Перевод с якутского
уймаа
туохтуур
Нууччалыы взбалтывать, колыхать что-л. жидкое, кашицеобразное
Ис хоһооно · 4
1 туохтуур #
Убаҕаһы, убаҕас тугу эмэ дьалкыт, булкуй, ытый
Нууччалыы Взбалтывать, колыхать что-л. жидкое, кашицеобразное
Күннүктээн ууну уймуур манан аҕай дьыала буолбатах, оттон сүрэҕэлдьэс киһиэхэ бу өнүкүтэ суох үлэ. И. Никифоров "Кыһын ыран эрэр, арыычча хаһан аһыы сылдьар сылгыны кыратык даҕаны үүрэр, эккирэтэн туран сир уларытар, иһин кур өтөҕөтүн отун тоҕо уймаан кэбиһэр олус охсуулаах буолар", – диир Петр Романович. ОГИ С
2 туохтуур #
Тугу эмэ убаҕаска уган, умньаан ыл
Нууччалыы Макать, обмакивать что-л. в какую-л. жидкость
Эмис анды хоргунун холбуйан ылан чохоолго кутан баран, этин онно уймаан сиэтэххэ, аһара минньигэс. С. Маисов Туох эрэ күндү, таҥараҕа тиксэр ас курдук, килиэби кэрчик-кэрчик бысталаан, күөрчэххэ уймаан мотуйдубут Чолбон
3 туохтуур #
Атын дьон киэнин (хол., үбүн-малын) көҥүл, бас баттах бэйэҥ киэниҥ курдук ылан, туттан, матайдаа, айбардаа
Нууччалыы Нагло беззастенчиво присваивать, завладевать чужим добром, имуществом
Улуу дойдубун Уймаан сиир Ороспуой ууһа Умсан биэрбэт, Одьунат оҥоһуута Улахан эбит! Күн Дьирибинэ. Биһиэхэ биир дьикти үгэс – "Билбэппин" диэн баар эбиккин. Уурбут-туппут Оннугар турбат, Уймуур, аймыыр, Ити кини – "Билбэппин" К. Туйаарыскай
4 туохтуур #
Холку, сиэрдээх туругу тыаһаан-ууһаан долгут, сүпсүлгэни таһаар, аймаа
Нууччалыы Будоражить, растревоживать, нарушать тишину, безмятежность окружающего мира
Убаҕас уунан утахтанан Улаҕалаах санаатын уймаабыт Улдьаа мэник Аар акаары. А. Софронов Сааскы ыһыы күрэҕин көҕө Түүҥҥү түүлү уймаата А. Абаҕыыныскай Кэтит суолун кэһимэ (уһун суолун уймаама) - кэтит суолун кэһимэ (уһун суолун оймоомо) диэн курдук көр кэтит. Кэтит суолгун Кэһэр үһүбүөн, Уһун суолгун Уймуур үһүбүөн Биир тыл, бигэ санаа.
П. Ойуунускай
Өссө холобурдар (1)
[Бакыыһа кинээс (куттана-куттана):] Баһылай! Эйигин уһун суолгун уймаабыт, кэтит суолгун кэспит айыы суох. Аһын, сымнаҕастык тут. Эрилик Эристиин