Перевод с якутского
үт
туохтуур
Нууччалыы толкать кого-, что-л., отодвинуть, передвинуть что-л., двигать от себя
English to push, to kick
Ис хоһооно · 9
1 туохтуур #
Анньан биэрэн, анньыалаан, кими, тугу эмэ миэстэтиттэн сыҕарыт, сыҕарытан илт
Нууччалыы Толкать кого-, что-л., отодвинуть, передвинуть что-л., двигать от себя
Уолаттар Миитээни түһүлгэҕэ чемпиону кытта туһуннараары үтэн киллэрдилэр. Е. Неймохов Уолаттар туртаһы үрэх хааһын үрдүгэр сиэтэн, кэнниттэн үтэн, таһаарбыттара. Тоҕо эрэ кини мөхсүбэт этэ. И. Федосеев Күнүс Кыымы көлүөһэлээх остуолга сытыаран хирург хоһун диэки үттүлэр С. Никифоров
2 туохтуур #
Тугу эмэ кимиэхэ туохха эмэ чугаһата анньан биэр
Нууччалыы Толкнув, двинув что-л. приблизить к чему-л
Ити олох маһы бу диэки үтэн биэр эрэ. Миискэлээх аһын ньирэйин төбөтүгэр үттэ А. Сыромятникова
3 туохтуур #
Үөһэ диэки кими, тугу эмэ өрө анньан биэр, тахсарыгар көмөлөс
Нууччалыы Помочь кому-л. забраться вверх, подтолкнуть снизу
Эн куттаныма... биһиги үтэн биэриэхпит! – дииллэр дьонум. Н. Заболоцкай Кыым кинини өрө үтэн биэрэрин кытта, киһитэ бэрт чэпчэкитик үөһээ хатаастан тахсар С. Никифоров
4 туохтуур #
Итии күлүнэн көмөн үрдүгэр уоттаах чоҕу тарыйан тугу эмэ (хахтаах хортуоппуйу, кыра балыгы) буһар эбэтэр уоттаах чоххо чараас гына быһыллыбыт эти ууран буһар
Нууччалыы Печь (картошку, мелкую рыбу) в золе под горящими углями, жарить мясо на рожне или на углях
Уол эт үтэн сиэн, ойуулаах муос уктаах, көмүс кыыннаах быһаҕын атаҕар уктан, үөрэн-көтөн баран хаалар. Саха фольк Хахтыын үппүт хортуоска Хаарыан сыта тунуйда. Күннүк Уурастыырап Кыра хатыыһы үтэн баран тириитин ньылбы тардаҕын. Далан
Өссө холобурдар (1)
Хортуосканы күл анныгар уган үтэн сиэбиттэрэ минньигэс да буолар эбит
Г. Колесов
5 туохтуур #
Тугу эмэ (хол., чаанньыктаах чэйи) уокка сылыта (оргута) уур (ас)
Нууччалыы Поставить чайник на огонь
Дьэллик отууга балачча тииҥнээх арыый эрдэ кэлэн уот оттон, чаанньыгын уокка үтэ сылдьара Н. Заболоцкай
6 туохтуур #
Хойуутук өлгөмнүк үүнэн таҕыс (сайын эрдэ өлгөм ардах кэнниттэн куйаас күннэргэ от хойуутук, түргэнник үүнэрин этэргэ)
Нууччалыы Вырастать быстро и густо (о травостое: после обильных дождей в знойные дни)
Үс салаалаах Үнэр күөх ото Өрө үүнэн үтэр эбит. Күннүк Уурастыырап Долгуһа турдуннар холкуостаах хонуулар Дороххой үүнүүнэн өлгөмнүк үтэннэр! С. Васильев Үүнэр оппут үтэн, Локуорабыт торолуйда, Боруу, өлөҥ от быыһынан Бочоох собо чолумнаата К. Туйаарыскай
7 туохтуур #
Илими күөлгэ иит, туруор
Нууччалыы Ставить сети (рыболовные)
Эһиги биһиги туспутугар сээбэҥнээмэҥ. Бытаан эрэ буолуо, илими атын ньыманан үтүөхпүт. Тыы үрдүттэн буолбатах. И. Федосеев Вася эрэһиинэ тыытын үрдэринэн, илимнэрин үтэ киирдэ.
Н. ЛугиновИлими үтэн кэбистиҥ да бэрт сынньалаҥнык киирэн көрүөххүн эрэ наада – аһаатаҕыҥ ол Багдарыын Сүлбэ
8 этии #
Нууччалыы Испытывать, проверять кого-, что-л. (букв.: попытаться толкать-пихать)
Этиилэр
Үтэн-анньан көр
тугун-ханныгын билээри, анаан тургутан холоон, чинчийэн көр Үтүө киһи буоламмын, Үөнүм батарбакка, Үтэн-анньан көрбүтүм.
"Бука эн сиргэ быраҕан аралдьаттардыҥ буолуо?" – диэн үтэн-анньан ыйытан көрбүтүгэр, уола ытыы-ытыы мэлдьэстэ. Н. Заболоцкай Татьяна ол сылдьан санаатын тоҕо тэбээтэ: "Следователь кыыс эйигин үтэн-анньан көрбүтэ буолуо, ол аайы ыксаан түһэҥҥин". М. Попов
9 этии #
Нууччалыы Выступать, выдаваться мысом (о воде, лесе и т. д.)
Этиилэр
Үтэн киир
туохха эмэ (хонууга, ууга) тоҕойдоон ыраахха диэри киир (ууну, тыаны о.
д. а. этэргэ) Үөскэ үтэн киирбит таас очуостар уу ортотугар ууллумахтыы олорор курдуктар. Амма Аччыгыйа
Ыраах түгэххэ
Абаҕа дэриэбинэтэ: тумустуу үтэн киирбит ойуур хаххалаан, кыһыл былаахтаах оскуола уонна биир-икки дьиэ хоруобуйалара эрэ быгаллар.
Үтэн киирбит лиҥкинэс тииттэрдээх тумус сыырын өрө сүүрэн тахсаат бобуоска тохтоото. П. Филиппов