ДьөгүөрСахалыы тылдьыт

Перевод с якутского

кэпсээн

аат тыл

Нууччалыы рассказ; счёт

English story (especially a short story), account

Ис хоһооно · 6

1 аат тыл #

Нууччалыы рассказ; счёт

English story (especially a short story), account

  • кэрэхсэбиллээх кэпсээн
    интересный рассказan interesting story
  • көрбүт киһи кэпсээнэ
    рассказ того, кто виделan eyewitness account

2 аат тыл #

Ким-туох эмэ туһунан сэһэргээһин; туох сэһэргэнэрэ

Нууччалыы Рассказ, сообщение, известие

  • Кэргэнин кэпсээнин кини бэрики итэҕэйбэтэх. Киһи итэҕэйиэх да кэпсээнэ буолбатах этэ.
    Далан
  • Бу Турахин тойон кэпсээнин бары бэркэ сэргэҥнээн истэн олордулар.
    Эрилик Эристиин
  • [Иван Степанович:] Билигин кэлэн мин эһиэхэ кэпсээммин ситэриэм
    С. Ефремов

3 аат тыл #

лит. Прозанан суруллубут кыра кээмэйдээх уус-уран айымньы

Нууччалыы Рассказ (небольшое художественное повествовательное произведение в прозе)

  • Сынньана сытаммын мин аахтым бэҕэһээ биир кыра кэпсээни.
    Күннүк Уурастыырап
  • Итинтэн салгыы тэттик кэпсээннэри суруйан көрүүнэн дьарыктаммытым.
    В. Протодьяконов
  • Кини билигин ол санаатынан кэпсээн суруйар
    Т. Сметанин

4 аат тыл #

Сахалар көрүстэхтэринэ эҕэрдэлэһэн туттар тыллара (кэпсээниҥ? кэпсээҥҥит? диэн формаҕа)

Нууччалыы Приветственное слово якутов при встрече (употр. в форме кэпсээниҥ? ‘что расскажешь?’ кэпсээҥҥит? ‘что расскажете?’) Үгэс быһыытынан, бастаан утаа хардарыта: "Хайа, кэпсээниҥ?" - дэһии

  • [Кэтириис:] Хата, Ааныка эмээхсин, тиийэн кэллиҥ дуу? Кэпсээниҥ?
    С. Ефремов
  • "Дьиэлээхтэр, кэпсээҥҥит!" - диэтэ сөҥ куоластаах киһи саҥата сыыйа баттаан.
    Н. Заболоцкай
  • Ср. уйг. гэпчан ‘разговорчивый, словоохотливый’

5 этии #

Этиилэр

Айах (тыл) кэпсээнэ көр айах I

  • Оччотооҕу айах кэпсээнэ оннук.
    Л. Попов
  • [Уолаттар] былыргы Сунтаар туһунан айах кэпсээнэ буола сылдьар номоҕу булан, суруйбуттара. Багдарыын Сүлбэ. Кулгаах истэринэн, тыл кэпсээнинэн буоллаҕына, киниэхэ тэҥнээх, сампай уопсар киһи төрөөбөтөх. Саха сэһ. II

6 этии #

Нууччалыы Рассказывать, пустить слух о чем-л., не подлежащем распространению (обычно употр. в форме запрета). [Кулуба:] Эн, Сэмэн, итини кэпсээн оҥосто сылдьар буолаайаҕын

  • ээн оҥоһун (гын) - 1) кэпсэниэ суохтааҕы кэпсээ, тыл оҥоһун (үксүн бопсон этиллэр) Итинник сымыйа кэпсээн үрдүк тойот кулгааҕар киирдэҕинэ киһи баһа барыа.
    Н. Неустроев
  • [Хаалдьыт:] Ону кэпсээбит киһини, аны ити курдук кэпсээн оҥосто сылдьыма диэн саба саҥаран кээстим.
    А. Софронов
  • [Кэтириис:] Аны Күлүк, кырдьык истибит буоллаҕына, кэпсээн гына сылдьыа. А. Софронов; 2) ким-туох эмэ туһунан (киэн туттан, сөҕөн, холобур оҥостон о. д. а.) уура сылдьан кэпсээ, сөп буола-буола кэпсиир буол. Θ Рассказывать периодически о ком-чем-л., передавать из уст в уста (то, что вызывает восхищение, гордость, удивление и т. д.). Үгүс аҕа уустара кубаттан, хотойтон, эһэттэн төрүттээх курдук кэпсээн оҥостон кинилэри ытыктыыллара.
    Саха фольк
Өссө холобурдар (5)
  • Кэнэҕэс дьон кэпсээн оҥостуохтара: оннук киһи урааҥхайа, оннук дьахтары күрэтэн баарта үһү диэн.
    Н. Неустроев
  • Өйдүү сылдьыам өлүөхпэр диэри [Ай-Петри хайаны], Кэпсээн оҥостуом бар дьоммор.
    Л. Попов
  • Кэпсээнтэн кэпсээн - биир кэпсээнтэн сиэттэрэн атын кэпсээн тахсыыта. Θ Следование одного рассказа за другим. Кэпсээнтэн кэпсээн: эмиэ ити докумуоҥҥа Сырай, Хара Сырай, Куһаҕан Сырай диэн дьон суруллубуттар. Багдарыын Сүлбэ. Кэпсээнтэн кэпсээн диэбиккэ дылы, ситэрэн сэһэргээтэххэ, мааман аата бэл үүнээйигэ кытта тиксибит. ГКН МҮАа. Кэпсээҥҥэ киир (сырыт) - дьоҥҥо-сэргэҕэ билин, кэпсэн (үксүгэр үчүгэй өрүккүнэн). Θ Стать известным, прослыть, стать притчей во языцех (обычно своими достоинствами). Күндү түүлээх, көмүс, алмаас, Кэпсээҥҥэ киирэр эн дойдуҥ.
    Баал Хабырыыс
  • Күбэйээнэ эмээхсин үтүө сүрэҕэ, сайаҕас санаата, кини бар дьоҥҥо өлбөт өҥөтө ырыаҕа ылламмыта, кэпсээҥҥэ киирбитэ.
    И. Данилов
  • Кинилэр оттообут отторо, үүннэрбит бурдуктара, көрбүт сүөһүлэрэ, бултаабыт бултара кэпсээҥҥэ сылдьара. "Кыым"

«К» буукуба