ДьөгүөрСахалыы тылдьыт

Перевод с якутского

көһүүн

даҕааһын

Нууччалыы медленный

English slow

Ис хоһооно · 7

1 даҕааһын #

даҕ

  • Тугу да билбэккэ сыарҕаҕа олорон иһэр киһи -- кэннин хайыһан көрөөрү гыммыта, саҕынньаҕа көһүүнэ бэрт буолан, кыайан эргиллибэтэ.
    В. Протодьяконов
  • Кыыс хас да төгүл тыраахтар тиһилигэр атаҕын уураары уунна да, көһүүн таба күрүмэтэ кыайан уурдарбата. Дьолбут к. Таба ыстааным хаамарга көһүүн
    ХС

2 даҕааһын #

Хоччорхой, кытаанах эбэтэр олус халыҥ буолан бороҕой, бобуун (үксүгэр таҥас туһунан)

Нууччалыы Жесткий или слишком грубый, толстый, стесняющий движение (обычно об одежде)

3 даҕааһын #

Көһүйбүт курдук, аанньа токуруйбат (хол., тарбах, илии)

Нууччалыы Малоподвижный, неуклюжий, негибкий (напр., руки, пальцы)

  • Дьокуускайга биир хаһыат эрэдээксийэтигар -- үөрүйэҕэ суох көһүүн тарбахтарынан бадьахтаммыт ыарахан ис хоһоонноох суругу кытта кичэллэн оҥоһуллубут түөрт-биэс хаартыска тиийэн кэлбитэ.
    В. Яковлев
  • Инчэҕэй таҥаһы көһүүн тарбахтарынан ылан, ытын хааннаах түүтүн сэрэнэн сотто, кичэйэн ыраастаата
    Н. Борисов
  • Кытаанах, хоччорхой, токуруйбат (хол., түү). Θ Жесткий, твердый (напр., о перьях). [Буура Дохсун бухатыыр] үҥүүнү көлүннэри охсубут курдук көһүүн соҕус көҕүс түүлээх -- оҕо хотой кыыл буолан -- улуу халлаан улаҕатыгар олодуйа охсуллан таҕыста.
    Эрилик Эристиин
Өссө холобурдар (3)
  • Тоҥсоҕой кутуругар эмиэ өйөнөр: кутуругун дороххой, көһүүн куорсуннара мас хатырыгар бөҕөтүк тирэнэллэр.
    ББЕ З
  • Имигэһэ, сымсата суох. Θ Неуклюжий, неповоротливый. Көтөр эрэ барыта, көһүүн анды буолбатах.
    П. Тобуруокап
  • Хойууктар, уйуктаах буолан баран, нэстэрэ, көһүүннэрэ кэпсэлгэ киирэр
    Багдарыын Сүлбэ

4 даҕааһын #

Тоҥуй, хаҕыс, тымныы; элэккэйэ суох, тоҥкуруун (киһи, сыһыан)

Нууччалыы Черствый, холодный, жесткий, нелюдимый; неприветливый

  • Баҕар эн, сэгэриэм, миигиттэн, Бу көһүүн, ыарахан киһиттэн, Хоргутан-хараастан ыллаатыаҥ, Кистээҥҥин бүтэйдии ытаатыаҥ?
    М. Тимофеев
  • Дьүөгэлэрэ киниэхэ кэнникинэн тоҕо эрэ тоҥкуруун, көһүүн буолан испиттэр.
    С. Федотов
  • Кини убайын курдук көһүүн буолбатах. Кыргыттарга сыстаҕас, онон [билсэр кыыс] баара чахчы
    П. Аввакумов

5 даҕааһын #

Бытаан, көнтөрүк

Нууччалыы Неповоротливый, неуклюжий, медлительный

  • Омос көрдөххө дайылгы, Көһүүн уолчаан ыксал кэмҥэ Оноҕос тэҥэ ойор эбит.
    Р. Баҕатаайыскай
  • Наһаа мөдөөн, олус көһүүн курдук да, киниэхэ ким баҕарар ымсыырыах кыыма баар - сүрэх-санаа баҕата
    С. Федотов
  • Саҥаны ылынымтыата суох, хаалынньаҥ, унуку. Θ Косный, рутинный, консервативный. Туох эмэ саҥа үөскээһинигэр онуоха көһүүннэр.
    Суорун Омоллоон
Өссө холобурдар (2)
  • Сүөһү туһунан өйдүүрэ Сүрдээх тутах, көһүүн. Нуктуу түстэр эрэ Нус-хас олоҕу түһүүр.
    С. Тарасов
  • Аныгы ыччат көһүүн буолла, үчүгэй өттүгэр, хайдах эрэ, ыараата дииргэ эрэ тиийиллэр
    Э. Соколов

6 даҕааһын #

Хойуу, сөҥ (куолас)

Нууччалыы Грубый, низкий и глухой (голос)

  • Татаар эмээхсинэ Фатима эр киһилии көһүүн куолаһынан кими эрэ мөҕөр
    И. Гоголев

7 даҕааһын #

Күүттэххэ бараммат, хамсаабат, барбат курдук бытаан (күн-дьыл, бириэмэ туһунан)

Нууччалыы Очень медленный, будто стоит на месте, остановилось (о течении времени - напр., при ожидании)

  • Хараҥа түүҥҥэ хонук сири көрдүүр кэриэтэ, күүттэриилээх дьыл-хонук Көһүүнүн ньии, кэлэрэ!
    Р. Баҕатаайыскай
  • Бүтүн көһүүн чаас ааспытын кэннэ кинини иһирдьэ хоско аһарбыттара. Софр. Данилов. Көһүүн күн-дьыл аалыҥнаан Аргыый устар. К. Кулиев (тылб.)

«К» буукуба