дьоно төһө да аҕыйаҕын иһин, кэм, үс-түөрт оҕо көрсө түстэллэр эрэ -- дьиэрэҥкэйинэн тэбэн, атах тэпсэн, кулун куллуруһан
чохчоохойдуу-чохчоохойдуу эйээрэллэрэ олус да үчүгэй буолара.
П. Ойуунускай[1-гы кыыс:] Көр эрэ, Былатыан уол букатын сатаан атах тэпсибэт ээ. А. Софронов
Өссө холобурдар (1)
Муҥха тахсыар диэри килэҥ мууска хатыыскалыырбыт, маанытык таҥныбыт дьахталлар ыраас хаарга атах тэпсэ, илии охсуһа, дьиэрэҥкэйдии оонньууллара. И. Гоголев