ДьөгүөрСахалыы тылдьыт

Перевод с якутского

хайыт

туохтуур

Нууччалыы колоть, раскалывать что-л.

English to split, to tear

Ис хоһооно · 8

1 туохтуур #

Тугу эмэ (хол., маһы) икки аҥыы арахсар гына хайа оҕус, тус-туспа араар

Нууччалыы Колоть, раскалывать что-л. (напр., дрова)

  • Уонча мүнүүтэ хаамаат, үнүрүүн Ванялыын хайытан муҥнаммыт тииттэригэр кэтиллэ түстэ.
    Амма Аччыгыйа
  • [Өрүүнэ:] Чэ, ону-маны лабаҥхалыы олорума. Хата бар, маста хайыт.
    С. Ефремов
  • Өлөксөй санаата кэлбиччэ, мас кыстыырга турар халыҥ сүгэни ылан, кураанах хардаҕастары хайытан лаһырҕата турда
    В. Титов

2 туохтуур #

Туох эмэ бүтүнү, кэлимсэни (хол., таҥаһы) хайа тарт, хайа тэл, хайа тыыт

Нууччалыы Рвать, разрывать, распарывать (напр., ткань)

  • Быһах ылан күлүйүөҥкэни хайыппытым.
    Н. Якутскай
  • Охоноон Симон ыстаанын быһаҕынан хайытан уһулла.
    Л. Попов
  • Быралгы биир хаа мохуорканы хаатын хайытан саппыйатыгар куттар
    С. Маисов

3 туохтуур #

Туох эмэ (хол., сүөһү, кыыл) иһин тэлэ быс, тэлэ ас

Нууччалыы Разрезать, вспарывать, вскрывать что-л

  • Арай үөлээри иһин хайытан көрбүппүт, көҕөммүт уон сымыыттаах буолан биэрбитэ.
    Далан
  • Өлөксөй улахан морж тириитин сүлэн, иһин хайыппыта.
    ХС
  • [Сылгыны] иһин өрөһөтүн хайытан ахтатыгар диэри тиэрдэллэр
    КЕФ СТАҮө

4 туохтуур #

Туох эмэ элбэҕи тус-туспа наардаа, араартаа

Нууччалыы Разделить, разбить что-л. на части

  • Саха фольклоругар баар остуоруйалары сүнньүнэн үс суолга хайытыахха сөп.
    Саха фольк
  • Тойон саллааттарын үс аҥыы хайытта.
    П. Филиппов
  • Дьон элбэх сүөһүнү биир сиргэ түмпэккэ, хайытан туталлара: уу чугаһыгар, от үрдүгэр иитийэхтииллэрэ
    И. Данилов

5 туохтуур #

Тугу эмэ (хол., салгыны, долгуну) икки аҥыы тэлэ араарар курдук күүскэ хамсан

Нууччалыы Сильным движением делить на двое, разделять, рассекать (напр., воздух, волну)

  • Ханан эрэ ырааҕынан Хаары хайытан таҕыста.
    Баал Хабырыыс
  • Эрдиммит тимир аал борохуот Долгуну хайытан дэгдэйдэ.
    С. Васильев
  • Орулуостар салгыны хайытар кынаттарын тыаһа куһугуйар
    С. Маисов

6 туохтуур #

Дьон санаатын уларытаары, утары туруораары тугу эмэ гын

Нууччалыы Вносить разногласие (во мнениях людей)

  • Сорохтор дьон санаатын хайытаары соруйан ыйыталлара, сорохтор, кырдьык, мунааран ыйыталлара. КН
    ТДь

7 этии #

Этиилэр

Сүрэҕин хайыт көр сүрэх I

  • Киэһэ өлөөрү сытар убайым дьонуттан кэлэ оҕустун диэн илдьит кэлэн сүрэхпин хайытта.
    А. Бродников
  • "Бэйи, мин кинини сүрэҕин хайыттаҕым, этин салаһыннардаҕым ээ", – дии санаата.
    Р. Кулаковскай

Сүрэҕэ хайдыбыт көр сүрэх I

  • "Бээх" диэт, хаартан хап-хара көтөн тахсыбытыгар уол сүрэҕэ хайдан өлө сыста.
    Болот Боотур
  • Төрүт эрдэ көрөн сүрэҕэ хайдыбыт бостуук Миитэрэй өлүккэ чугаһыы да соруммата.
    Р. Кулаковскай

Халыҥ тириитин хайыт көр халыҥ

  • Хайаан даҕаны Халыҥ тириигин хайытан, Хара хааҥҥын тохпокко эрэбин, Харыс да аҥаарын Халбарыйыам суоҕа.
    П. Ойуунускай
  • [Дыгын:] Хайа, хорсуннарым! Хайдах сырыттыгыт, Бөрө Бөтүҥ бөтөстөрүн халыҥ тириилэрин хайыттыгыт дуо? "Чолбон"

8 этии #

Нууччалыы Продольная пила

  • Хайытар эрбии эргэр. – бэрэбинэни уһаты эрбээн хаптаһын оҥорорго туттуллар эрбии Ипатий Лука Ивановтуун хайытар эрбиилэрэ, үөһэ-аллара биэрэҥнээн, күн уотуттан күлүм аллайар.
    М. Доҕордуурап
  • Былыр хайытар эрбии диэн баара.
    ЕХД КТ

«Х» буукуба