ДьөгүөрСахалыы тылдьыт

Перевод с якутского

тох

туохтуур

Нууччалыы вываливать, разгружать что-л. куда-л. или случайно рассыпать, пролить что-л., находящееся в ёмкости. [Дьыссаакка] Володя диэн оҕо хааһытын тохпут

English to pour, to spill

1 туохтуур #

Тугу эмэ сиргэ сүөкээ эбэтэр алҕаска иһиттиин түҥнэр, хаатыттан ыс

Нууччалыы Вываливать, разгружать что-л. куда-л. или случайно рассыпать, пролить что-л., находящееся в ёмкости. [Дьыссаакка] Володя диэн оҕо хааһытын тохпут

  • Наһаар табаҕын, уҥуоҕа хамсаан, быһаҕаһын тоҕон кэбистэ.
    Суорун Омоллоон
  • [Оҕустаах оҕолор] Суон маһы состорон киллэрээт, Биир сиргэ дьаарыстыы тоҕоллор
    Эрилик Эристиин

2 туохтуур #

Ханнык эмэ үлэни, тэрээһини кыайбакка, толорума

Нууччалыы Развалить, какое-л. дело (работу, мероприятие и т. п.). [Сыҕаайаптаах Суудап] дьиссипилиинэни үрэйэргэ, үөрэҕи тоҕорго үөскээбит дууһалар!

  • Былааммытын ыйтан ый аайы тоҕон иһэбит.
    В. Протодьяконов
  • Идэлээх сойуус үлэтин тохпут диэн Аптаанай этэрэ олох алҕас
    Д. Таас

3 этии #

Нууччалыы Сделать кого-л. несчастным. [Гитлер сэриилэрэ] Дьоллоох дьолун тоҕорго, -- Үтүөкэннээх ийэ дойдубутун Өҥөйөн тиийэн кэллилэр!

Этиилэр

Кудугун тоҕор көр кудук II

  • Ытаан-соҥоон кудугун тохпута.

Үүтүн тохпут оҕо курдук көр оҕо

Костя син биир үүтүн тохпут оҕо курдук. Н. Габышев. Хаанын тох - кими эмэ өлөр-өһөр; сэриилэһэн өл, бааһыр.

Проливать чью-л. кровь.

  • Харчыны, таҥаһы, аһы халаары, төһө киһи хаанын тохпута, тыынын быспыта буолуой!
    Н. Якутскай
  • Сэрии, силлиэ күнүгэр -- Кыһыл хааммын тохпутум.
    С. Васильев
Өссө холобурдар (3)
  • Үгүс хааммытын тоҕоммут, Өстөөҕү үлтү сыспыппыт.
    Баал Хабырыыс
  • Хараҕын уута тоҕунна - дэлби айманна, ытаата-соҥоото. соотв. лить слёзы; пускать слёзы. Бэйэлэрэ өлбүт-алдьаммыт эрэйдээхтэр харахтарын уутун тоҕон да диэн.
    М. Доҕордуурап
  • [Спиридон:] Элбэх харах уута тохтубут -- ол дойдуга.
    С. Ефремов

Эмэһэтиттэн (кэнниттэн) кумах тохтор көр кумах

  • Аҕата Күөнчэ эмиэ кэнниттэн кумах тохто сылдьар киһитэ этэ. Күннүк Уурастыырап

«Т» буукуба