Перевод с якутского
муҥха
аат тыл
Нууччалыы большая рыболовная сеть, невод
English seine, dragnet
1 аат тыл #
Элбэх киһи тардан балыктыыр, илим курдук харахтаах, икки өттүнэн уһун кынаттаах, ортотугар балык мустар ийэлээх улахан балыктыыр тэрил
Нууччалыы Большая рыболовная сеть, невод
Муҥхаларын ийэтэ саҥардыы чардааттан сүтэрин кытта, туохтан да иҥнибитэ биллибэккэ икки бэчимэтэ иккиэн быстан хаалаллар. Саха сэһ. II. Муҥха хараҕа силиннэҕинэ, мунду да таба ылларбат. С. Васильев Урустаан өйдөөн көрбүтэ муҥха ийэтин түгэҕэр быспыт дүлүҥ курдук тууччах балык ньөлбөллө сытар эбит. ПН Ол тэрилинэн элбэх буолан балыктааһын. Θ Ловля рыбы неводом. Муҥхаҕа сылдьан, дьон үтүрүһүүтүгэр халты тэбинэн, чардаакка түспүтүм. Амма Аччыгыйа
Өссө холобурдар (2)
Арыылаах алаас күөлүгэр ааттаах улахан муҥха буолар буолбута. И. Федосеев Күрэх муҥхата оҕо аймахха улахан бырааһынньык буолара ХС
2 этии #
Нууччалыы Толпой, кучей (собраться, сгрудиться)
Муҥха соботун курдук кэпс. - бөлүөҕүнэн, элбэх буолан Биир сиргэ дьон бөҕөтө муҥха соботун курдук бөлүөхпүтүгэр тиийдилэр. Р. Баҕатаайыскай Муҥхатын хараҕа кэҥээбит киһи - оччолооҕу көрсүбүт, кыраҕа кыһаммат буолбут киһи. Θ Выдавший виды, бывалый человек. Бу бурдук сытыйыытыгар ким да эппиэттээбэт. Ыскылаат сэбиэдиссэйэ Крылов оччону көрөн баччаҕа кэлбит, муҥхатын хараҕа кэҥээбит киһи. В. Ойуурускай Кутуйах кыыл Күтэргэ тиийэн, Куолутунан, халыта түһэн, Муҥхатын хараҕа кэҥээбит киһи быһыытынан, Муннугар сыт аҕатан кэпсии олордо. В. Чиряев
3 этии #
Нууччалыы Зимняя подледная ловля рыбы неводом с участием большого количества людей
Этиилэр
Муҥха ийэтэ көр ийэ 1
Көрүөх түргэнэ субуйбахтаан муҥха ийэтин кумахха балачча таһааран, дьэ уоскуйдулар. "ХС". Муҥха өлүүтэ - муҥха хаһаайыныгар анаан бэриллэр туспа өлүү балык.
Доля рыбы, выделяемая отдельно хозяину невода.
Бэл муҥхаҕа муҥха өлүүтэ диэн туспа ууруллар муҥхалаах киһи муҥханы бэрийэрэ, таҥара, бэйи, элбэх түбүктээх үлэ. Кэпсээннэр. Ср. эвенк. мунгка ‘невод’