ДьөгүөрСахалыы тылдьыт

Перевод с якутского

чанчык

аат тыл

Нууччалыы висок, волосы на висках

1 аат тыл #

Киһи хараҕын уонна кулгааҕын икки арда, чэчэгэй эбэтэр онно үүнэр баттах

Нууччалыы Висок, волосы на висках

  • Лэгиэнтэй атыыһыт икки чанчыктара маҥхайбыт, аҕамсыйа барбыт саха киһитэ этэ.
    Н. Якутскай
  • Сергей дэлби тириттэ, икки чанчыгынан көлөһүнэ саккыраата.
    В. Яковлев
  • Чанчыкпар үрүҥ көмүс Кыраһа кыыдамнаата
    Н. Босиков

2 аат тыл #

Туох эмэ (хол., оһох, аан) ойоҕоһун, дьайыҥын илин өттө

Нууччалыы Нижняя боковая сторона чего-л. (напр., печи, двери)

  • Ырыа Маппый уола Дыбдыыр Дьаакып уҥа оһох чанчыгар сүгэ уга хатыҥы суора олорор.
    Эрилик Эристиин
  • Татыйаас аан чанчыгар, кырыылаах маска этириктээн, таба тыһын таҥастыыр.
    В. Протодьяконов
  • Ол киммит күн тура ыттарый Туруору таас хайа чанчыгар?
    В. Миронов

3 этии #

Этиилэр

Чанчык аһа көр ас IV

  • Тураннар Калмыков уоһун уунан сиигиртилэр, чанчыгын аһын аргыый имэрийдилэр.
    Амма Аччыгыйа
  • Икки чанчыгын аһын сааһын тухары кырыйтарбат идэлээҕэ.
    М. Доҕордуурап
Өссө холобурдар (1)
  • Ср. тув. шанчыг ‘уступ’, монг. санчиг ‘волосы на висках’

«Ч» буукуба