Перевод с якутского
көмүскээ
туохтуур
Нууччалыы защищать от кого-чего-л.; заступаться за кого-что-л., оберегать кого-л. от чего-л
English to intercede, to protect, to stand up for
Ис хоһооно · 4
1 туохтуур #
Кимтэн, туохтан эмэ быыһаа, харыстаа
Нууччалыы Защищать от кого-чего-л.; заступаться за кого-что-л., оберегать кого-л. от чего-л
Таһыйаары гыннаҕына ийэбитигэр сөрөнүөхпүт. Ийэбит көмүскүөҕэ. Дьүөгэ Ааныстыырап. Иккиэйэх киһи бандьыыттары утары туруулаһар, кэпэрэтиип лааппытын малын көмүскүүр кыахтара суоҕа. Н. Якутскай Илиҥҥи-арҕааҥҥы эҥээртэн Быгыахтыыр сидьиҥтэн Ийэ сир көҥүлүн көмүскээн, Кытаатыҥ, эрэттээр А. Абаҕыыныскай
2 туохтуур #
Киһи туохха эмэ буруйданарын утар, буруйдааччыларга кини буруйа суоҕун өйдөт
Нууччалыы Доказывать невиновность кого-л., защищать (в суде), заступаться за кого-л
Суукка буруйдааҕы көмүскээн тыл эттэ. [Чоочо - эмээхсиҥҥэ:] "Түөкүн, ороспуой-уоруйах уолгун көмүскүүгүн дуо?", - диэн саҥарпат. Саха фольк [Суоппуйа:] Чэ, эн төһө да көмүскүү саҥарбытыҥ иһин, кэм булан сылдьар оҕо буолуо Эрилик Эристиин
3 туохтуур #
Туох эмэ санааны, этиини кырдьык, таба диэн өйөө, ол туһугар мөккүс
Нууччалыы Выступать в поддержку кого-л., отстаивать чье-либо мнение, интерес, солидаризуясь с ним
Кэлэктиип миниэнньэтин көмүскээ. Бэртээхэй тыллар, - Айааны Никита көмүскээтэ
Н. Лугинов
4 туохтуур #
Туох эмэ саҥаны оҥорон, суруйан дьон дьүүлүгэр туруоран, сөптөөҕөр, табатыгар итэҕэт
Нууччалыы Защищать (напр., диссертацию, проект и т. п.)
Үйэтин-сааһын тухары сыралаһан кэлбит үлэтин чөмчөтөн, дуоктарыскай диссертациятын, туох да омуна суох, чаҕылхайдык көмүскээтэ. Н. Босиков Кууһума кинилэри кытта былырыын саас дипломун бииргэ көмүскээбитэ, онон үчүгэйдик билэр. Тумарча. Аҕыйах хоноот обсерватория салалтата бырайыагы көмүскүү соҕуруу көппүтэ В. Яковлев