ДьөгүөрСахалыы тылдьыт

Перевод с якутского

ыанньый

туохтуур

Нууччалыы нагуливать молоко, переполняться молоком, набухать от молока

1 туохтуур #

Үчүгэйдик мэччийэн, үүтүҥ синньигэр толору киир, ыга мунньулун (хол., ынаҕы этэргэ)

Нууччалыы Нагуливать молоко, переполняться молоком, набухать от молока (о вымени коровы)

  • Ыанньыйбыт сириннэрин сиргэ тиийэ намылыппытынан улахан ынахтар хотун дьахталлардыы аа-дьуо хааман хотолдьуһаллар.
    Далан
  • Кудуххай эмиийдээх ыанньыйбыт ынаҕын ыан курулатан киирэн барда.
    В. Яковлев
  • [Ынах] олус ыанньыйдаҕына, синньэ ыарыйдаҕына, син кэлиэҕэ, ханна барар үһүө диэн буолта
    Күрүлгэн

2 туохтуур #

Мунньуллан хойуннар хойдон ис, элбэх ууланан ыаһыра дьиппиний (былыты этэргэ)

Нууччалыы Постепенно сгущаться, наливаться, набухать от воды (о дождевых тучах)

  • Ардах уурайыахча уурайбата. Тохтуохча буола-буола, эбии ыанньыйан, тоҕута түһэн кэлэр. Софр. Данилов. Түүн үөһэ. Арааһа, ардаары, Халлааммыт хараара ыанньыйар.
    Р. Баҕатаайыскай
  • Ыанньыйбыт хара былыттар сабардаан, дохсун ардаҕы тоҕо куппутунан барбыттара
    Чолбон

3 туохтуур #

Таскар таһаарбакка эрэ, искэр өр иитиэхтээн илдьэ сырыт (хол., санааны)

Нууччалыы Долго обдумывать, размышлять, вынашивать (напр., мысль)

  • Саҥа үөскүүр хоһоонноруҥ дьүһүнэ күлүмнээн көстө-көстө сүтэр, илбистээх дьүөрэ тылларыҥ төлөнө умулла-умулла күөдьүйэр, ыанньыйыаххар диэри...
    Суорун Омоллоон
  • Түбэһиэх көрсө түспүт -- дьонугар Ыанньыйбыт санаатын ыатаҕына, Ытаатаҕына-соҥоотоҕуна да, Кинини аһынааччы суоҕа.
    ХС
  • Бу ыанньыйбыппын таһаардым
    ХС

«Ы» буукуба