ДьөгүөрСахалыы тылдьыт

Перевод с якутского

ынырык

даҕааһын, аат тыл, сыһыат

Нууччалыы страшный, ужасный, жуткий

English terrible

Ис хоһооно · 5
I

1 даҕааһын #

Киһини салыннарар, дьулатар, чымаан

Нууччалыы Страшный, ужасный, жуткий

  • Хаппытыан хайдах гынан бу ынырык өлүүнү мүччү түһэрин туһунан толкуйдуу сатыыр.
    А. Сыромятникова
  • Бу ынырык, хомолтолоох сураҕы истэн Макаар хараҕа ууланна.
    В. Протодьяконов
  • Эн сэриини абааһы көрөҕүн, ол эрээри Индияҕа хоргуйуу ханнык баҕарар сэриитээҕэр ынырык
    ХС

2 даҕааһын #

Иэдээни, алдьархайы суоһуох айылаах кутталлаах, киһини чаҕытар, дьулаан (хол., ким, туох эмэ тас көрүҥэ)

Нууччалыы Внушающий страх, ужас, устрашающий, угрожающий (напр., чей-л. внешний вид)

  • Абааһытыйбыт кыыл ырдьыгыныы олорор ынырык дьүһүнэ кинилэри тилэхтэриттэн субу сыыһа-халты харбаан иһэр курдуга.
    Н. Заболоцкай
  • Дьөлүһүөн харах [киһи аата] таллан эриэнинэн туруору көрбүт харахтаах ынырык киһи этэ.
    М. Доҕордуурап
  • [Филипп:] Үтүө доҕотторуом, өйдөөн кэбиһиҥ, өстөөхтөр ынырык сирэйдэрин!
    С. Ефремов
Өссө холобурдар (3)
  • Өлүүттэн саамай ынырыга хоргуйан өлүү буоллаҕа буолуо.
    Амма Аччыгыйа
  • Кини оччоҕо ынырыгы өссө билэ илигэ да, сүрэҕэ аһый гыммыта.
    А. Сыромятникова
  • Араас ынырыктары түһээн муҥнанар. Өрүү куһаҕан дьүһүннээх бөрө саҕа ыттар сиэри эккирэтэллэр
    И. Никифоров

3 аат тыл #

суолт. Туох эмэ дьулаана, амырыына

Нууччалыы Что-л. страшное, внушающее страх и ужас

4 сыһыат #

суолт., кэпс. Ураты, уһулуччу, аһары

Нууччалыы Страшно, очень, чрезвычайно

  • Эмиэ да чугас курдук, эмиэ да ынырык ыраах.
    Н. Лугинов
  • Чэ, утуйуохха, сарсын үлэ, түбүк ынырык элбэх.
    Н. Габышев
  • Оо, дьэ онно бааллар – Сибиир наукатын тулааһын баҕаналара дьоннор! Холобурга Дорофей Давидовиһы да ыллахха. Ынырык үчүгэй!
    Е. Неймохов
II

5 #

эб. Хайааһыны күүһүрдэн-күүркэтэн этиини көрдөрөр

Нууччалыы Выражает эмоциональное усиление признака действия

  • Кыаҕым суоҕа ынырык, Ол эрээри мин саныыбын, Мин саатыы саныыбын: Бэйэм биир кыахпыттан, Биир үрдүк аналбыттан, Мин кыайыах тустаахпын Дууһа туймаарар кураанын – Дуулаҕа санаа сарбыллыытын.
    С. Данилов
  • "Онно эн аҕаҥ төрөөбүтэ. Өлүүтэ даҕаны ынырык, быстах суолга түбэһэн өлөөхтөөбүтэ," – дии-дии үөһэ тыынар, хараҕын уутун соттор.
    Н. Якутскай
  • [Ыт] муҥнаах, аата, түбэстэҕэ ынырыга
    Н. Заболоцкай

«Ы» буукуба