ДьөгүөрСахалыы тылдьыт

Перевод с якутского

саай

туохтуур

Нууччалыы колотить

English to hammer

Ис хоһооно · 10

1 туохтуур #

Нууччалыы колотить

English to hammer

  • тоһоҕону саай
    забить гвоздьto hammer a nail

2 туохтуур #

Нууччалыы вдруг

English suddenly

  • охсон саай
    внезапно ударитьto suddenly strike
  • ытан саай
    вдруг выстрелитьto suddenly shoot

3 туохтуур #

Тугу эмэ туохха эмэ батары эбэтэр иһин көҥдөйүгэр киирэрин курдук тугунан эмэ охсуолаа

Нууччалыы Забивать, вбивать что-л. во что-л

  • Эркиҥҥэ тоһоҕото саай. Ытаһата саай.
  • Байбал тоһоҕону суха ураҕаһыгар туора чорбоччу саайан кэбистэ.
    Амма Аччыгыйа
  • Биһиги ирбэт тоҥ уорҕатыгар диэри тимир-бетон сыбаайалары батары саайан киллэрэбит.
    Н. Лугинов
Өссө холобурдар (1)
  • Сааны сатаан иитэбин. Бэҕэһээ аҕабар көмөлөһөн, быыс уган саайдым
    Н. Габышев

4 туохтуур #

Тугу эмэ тоһоҕонон саайан туохха эмэ ыйаа, туттар

Нууччалыы Прибивать, приколачивать что-л. к чему-л

  • Остуолбаҕа туора хаптаһынна саай. Ааҥҥа тутаахта саай.
  • Хотоойулаах оҥороору ыаҕас бөстүөнү төбөтүгэр саайбыт буулдьаларыттан ылан, туоһапкатыгар укта.
    Л. Попов
  • Детдом кэнсэлээрийэтэ быһыылааҕа. Ыалдьыбыт оҕолору онно угуталаан баран, "Изолятор" диэн хара суруктаах хаптаһыны хам саайан кэбистилэр.
    С. Федотов
Өссө холобурдар (5)
  • Тыраахтар мас хайытан кирбийэр, оскуола кырыыһатын саайан табыгыратар тыаһы кытта Иван уустаах уһанар тыастара холбоһоро
    М. Доҕордуурап
  • Охсон саай. Быраҕан саай. Ытан саай.
  • [Микиитэ] уоһун хам ытыра түһээт, Арамааны алларанан тэбэн саайда.
    Амма Аччыгыйа
  • Биир учуутал туран, улуустары, нэһилиэктэри наар үөрэҕэ суох дьон салайар буоланнар, туох да үлэ-хамнас уонна сайдыы кыайан барбат диэн кириитикэлээн саайда.
    Болот Боотур
  • [Мииткэ] ыскылаатын сэбиэдиссэйэ табаары уоран атыылыырын хаһыаттаан саайар
    И. Бочкарёв

5 туохтуур #

Тугу эмэ уһуктааҕынан күүскэ батары ас

Нууччалыы С силой ударить кого-что-л. чем-л. острым, колющим; вонзить

  • Оҕонньор үҥүүтүнэн эһэни тылын төрдүгэр саайбыт.
    Л. Попов
  • Хабырынар Хабырыыс сирэйэ-хараҕа уларыйан, этэрбэһин айаҕыттан быһаҕын таһааран, самыыга саайар
    Күндэ
  • Уһуктааҕы туохха эмэ батары ас. Θ Воткнуть что-л. острое во что-л. Кынчаалын остуолга батары саайда
    Амма Аччыгыйа

6 туохтуур #

Күүскэ оҕус

Нууччалыы С силой ударить кого-что-л

  • Орлосов бабдьыгырыы түһээт, саатын сулбу тардан ылан, оҕонньору саа луоһунан көхсүгэ саайда.
    Н. Габышев
  • Лиэкэр Сеня, өрө көтө түһээт, били оргуйан бидилийэр күөһү көрөн турар саллааты төбөҕө саайда.
    А. Сыромятникова
  • Холуочук киһи сирэйгэ далайбытын Серёжа, аһаран биэрээт, түөскэ саайан кибилиннэрэр
    Г. Колесов

7 туохтуур #

Көтөн иһэн туохха эмэ кэлэн күүскэ охсулун, тугу эмэ улаханнык тап

Нууччалыы С силой удариться о что-л. (напр., о пуле)

  • Бинтиэпкэ саа тыаһа чус гыммыта, буулдьа тиийэн Чүөчээски көхсүгэр сүгэн иһэр ботуоҥкалаах кинигэтигэр саайбыта
    Суорун Омоллоон
  • Тугунан эмэ (хол., саанан ытан) улаханнык тап. Θ Бить из чего-л. по чему-л. (напр., из ружья). Саҥа артиллеристар [буусканан ытааччылар] тахсаннар, -- үрүҥ ыстаабын дьиэтин төбөтүн оройугар саайдылар
    Амма Аччыгыйа

8 туохтуур #

көмө туохт. суолт. -ан сыһыат туохтууру кытта ситимнэһэн хайааһын дэбигис бааччы дьорҕооттук оҥоһулларын көрдөрөр

Нууччалыы В сочетании с деепричастием на -ан обозначает действие, совершаемое моментально с определённой смелостью

9 этии #

Нууччалыы Наказать за зазнайство кого-л., сбить спесь с кого-л

  • Сахсайбытын саай кэпс. - улахан саҕа буолан киэбирбитин тоһун биэрэн тохтот, кэһэт Ол-бу буолан киэбирбэтин, сахсайбытын саайыам!
  • Куска үөмэн иһэбин. Дулҕа саҕа бэйэтин Тохтуу-тохтуу көрөбүн, Сахсайбыккын саайыам диэн Саабын соһон иһэбин.
    Р. Баҕатаайыскай
  • Тиискин саай (саайын) кэпс. - уҥуоҕу көмүллээн силиитин обор. Θ Грызть сахарную кость, высасывая из неё жир. Мэ бу уҥуох баар, тиискин саан.
Өссө холобурдар (1)
  • Дьэ, аҕалаах ийэлэрэ үөрүү бөҕөнү үөрэннэр, -- көмүрүө уҥуоҕунан тиистэрин саайаннар, көйүү кымыһынан күөмэйдэрин оҥороннор көрүлүү олорбуттар. ПЭК ОНЛЯ V

10 этии #

Нууччалыы Переломить что-л. резким сильным ударом, движением

  • Тосту (булгу) саай - күүскэ охсон тоһут, тосту барыар диэри оҕус Хаадьаҥ Хабырыыс -- дьагдьайан көпчөччү көһүйбүт киһиэхэ маарыннаата. Ол сылдьан баһымньытын угун хоруо курдук хоолдьугунан булгу саайан кэбистэ.
    М. Доҕордуурап
  • Ср. др. -тюрк. сай ‘прокалывать, пронзать’, бур. шааха ‘вонзить’, монг. шаах ‘вбивать, забивать; ударить кулаком’

«С» буукуба