ДьөгүөрСахалыы тылдьыт

Перевод с якутского

умус

туохтуур

Нууччалыы нырять

English (with dat.) to dive

Ис хоһооно · 7

1 туохтуур #

Нууччалыы нырять

English (with dat.) to dive (into)

  • ууга умус
    нырнуть в водуto dive into the water

2 туохтуур #

Бүтүннүү тимирэн уу иһигэр киир, оннук тимирэн уу аннынан сырыт

Нууччалыы Резким движением погружаться в воду с головой, нырять в воду

  • Манна кэлэн Кеша биһикки оҕолуу мэниктээтибит, уунан ыһыстыбыт, умсан атахпытын харбастыбыт, кумахха куобахтаатыбыт.
    Н. Габышев
  • Мойот тугу да саҥарбакка икки илиитинэн муннун бобо туттан "чолк" гына умсан хаалла.
    Т. Сметанин
  • Ити кэмҥэ куоҕас, эргичиҥнии түһээт, умсан мэлис гынан хаалбыта
    С. Никифоров

3 туохтуур #

Бүк түһэн, төҥкөс гынан ыл, умса тутун

Нууччалыы Направляться, опускаться книзу, наклоняться

  • Ол ыраас, ол сылаас сыа хаарга Умсаннар улардар хоноллор.
    С. Данилов
  • Тустууга кыайтарбыт киһи маайкатын быатын төлөрүтүнэр, ол кэннэ кыайбыт киһи хонноҕун аннынан умсан тахсар
    И. Федосеев

4 туохтуур #

Туохха эмэ бүтүннүү суулан, бүрүйтэр (хаарга, тумаҥҥа, буруоҕа)

Нууччалыы Быть окутанным, обволоченным чем-л

  • Олохтоох дойдубут Орулаан-оргуйан Хаһыыран-ыһыыран хаарыгар умуста.
    П. Ойуунускай
  • Лондоҥҥа, Парижка, Нью-Йорка уулусса былаахха умуста.
    Күннүк Уурастыырап
  • Тымныы этэ, бөһүөлэк бүтүннүү күдэрик тумаҥҥа умсан олороро
    В. Протодьяконов

5 туохтуур #

Туохха эмэ олус күүскэ өйө-төйө суох, тугу барытын умнан туран ыллар

Нууччалыы Предаваться, целиком отдаваться чему-л

  • Саҥа күн күлүмэх түбүгэр мин умсарга бэлэммин.
    С. Данилов
  • "Тэлэбиисэргэ умсан баран сыталлар, – Лиза оргууй аҕай ньылҕаарытар. – Коля, былырыын антенналарын быһыта эрбэтэлиэх буолар этиҥ дии".
    ХС
  • Муҥура суох таптыыр киһи суос-соҕотох сокуоннаах: Муҥун-сорун тууйа сылдьан кыыһын эрэ саныахтаах, Туһааннааҕын араардахха уот кутааҕа умсуохтаах.
    Ш. Руставели
Өссө холобурдар (2)
  • Мин суобаһым ыраас, оттон эйиэнэ арыгыга умсубута чахчы
    ХС
  • Туохха эмэ дириҥник иҥэн-тоҥон киир (билиигэ, үөрэххэ, ханнык эмэ боппуруоска). Θ Изучать, понимать что-л. глубоко, вникая во все детали, подробно. Аныгы дьон туохха барытыгар научнай өттүттэн киирэллэр. Ол иһин дириҥник умсан, элбэҕи сомсон эрдэхтэрэ
    Н. Лугинов

6 туохтуур #

Туох эмэ быһылааҥҥа (хол., сэриигэ) өл

Нууччалыы Пасть, погибнуть при тяжёлых столкновениях (напр., на войне) или событиях с тяжёлыми последствиями

  • Хас оҕо киэһэ аһыыра суох, тулаайах хаалбытай, хас дьадаҥы ийэ-аҕа хаарыан ыччата умсубутай?
    Амма Аччыгыйа
  • Ыраахтааҕы сэриитигэр икки уолум баран умсубуттара.
    И. Гоголев
  • Кыһалҕата суох олох дьолун саҥа билэн иһэн, кини умуста.
    Болот Боотур
Өссө холобурдар (1)
  • Степан 1942 сыллаахха Ржев куорат аттыгар умсубута.
    ПДА СС

7 туохтуур #

Кэҕин, түҥнэһин, самын (хол., олох соргута, уйгута, түөрэх туһунан)

Нууччалыы Хиреть, вырождаться, сходить на нет

  • Улахан ураһа дьиэ Орто туоһун саҕа Умсан биэрбэт уһун Уйгу быйаҥ олохтонуҥ.
    Өксөкүлээх Өлөксөй
  • Тиистээх-тыҥырахтаах тимир үйэнэн Тилэх тэпсэн, күөн көрсөн, Биирбит өрөгөйө үрдээтин, Биирбит соргута умустун!
    П. Ойуунускай
  • Түөрэхпит умсубат, төлкөбүт төннүбэт Төрүттээх ыһыаҕын кэскиллээн тэрийдин
    Күннүк Уурастыырап

«У» буукуба