ДьөгүөрСахалыы тылдьыт

Перевод с якутского

хар

туохтуур

Нууччалыы испытывать затруднения при глотании, давиться

English to choke

Ис хоһооно · 4

1 туохтуур #

Ыйыстан испитиҥ барбакка күөмэйгэр туран хаал, моһуогур

Нууччалыы Испытывать затруднения при глотании, давиться

  • Хирург Г. Д. Ыларов тоһоҕоҕо харбыт оҕону, уустук эпэрээссийэни ситиһиилээхтик оҥорон, быыһыыр.
    Р. Баҕатаайыскай
  • Арай биирдэ Хачча Сэмэн уҥуохха харан ыксал бөҕө буолла. Хомус Уйбаан. Бөдөҥ гына кырбаммыт эти, хойуу гына булкуллубут аһылыгы сиэтэҕинэ, нуорка оҕото харыан сөп
    ПГН НХҮөС

2 туохтуур #

Улаханнык долгуйан, айманан, саҥаран иһэн бөтөн хаал, сатаан саҥарыма

Нууччалыы Начав говорить, вдруг замолчать от сильного волнения, чувствуя, ощущая ком в горле

  • Микиитэ хомолтотугар харан, ыгылыйан олорон, хабылык хабан ыһыахтанна.
    Амма Аччыгыйа
  • Киһитэ икки хараҕын уутун сотто-сотто, аат эрэ харата, иһин түгэҕэр, "убайым"… диэн иһэн эмиэ харан хаалла.
    П. Филиппов
  • Бэрт өр хараҕым уутугар харан, кыайан кэпсээбэккэ олорбутум
    ХС

3 туохтуур #

Биир сиргэ мунньуллан хаайтаран, тохтоон хаал (хол., көмүөл мууһун туһунан)

Нууччалыы Задержаться в движении от скопления большого количества движущихся предметов (напр., о заторе льда)

  • Өлүөнэҕэ муус харбыта. Үөс Улахан арыы ыалларыгар куттал суоһаабыта.
    С. Дадаскинов
  • Дьокуускайга кутталы үөскэтэр сир – Хаҥалас тумула. Бу тумулга муус хардаҕына, куораппытыгар куттал суоһуур. "Кыым". Хаҥыл өрүс Тиит Үрэх төрдүттэн үөһээ өттө харан турар
    Чолбон

4 туохтуур #

Иҥнэн тохтоо, бобулун, туран хаал (хол., туох эмэ оҥоһук хамсатан үлэлэтэр ис тутулун туһунан)

Нууччалыы Лишиться возможности двигаться, вращаться, заклиниться, застрять, дать осечку

  • Егор Килович ыга кыыһырбыта тута биллэр. Били кылабачыгас кыһыл паапка "молнията" харбытын бокуойа суох илгиэлиир.
    Н. Лугинов
  • Кыргыһара ыарахан буолбут. Аны туран бүлүмүөтэ харан хаалбыт, ыппат буолбут.
    В. Протодьяконов
  • Сэрэнэн ииппэттэн буулдьа бинтиэпкэ уоһун ханаалыгар харан хаалар түбэлтэлэрэ баар буолар. ТСК
    Б. Ср
Өссө холобурдар (1)
  • ДТС хар ‘поперхнуться, подавиться’

«Х» буукуба