ДьөгүөрСахалыы тылдьыт

Перевод с якутского

тор

аат тыл

Нууччалыы глухой дребезжащий звук

Ис хоһооно · 4
I

1 #

тыаһы үт. т. Туох эрэ көҥдөйү охсордуу бүтэҥи тыас

Нууччалыы Глухой дребезжащий звук

  • Тыраахтар тор-тор тыаһаан баран, дьэ эһиннэ
II

2 #

тор былыт – халыҥ былыт

Нууччалыы Плотное облако, туча

  • Туойар тойугун тор былыт буолан Орто дойду Отох норуотун тускутун Уруйдуу турдун! С. Зверев; тор курдук – 1) тордоччу тэбэ сылдьар хойуу, кылгас (бытык). Θ Короткий, жесткий, густой (усы, борода). Аан аттынааҕы хостон -- муннун анныгар тор курдук бытыктаах саха киһитэ тахсар.
    Н. Якутскай
  • Күндэлэй тор курдук бытыгын туора сотто олорбута.
    Н. Габышев
  • Дьаам сүүрдээччи сэҥийэтигэр тор курдук бытыктаах. Н. Габышев; 2) өрө тэбэ сылдьар, хоччоххой, кытаанах. Θ Топорщенный, грубый. Тор курдук таҥастан тигиллибит баата ыстаан. С. Федотов; торун тоһут - 1) ким эмэ санаатын, кутун-сүрүн самнар. Θ Сломить волю кого-л. Бииктэр кыаҕын ылар, торун тоһутар наадалааҕын Абыраамап тута өйдөөбүтэ.
    Л. Попов
Өссө холобурдар (2)
  • [Макаар Тиитэбис:] Кэһэтэр, торун тоһутар сатаммат.
    И. Семёнов
  • Тотуона кэм да торо тосто илик эбит. "ХС"; 2) туох эмэ хоччорхойу (хол., тириини) сымнат, имиллэр гын. Θ Размягчить что-л. грубое, невыделанное (напр., шкуру). Тириини оҕунуоҕунан илитэн биир-икки хоннорон баран, бобо баайан биир-икки чаас устата сүллүгэһинэн үлтү сынньан торун тоһутуллар
    АНП ССХТ

3 этии #

Нууччалыы Сыромятный ремешок, двумя концами прикреплённый к двум железным кольцам на спине шаманского костюма, одно - у правого, а другое - у левого плеча; за ремешок этот поддерживают шамана, когда он, изнемогая начинает падать, приняв в себя духа наводящего болезнь

  • Тор тэһиин - Ойуун арбаҕаһын көхсүгэр баар икки тимир тиэрбэскэ икки уһугуттан иҥиннэриллибит тирии быа, биир тиэрбэһэ уҥа санныгар, иккиһэ хаҥаһыгар сылдьар; бу быанан ойуун ыарыыны ыытар иччини бэйэтигэр ылынан, мөлтөөн, охтоору гыннаҕына, туталлар Тор тэһииммин дьэ тутаҥҥыт, -- Айан киһитэ айаммар Аттанар кэмим буолла. Ойуун II; тор тэһиинин тут (тарт) - кими эмэ илиигэр ыл, салай-дьаһай, уодьуганнаа. Θ Держать в послушании (во власти), иметь власть над кем-л., обуздывать кого-л. Күн өркөн уустара Тор суолбутун тордоон, Тор тэһииммитин тутуохтара.
    П. Ойуунускай
  • [Абааһы уола Тойон Ньургуҥҥа] Тор тэһииҥҥин тартаҕым, Дьулайгын тобуллаҕым.
    ТИГ КХКК
III

4 аат тыл #

, геом. Кииниттэн тэҥ ыраах эргимтэлээх ии

Нууччалыы Окружность

  • Тор кээмэйдэрэ бэриллибит уонна ньуурун эргимтэлэр проекция хапталыгар параллельнай буоллахтарына, биир проекциятынан бэриллэр. ННС ЧАа. Ср. кирг. тоору ʻустраивать разведку; ходить вокругʼ

«Т» буукуба