Перевод с якутского
сото
аат тыл
Нууччалыы голень
English shin, shank, tibia
Ис хоһооно · 5
1 аат тыл #
Киһи атаҕын бэрбээкэйиттэн тобугар, оттон сүөһүгэ, кыылга кэлин атаҕын такымыттан уллугар диэритэ
Нууччалыы Голень (человека, животных)
Маайа сототун от хадьымала хайыта кэйэн, атаҕа хаанынан устара. Н. Якутскай Тыыннара күдээриҥнээн, сотолоро хараарыҥнаан, табалар субу өрө мэҥийэн кэлээт, -- тохтуу биэрдилэр. Амма Аччыгыйа [Турахин] үрдүк остоох саппыкытын иһигэр илиитин уган сототун тарбанна Эрилик Эристиин
2 аат тыл #
Атах таҥаһын оһо, киһи сототун сабар өттө
Нууччалыы Часть сапога, охватывающая голень, голенище
Кууһума сототуттан быһаҕын сулбу таһыйан ылла. Н. Павлов Коля -- синньигэс сотолоох этэрбэһигэр сыстыбыт бадарааны бэркэ кичэйэн ыраастыыра ББ Ыстаан, бүрүүкэ киһи атаҕын сабар өттө. Θ Часть штанов, брюк, покрывающая одну ногу, штанина. Кини -- даба баккытын сотолорун түһэринэ-түһэринэ: "Дьэ, доҕоор, бу хайаларын оҕото кэлэн олороҕунуй?" - диэн ыйытар. Н. Якутскай
Өссө холобурдар (2)
Оҕонньор ыстаанын сототун тиэрэн баран, адаархай тымырдаах хатыҥыр баҕайы сототун күн уотугар ититэ олороро.
К. СимоновЫстааннарын сототун өрө ньыппарынан баран, балайда хаар устун сырсыакаласпыттара. К. Турсункулов (тылб.)
3 аат тыл #
Уһун көнө быһыылаах предмет умнаһа, сүрүн өттө
Нууччалыы Основная часть какого-л. предмета, имеющего форму прямой трубы, стержня
Бөппүрүөскэ сотото. Испиискэ маһын сотото. Биир испиискэ сототуттан Умайар сүүс балаҕан. И. Гоголев Дурда иһэ-таһа бөппүрүөскэ тобоҕунан -- ыскайдаммыт. Умайбатах да сотолор бааллар Р. Кулаковскай Үүнэн турар көнө мас, от үүнээйи аллараа лабаата суох, ыраас умнаһа. Θ Нижняя, лишенная ветвей часть ствола дерева, стебля цветка. [Алаарап] тэтиҥ маҥан, чоруун сототугар сүүһүн сыһыарда. Л. Попов
Өссө холобурдар (3)
Уус Мандар кыдаматын өрө тутан, уҥуохтаах от сототун туора ытыран күүтэн турар буолар. И. Гоголев Сааскы ньургуһуннар күөх түүлээх сотолоро дуоҕаһан, араҕас, үрүҥ сибэккилэрин күн диэки нуоҕаччы ууммутунан, тыалга хамсыы турдулар. П. Филиппов Хатыҥ мастар үрүҥ сотолоро үчүгэйдик көстөллөр Г. Угаров
4 этии #
Нууччалыы Сетование на то, что преследуют одни неудачи, страдания, жизненные невзгоды
Этиилэр
Бурҕалдьы сото көр бурҕалдьы
Буор сирэй! Бурҕалдьы сото, Тоҕо Буордаах сирэйгин кистээтиҥ?!
Суорун ОмоллоонБу буор маҥалай, Бурҕалдьы сото, Босхоҥноон сытан, Босхону аһаан, Буоратта буолбаат? Эллэй. Сото таһа кэпс. – тугум да табыллыбат, эрэйдээх-кыһалҕалаах өттө буолан иһэр диэн муҥатыйыы "Туох иһин бу күн сиригэр сүөдэҥнээн… Барыта сото таһа" – диэн ааспат-арахпат муҥнаах санаа эрийэр.
Н. Лугинов
Өссө холобурдар (2)
Урут син орто сааһыкка киирсэрэ да, быйыл киниэхэ тоҕо эрэ барыта сото таһа буолан биэрдэ. В. Яковлев Миэнэ миэнин курдук, сото таһа буолан истэҕэ. Эмиэ тоҕо даҕаны урукку өттүгэр хаста да сууттаммыт хаайыылаахха кэргэн тахсыбытым буолла… ХС
Сототунан оонньуур көр оонньоо
Ойуурдаах куобах кэтэҕинэн оонньуур, дьонноох киһи сототунан оонньуур (өс хоһ.). Кууһума оҕонньор кылаатын сиэн баран сототунан оонньуу сылдьар дииллэрэ биэс тарбах курдук биллэр. А. Софронов
5 этии #
Нууччалыы Положить ногу на ногу (поза непринуждённой независимости)
Этиилэр
Сото бөтөҕөтө көр бөтөҕө I
Уллуҥахтара суол чигдитигэр лаппа тирэнэр буоллулар, сототун бөтөҕөлөрө күүрдүлэр. Амма Аччыгыйа. [Тыаҕа] сылайаҕын, ньилбэктэриҥ быһытталлар, сотоҥ бөтөҕөтө ыалдьар, атахтарыҥ ыарыыллар. Я. Семёнов. Сото кэбис - 1) олорон эрэн биир атаххын биир атаҕыҥ үөһэ уурун Дыргыччы өтүүктээх бүрүүкэлээх атаҕын үрдүктүк сото кэбиһэн, оргууй биэтэҥнэтэ олордо. Н. Лугинов. [Кэтит Кэтириинэ:] Ити бурдугу тарпакка тоҕо сото кэбиһэн дьоһумсуйан олороҕун? Н. Түгүнүүрэп. [Артур] хара лаахтаах бачыыҥкалаах атаҕын сото кэбиһэн, киэмсийэрдии туттан олорор. В. Протодьяконов; 2) туран эрэн биир атаххын инниҥ диэки босхо үктэн.
Стоя, выставить одну ногу вперёд.
Вася ойон туран, аҥаар атаҕын сото кэбиһэн, өлүөр илиитинэн сүрэҕин баттанан, дириҥник сүгүрүйэн нусхайда. Амма Аччыгыйа Юрий Семёнович сис туттан, сото кэбиһэн туран -- бырайыак макыатын, эскиистэри сирийэн көрдө.
Н. Лугинов
Өссө холобурдар (2)
[Кулун Куллустуур] Тойоттор иннилэригэр Сото кэбиһэн Дуоҕаллан турунан кэбистэ. ТТИГ КХКК. Сото уҥуоҕа - киһи атаҕын бэрбээкэйиттэн тобугар, оттон сүөһүгэ, кыылга кэлин атаҕын такымыттан уллугар диэри уһун уҥуоҕа. Большая берцовая кость у человека, животных. Сордооххо сото уҥуоҕа баҕалааҕар дылы (өс хоһ.). Бадаҥ Турахин, туруйа сототун уҥуоҕа умнастаах муос хамсатыгар сэбирдэх табаҕы толору уурунан баран, -- кэпсээн барда. Эрилик Эристиин Сото хоҥоруута - киһи сототун уҥуоҕун илин кырыыта. Передняя часть большой берцовой кости человека. Ср. др. -тюрк. йода, тюрк. йода, чода, дьодо ‘голень’