ДьөгүөрСахалыы тылдьыт

Перевод с якутского

эрчий

туохтуур, аат тыл

Нууччалыы прививать кому-л. какой-л. навык, приучать к чему-л., упражнять, тренировать

English (sports) to exercise, to train, to develop

Ис хоһооно · 5

1 туохтуур #

Тугу эмэ кимиэхэ эмэ үгүстүк оҥорторон, үлэлэтэн, бэйэтэ сатыыр, кыайар буоларын ситис

Нууччалыы Прививать кому-л. какой-л. навык, приучать к чему-л., упражнять, тренировать

  • Кини Никита эрчийэр бөлөҕөр сааһынан саамай эдэрдэрэ эрээри, барыларыттан сылбырҕа, түргэн буолан кэскиллээхтэрэ.
    Н. Лугинов
  • Мин иэмэхтээн эрчийбит эрэттэрим бэйэм курдук Илбистээх илиилэнэн, Ыар тыыннанан хаалааччылар.
    И. Гоголев
  • Оҕолорбутун эрчийэн, кыылга-сүөлгэ үөмэргэ, бултаһарга үөрэтэн көрүөхпүт этэ буоллаҕа.
    С. Тумат
Өссө холобурдар (1)
  • Кини эрчийбит спортсменнара учууталларын албан аатын түһэн биэрбэтэхтэрэ
    И. Федосеев

2 туохтуур #

Бэйэҥ күүскүн-уоххун, олоххо тулуургун дьарыктанан сайыннар, олох ыарахаттарын тулуйарга үөрэн

Нууччалыы Приучать себя к преодолению трудностей, невзгод

  • Ким харса суох үлэлии, хаама үөрэммит, ким этин-хаанын эрдэттэн эрчийбит – ол үчүгэй салл аат.
    Т. Сметанин
  • Атынан айаннааһын киһи тулуурун, кыаҕын эрчийэр
    Күн Дьирибинэ
  • Эдэр саастан олох ыарахаттарын тулуйан, олоххо буһан-хатан таҕыс. Θ Учить преодолевать трудности, невзгоды (о жизни). Олох барахсан үөһүгэр уктан, уһааран, өлбөт үөстээн, имитэн эллээбитэ, оҕо сааска үлүскэн үлэ, сут-кураан инчэҕэй талахтыы эрийэн эрчийбитэ
    Чолбон

3 туохтуур #

Айааһаан, сыһытан көлүүргэ, ыҥыырга үөрэт (хаҥыл сылгы туһунан)

Нууччалыы Укрощать, усмирять, приручать, объезжать (о необъезженной лошади)

  • Туллай, Охоноон, Уораан күн тура-тура аттарын эрчийэн түбүгүрэллэрэ
    И. Федосеев

4 туохтуур #

Култуурунай үүнээйини сөрүүҥҥэ тутан тымныыны тулуйарга үөрэт

Нууччалыы Приучать к холоду путём содержания в прохладе (о теплолюбивых растениях)

  • Ичигэһи сөбүлүүр култуура арассаадатын тымныыга эрчийдэххэ тымныыны тулуйумтуота биллэрдик үрдүүр. ФНС ОС. [Сорох оҕуруотчуттар] үүнээйи тэмпэрэтиирэ уларыйарын, намыһах тэмпэрэтиирэни тулуйумтуо буоларын наадатыгар эрчийэллэр, үөрэтэллэр. ББКПДь. Уларыйа сылдьар тэмпэрэтиирэҕэ эрчийэр кэмҥэ оҕурсу сиэмэтин араскыта кылгас, бөҕө силис бытыктардаах буола үүнэр
    СГС ОАКЭ

5 туохтуур #

Эрчимнэ, күүстэ киллэр (ап-хомуһун күүһүнэн)

Нууччалыы Придавать силу, энергию (напр., путём волшебства)

  • Уолан киһи кыыс дьахтар икки сүрэхтэрин хаанын холбуур ап хомуһунун туора эрчийэн кулу! Иитэр сүөһүбүт сүрэҕин-быарын манньытар ап хомуһунунан туора эрчийэн биэр! ПЭК СЯЯ. Биэс тарбахпар мэнэгэйдэ кэбиһэн кулу, эрбэхпэр имэҥнэ эрчийэн кулу. ПЭК ОНЛЯ I
  • Умсугут, баҕарт. Θ Приворожить, пристрастить. Туора хаартыга тууһурдан, туруудалаах олоҕун тулхадытаҕын, эбиэннээх хаартыга эрчийэн, элбэх эбээһин (сээбэһин) эстэрэҕин.
    Өксөкүлээх Өлөксөй
  • Ср. бур. эршэ ʽсилаʼ

«Э» буукуба