Перевод с якутского
илт
туохтуур
Нууччалыы уходя, брать с собой что-л., уносить, увозить
English to bear, to carry, to take
Ис хоһооно · 6
1 туохтуур #
Бэйэҕин кытта тугу эмэ ылан бар (тутан, кыбынан, көтөҕөн, сүгэн, тиэйэн)
Нууччалыы Уходя, брать с собой что-л., уносить, увозить
Кирилэлээххэ сылдьан муҥханы тиэйэн илдьээриҥ, муҥха онно турар.
КүндэОстуолтан сылабаары сулбу тардан илдьэллэр. Амма Аччыгыйа Онон Чүөчээски бастакы куртуйаҕын доҕоругар Намыын оҕонньорго илдьэн биэрбитэ
Суорун Омоллоон
2 туохтуур #
Бэйэҕин кытта батыһыннаран (сиэтэн, үүрэн, аргыстаһыннаран) бар
Нууччалыы Уходя, увести за собой, уводить кого-л с собой
Аны сүөһүбүн былдьаан ыларыҥ итэҕэс дуо? Ити эмээхсиним баар, ону илдьэ бар. Н. Неустроев Кинини тутан манна илдьэ иһэннэр биэлэй саллааттара хаатыҥкатын былдьаан ылан бараннар, кээнчэтэ суох этэрбэһи биэрбиттэр. Эрилик Эристиин Александр Сергееви саһар сиригэр Яков Гурьев илдьэ барда М. Доҕордуурап
3 туохтуур #
Тугу эмэ биир сиртэн атын сиргэ сыҕарыт, тиэрт
Нууччалыы Переместить, поднести что-л. куда-л
"Бу олоххо олоруох кэриэтин... " – Сөдүөччүйэ ырбаахытын сиэҕин хараҕар илпитинэн барда. Амма Аччыгыйа Илиитин кулгааҕар да илдьэр солото суох. А. Федоров "Буору бүтүннүү тойотторбут ылаллар, – диэтэ, айаҕар илдьэн эрэр көбүөрдээх лэппиэскэтин тохтотто, – сокуоҥҥа ити хайдаҕый?" М. Доҕордуурап
4 туохтуур #
Күүскүнэн-уоххунан сөрөөн бар, ханна эмэ тиэрт (айылҕа көстүүтүн туһунан)
Нууччалыы Быть унесенным, унести (течением, ветром)
Уот сиэбитин, уу илпитин курдук (өс ном.). Дохсуннук сүүрэр уу уоҕурдууну бэрт түргэнник суурайан илдьэр. П. Егоров Эбэтэ таһырдьаттан киирэн иһэн: "Ычча-у! Киһини илдьэр тыал түспүт," – диэтэ Багдарыын Сүлбэ
5 туохтуур #
Сырыт, олор диэн туохтуурдары кытта ситимнэһэн: бэйэҕин кытта баар гын, бэйэҕиттэн араарбакка сырыт, олор
Нууччалыы В сочет. с глаголами сырыт, олор: иметь при себе; носить, возить с собой; жить вместе
Бары үөрүүнү-көтүүнү, көҥүл олоҕу бэйэлэрин кытта илдьэ сылдьаллара тоҕо баҕас үчүгэйэй... А. Софронов Хаһыат баар... Бу сиэппэр илдьэ сылдьыбыт эбиппин. Амма Аччыгыйа Бэйэтигэр сөптөөх, илдьэ сылдьар, аналлаах инструмент оҥостуммуппут.
Суорун Омоллоон
Өссө холобурдар (1)
Онтон туран Екатерина Второй ыраахтааҕы ыҥыртаран ылан дьиэтигэр кэргэн гынан бэрт өр илдьэ олорбут Эрилик Эристиин
6 туохтуур #
Туохха эмэ сирдээ, салайан тириэрт
Нууччалыы Вести за собой, направлять кого-л.; идти во главе
Партияҕа – барҕа махтал, Мэлдьи илин Илдьэн истин! Күннүк Уурастыырап [Ийэ сирбит] Өссө үүн, чэчирээ үйэлэр тухары, Эн, партия илдьэр суолунан! Күннүк Уурастыырап Тюрк. илт, елт