Перевод с якутского
паара
аат тыл
Нууччалыы пара
English pair
Ис хоһооно · 5
1 аат тыл #
Икки биир көрүҥнээх эбэтэр атылыы бииргэ туттуллар, биир кэлим буолар барамайдар
Нууччалыы Пара (два одинаковых предмета, составляющих одно целое)
Үс-түөрт паара күн тура-тура сырсаллар да, хайалара да куоппат баар үһү (тааб.: сыарҕа атахтара). Тогойкин хайыһарын оҥостунар кэмигэр кини иккис паара хайыһарга анаан быһан испит сурадаһыныгар кыратык салҕаластаабыт быһаҕын төбөтүн тирээбитинэн барда. Амма Аччыгыйа Маны таһынан [паарата суох лапчааннарын таһынан] балыктарга пааралыы лапчааннар эмиэ бааллар - олор икки пааралар. ББЕ З. Саппыкыһыттар, пааранан эрэ оҥорор дьон быһыытынан, икки төбөлөөх хотойу киэргэл оҥостуммуттара ойууламмыт. Х. Андерсен (тылб.)
2 аат тыл #
Икки көлө тэҥҥэ сыарҕаҕа, тэлиэгэҕэ о. д. а. көлүллүбүтэ (үксүгэр ат)
Нууччалыы Две лошади (или другой упряжный скот), запряженные в сани, повозку и т. п.; запряжка в две
Сайыҥҥы күөх чэлгиэҥҥэ куурбут бороҥ кырдалыгар паара аттар, паара оҕустар сир тиэрэ сылдьаллар.
КүндэСыыр анныттан паараҕа көлүллүбүт икки тэбиэн төбөлөрө -- өрө чолоҥноһон тахсаллар. Эрилик Эристиин Ньукулааскы, Мойот убайа, "Чүөмпэрэ" артыалтан алта паара ыттаах кэлбитэ Т. Сметанин
3 аат тыл #
Бииргэ сылдьар, биири оҥорор, холбоһон тугунан эмэ дьарыктанар икки киһи эбэтэр икки туох эмэ; быстыспат биир курдук көрүллэр иккилэр
Нууччалыы Два существа, составляющих пару; двое как нечто целое
Сураҕа икки сүүсчэкэ паара [кыталык] эрэ хаалбыт үһү аан дойду үрдүнэн. Далан Паараларга арахсыбыт кукаакылар, чычып-чааптар, кэкэ-букалар дьиэ таһыгар чугаһыыллар. Далан Үс ыал кыыһа Варялар үкчү биирдэр - пааралар, кыһыл лиэнтэлээх суһуохтуун, кыра хатыҥыр уҥуохтуун. С. Тимофеев
Өссө холобурдар (7)
Күлгэрилэр, түүнүн хорооннорго, таастар уонна силистэр анныларыгар саһан, пааранан олороллор. ББЕ З Кэргэннии буола илик таптаһар уоллаах кыыс. Θ Влюбленные, влюбленная пара (ещё не создавшая семью). Тутуохпут ыйга бастаан Тапталлаахтар куораттарын, ыытыахпыт командировкалаан Онно дьоллоох пааралары. И. Гоголев Уураһан, куустуһан Дьоллоох паара арахсар. Баал Хабырыыс Хам-түм хойутаабыт пааралар ыгыта ылсыһан ааһаллар
Г. КолесовКимиэхэ эмэ сөптөөх, табыгастаах атын ким эмэ (хол., пааранан үҥкүүгэ, билсиһиигэ). Θ Кто-л. достойный кому-л. быть парой, составить пару (напр., для сватовства, в парных танцах). Кэмэ кэлэ илик дуу, эбэтэр сөптөөх паара көстүбэт дуу? Тоҕо баччааҥҥа диэри кэргэнэ суох сылдьаҕын?.
Н. ЛугиновСорох уолаттар өйдүүллэринэн, үҥкүүнү сатыыр буол да, паараны начаас элэҥнэтэн булуохха сөп. Р. Баҕатаайыскай Аата, бу да оҕолорбутун, кими эрдэттэн үлэһэллэр, кимиэхэ үҥкүүлэһэр паара баҕалаах М. Обутова-Эверстова
4 аат тыл #
Биирдик таҥныбыт, биир пуорма таҥастаах (дьон бөлөҕө)
Нууччалыы Одетые одинаково в единую форму (группа людей)
Бары биир паара таҥастаахтар, кыһыл хаалтыстарын баанан баран, бары физкультура оҥордохторуна, дьэ кэрэтэ бэрт. Дьүөгэ Ааныстыырап. Кинигэ тутуурдаах, Биир паара таҥастаах Күөх тыаҕа тахсарга, Үөрэҕи бүтэрэн Лааҕырга барарга - Бэлэм буол! Т. Сметанин Биирдик, тэбис-тэҥҥэ стройунан хаамыы. Θ Маршировка, шаг (в строю, строем, не сбиваясь). Биир пааранан атахтарын тардан, синиэллэрин тэллэхтэрэ имиллэҥнээн, ыстаап диэки бара турдулар Эрилик Эристиин
5 аат тыл #
Эр киһи көстүүмэ (бүрүүкэлээх бинсээк)
Нууччалыы Мужской костюм (брюки и пиджак)
Көрө түспүтүм, аттыбар саҥа сиэрэй паара көстүүмү киэмсийэ кэппит, уҥуоҕунан кыра соҕус киһи турар эбит. В. Короленко (тылб.)