ДьөгүөрСахалыы тылдьыт

Перевод с якутского

бус

туохтуур

Нууччалыы свариться, испечься

English (cooking) to cook up, to get cooked

Ис хоһооно · 7

1 туохтуур #

Оргуйан эбэтэр уокка сыраллан сииргэ бэлэм буол (ас туһунан)

Нууччалыы Свариться, испечься

  • Чүөчээски үтэһэлээбит этэ буһаатын кытта, чэйдээбитинэн барда.
    Суорун Омоллоон
  • Арҕаанан айахтаах ампаар дьиэ, Оһоххо олгуй-чаан оргуйар. Тааттаҕа төрөөбүт улаан биэ Туруктаах чоҥкута бу буһар.
    Күннүк Уурастыырап
  • Хойуу да хойуу миин бэрдэ буһан эрэр
    Т. Сметанин

2 туохтуур #

Үүнэн, ситэн-хотон, хомуйарга, сииргэ бэлэм буол (хол., бурдук, отон о. д. а.)

Нууччалыы Созреть, поспеть

  • Күөттэ Дьөгүөр саһарчы буһан эрэр бурдугар оҕус күрүөһүлээн киирбит.
    А. Софронов
  • [Чокуурап:] Ол суорт үүнэрин сүрдээхтик үүнэр эрээри, кыайан буспакка үлүйэн хаалар эбит.
    С. Ефремов
  • Садтан яблоко, айва, персик, марабель отоннор буһаннар, арамаат сыта тарҕанар
    Н. Якутскай

3 туохтуур #

Уокка эбэтэр итиигэ сиэт

Нууччалыы Обвариться, обжечься, получать ожог

  • Ууттан буспут үүттэн куттанар (өс хоһ.). Ол курдук, тааска быстан, уокка буһан, тымныыга тоҥон туран, оҕолору быыһаабыт уол Луха Луоскун бэйэтэ балыыһаҕа киирэр.
    Амма Аччыгыйа
  • Аһыырыгар саха саҥарбат, Арай тэриэлкэ, тиис тыаһыыр, Мииҥҥэ буспат, уҥуохха харбат Сэрэҕин бэркэ сыаналыыр
    Дьуон Дьаҥылы

4 туохтуур #

Куйаастан, күүскэ үлэлээн, хамсанан эбэтэр олус халыҥнык таҥнан итииргээ, көлөһүн таҕыс, тирит

Нууччалыы Испытывать жару, потеть

  • Эн эмиэ сылайаҕын, ардыгар аччыктыыгын, куйаастан буһаҕын, тымныыттан тоҥоҕун.
    Т. Сметанин
  • Тула хараҥа, хаар ытыллар, ыллыыр. Эмиэ оргууй хаамабыт. Тоҥмоппун, хата буһабын
    Н. Габышев

5 туохтуур #

Эт-хаан, өй-санаа өттүнэн сит-хот

Нууччалыы Достигать зрелого возраста, окрепнуть, закалиться

  • Эн, Федор Попов, Хотой аймаҕар холбоһон, хомсомуол кэккэтин булбутуҥ, - Бу олох кыайыытын барҕардар Бойобуой кыһаҕа буспутуҥ.
    Күннүк Уурастыырап
  • Биһиги бурсууй-баай буораҕын, Буулдьатын сиэбиттэр, Бууска, саа уотугар буспуттар, өлбүттэр
    Эллэй

6 туохтуур #

Бүтэйдии күҥкүйэн сытый (сииктээх кэбиһиллибит от туһунан)

Нууччалыы Сопреть, гнить (о застогованном сене, недостаточно высушенном)

  • Сииктээх кэбиһиллибит от буһар. Куһаҕан түстээх оту ардах хотор, оччоҕо от буһар. Тюрк. бус, бүс, пис

7 этии #

Иһэ (көхсө, өһөҕө) буһар (үллэр, тымныйар) - көр ис. Мин иһим буһан эрэрин биллим. Кини [Карл] туһунан тугу саныырын сирэйигэр этитэлээтим. Доҕордоһуу т. Түөртээх бэдигим Саша үҥсүүлээх киирдэ. Өһөҕө буспут. Ытыы сыспыт. Багдарыын Сүлбэ

«Б» буукуба