ДьөгүөрСахалыы тылдьыт

Перевод с якутского

халыт

туохтуур

Нууччалыы разливать что-л.

Ис хоһооно · 6

1 туохтуур #

Туох эмэ убаҕаһы (хол., ууну) көнө ньуурга халыйар курдук тох, килэччи кут

Нууччалыы Разливать что-л. (на ровной поверхности)

  • Уол киэһэ хойутуу тахсан кирилиэһи сууйан, ууну халытан турдаҕына, аллара дьахтар күллэ.
    Н. Габышев
  • Аля чэрэниилэни аҕам остуолугар халытар, кинини кыра диэн соччо мөхпөттөр
    ХС

2 туохтуур #

Быһыт тутан ууну (хол., үрэх, күөл уутун) сыһыыга, алааска тэнит, тарҕат

Нууччалыы Дать воде разлиться, выйти из берегов путем сооружения плотины в речке, озере, орошать

  • Бу үрэх уутун хоту диэки халытыахха наада.
    П. Егоров
  • Быһыттары оҥортооннор, үрэхтэр ууларын алаастарга халыталлар.
    С. Никифоров
  • Суола [үрэх аата] быһытынан ууну халыппыт сыһыыларга тэллэх баттаһа бугул бачыгыраата
    С. Васильев
Өссө холобурдар (1)
  • Хоруу устун ууну халыччы сүүрт. Θ Дать воде пролиться по канаве для орошения. Ууну кутар, халытар носуостар суохтар. НД ДК. Моркуопка ууну сайын устата халытан кутуллар
    САССР КОА

3 туохтуур #

Баран иһэр суолгуттан туорат, туора таһаар

Нууччалыы Сворачивать с дороги, менять направление

  • Эр бэрдэ Уйбаанчык ойутан, Түргэнник сур аты халытан Харыйа хонноҕор таһаарар.
    Эрилик Эристиин
  • Саҥа баһылыктара Шумов ону сэрэйэн, баандатын атын сиринэн халыппыта.
    ЕМП БС

4 туохтуур #

Эбэн-сабан, омуннаан кэпсээ, сымыйалаа

Нууччалыы Приукрашивать, преувеличивать, привирать

  • Атаһа халытар сэһэнин, Арыт дэбдэйэр үгэһин -- билбитэ.
    М. Ефимов
  • – Устуруустанан кылбайдым ахан, оҕолор, дьэ. "Уголовник", "күлүгээн" диэн тыллары сэбилэнэн мөхтүлэр. – Олус халыппакка кэпсиэххин.
    Э. Соколов
  • Миша кыратык халытар, ардыгар киһиргиир
    Н. Босиков

5 туохтуур #

Киэҥ сиринэн тайаан тэнит, тайаадыт (хол., үөр сүөһүнү үүрэргэ)

Нууччалыы Гнать, перегонять стадо, занимая широкое пространство, растягиваясь вширь

  • Сүүсчэкэ сылгыны-ынаҕы үүрэн халытан иһэр киһи курдук кини ыраахтан хаһыытыы, үтүлүгүнэн далбаатыы испит.
    Амма Аччыгыйа
  • Көрөн үөрдүм хотугу хоһуун Күүһүн-уоҕун, уон албаһын – Халыҥ үөрү соҕотоҕун Халыта үүрэн аҕалбытын!
    С. Дадаскинов
  • Өйдөөн көрбүттэрэ, кырдьык, биир уучахтаах киһи кэмэ суох табаны үүрэн халытан иһэр эбит
    ХС

6 этии #

Нууччалыы Лиманное орошение

Этиилэр

Халытан нүөлсүтүү

үрэх, хомо, атын даҕаны уу түөлбэтин сааскы халааҥҥа түбэһиннэрэн, уутун хаайан ходуһаҕа таһаарыы, халытыы

«Х» буукуба