Перевод с якутского
холбоо
туохтуур
Нууччалыы соединять, скреплять одно с другим, прищеплять что-л. к чему-л
English to unite
Ис хоһооно · 12
1 туохтуур #
Туох эмэ тугу эмэ кытта бииргэ буолалларын курдук сыһыары тут
Нууччалыы Соединять, скреплять одно с другим, прищеплять что-л. к чему-л
Улуу алааһы кытта улуу хочону холбоон, киэҥ куйаар оҥорон нэлэһиппит киһи дии саныырым. Амма Аччыгыйа Биирдэ Серёжа тыаттан тутуу маһын таһыыга үлэлэстэ: эрдэ кэрдиллэн бэлэмнэммит бэрэбинэлэри туруоһунан тыраахтарга холбоон биэрэр.
Н. ЛугиновКостя көрбүтэ, кырдьык саахымат сурунаалга холбуу тутуллан, кытта кэлсэн хаалбыт эбит. Н. Заболоцкай
Өссө холобурдар (1)
Бараналарын бэйэлэрэ оҥостубуттара, тиистэрин түҥ-таҥ холбоон баран, дьэ сибилигин таба көрөн, хаттаан оҥосто сырыттахтара П. Егоров
2 туохтуур #
Тугу эмэ уопсай тугунан эмэ наардаан, биир кэлим буоларын курдук оҥор; кими, тугу эмэ кимиэхэ, туохха эмэ эп, эбии киллэр, кытыар
Нууччалыы Составлять из нескольких однородных предметов одно целое, объединять, присоединять кого-что-л. к кому-чему-л., приобщать кого-что-л. к чему-л
Тойон балай эмэ өр суруйан, илии баттаан кумааҕытын дьыалаҕа холбоото. Болот Боотур Кинигэ издательствота кини айымньыларын (урут биллибэтэх, урут бэчээттэммэтэх сорох айымньыларын кытта холбоон), -- улахан хомуурунньук таһаарбыта. КНЗ ТС. Манна олохтоохтор бары аналлаах миэстэлээхтэр, кыттыгастаахтар. Атын киһини холбооботтор. "Чолбон". Бу тылларга сөптөөх сыһыарыылары холбоон, этиилэрдэ оҥоруҥ КИИ СТ-
3 туохтуур #
Туох эмэ тус-туспалары (хол., бэссэстибэлэри, эттиктэри) биир холбоһук, суурадаһын о. д. а. буолалларын курдук оҥор, булкуй
Нууччалыы Соединив несколько разнородных предметов, приготовить раствор, смесь, сплав, соединять, смешивать
Сымыыты бурдукка холбоо. Манна сиэмэни тааһы хайаны кытта холбоон биир тулхадыйбат кэлимсэ оҥорор курдук, бу тутуу норуоттар доҕордоһууларын кытаанахтык бөҕөргөтөр эбит.
Суорун ОмоллоонКыһыл көмүһү алтаны кытта холбоон ууллараллара, оччоҕо ордук тапталлымтыа, бөҕө, кутарга, ойуу түһэрэргэ үчүгэй буолара МАП ЧУу
4 туохтуур #
Элбэх кими, тугу эмэ бииргэ мус, түм
Нууччалыы Собирать в одном месте, объединять кого-что-л
Түмсэн да диэн, сэргэстэһэ эрэ тураллар, барыларын холбуур, бары бас бэринэр дьаһал-дьаһах мэлигир.
Н. ЛугиновЫарахан дьылларга ыраах үрэх баһыгар көһөр түбэлтэҕэ элбэх сылгыны биир сиргэ холбоон аһатартан туттунар ордук. "Кыым". Хас даҕаны аҕа ууһун холбоон кинээс салайара. А. Кривошапкин (тылб.)
5 туохтуур #
Тугу эмэ туохха эмэ (хол., уокка, элэктэриичэстибэҕэ) ситимнээн үлэлэт
Нууччалыы Приводить что-л. в действие (напр., электроприбор), устанавливать связь с чем-л.; включать, подключать, соединять
Тэлэбиисэри холбоо. Электроплиткатын холбоон, чэй оргута туруорар.
Н. ЛугиновАраадьыйатын холбоото – сотору сэттэ чааһы оҕуста. Р. Баҕатаайыскай
Өссө холобурдар (1)
Амандыар дьонтон хаалсымаары оҕолоругар көмпүүтэр ылан биэрдэ, эбиитин интернеккэ холбоото С. Юмшанов
6 туохтуур #
Буукубулары ситимнээн аах
Нууччалыы Соединять, складывать буквы при чтении
А-ҕа Т-ны холбоон "Ат" диэн аахта Петя. Күннүк Уурастыырап Ыскылааттаан ааҕаары гыннахпына тылым өҕүллүбэккэ, сатаан холбоон тыл таһаарбакка элбэхтик даҕаны тириттим этэ. А. Бэрияк Холбоон ааҕар буолуохтан Хоһоон тылын таптыырым М. Хара
7 туохтуур #
Дьон төлөпүөн нөҥүө кэпсэтэллэрин курдук ситимнээ, сибээстээ
Нууччалыы Устанавливать телефонную связь, соединять кого-л. с кем-л. по телефону
Прибалов подполковнигы кытта холбооҥ. Н. Якутскай Үөһэттэн звони гыннахтарына миигин холбоор. Онтон атын сирдэртэн буоллаҕына, миигин суох диэр.
Суорун ОмоллоонКини төлөпүөнү хаба тардан ылла. – Баһаалыста, 9-99 холбооҥ эрэ В. Протодьяконов
8 туохтуур #
матем. Биир чыыһылаҕа атын чыыһыланы эп, уопсай суумаларын таһаар
Нууччалыы Складывать одно к другому, выводить сумму сложения чего-л. с чем-л
Биэһи биэскэ холбоо. [Буойа:] Ааҕан бүтэрдим, аны барытын холбуохтаахпын… Дьэ, эрэй суот, доҕоор.
Суорун ОмоллоонБары ыалларбыт, холбоон сүүрбэ биир оҕолоохпут БВВ ӨУоӨ
9 туохтуур #
Кимнээх эмэ икки ардыларыгар уопсай тугунан эмэ ситимнээн (биир интэриэһинэн, көрүүнэн, санаанан о. д. а.) сыһыаны олохтоо
Нууччалыы Связывать кого-л. с кем-л., на основе общности чего-л. (интересов, взглядов и т. п.), сближать
Хотугу тымныы сир, Соҕуруу куйаас сир Дьонноро куустуһан турбуппут: Холбуура сир икки Полюһун дьонун биир Күн сыалга дьулуһар дьулуурбут. Эллэй. Кинилэри үлэни таптааһын бииргэ холбообута. И. Данилов Кустук өҥнөөх кулунчук, Оҕо-аймах үөрүүтэ Барыбытын холбоото, Үөрүүбүтүн аҕалла КДьА
10 туохтуур #
Кимнээҕи эмэ ыал оҥор, кимнээх эмэ ыал буолалларыгар көмөлөс
Нууччалыы Помогать или заставлять кого-л. вступить в брак, соединять узами брака, женить. [Василий Петров:] Чэ, оҕонньор!
Оҕоҥ биһикки -- холбоһуохпутун баҕарабыт, онон алгыс үтүөтүнэн, ыраас сүрэххиттэн, ис санааҕынан биһигини холбоо…
П. Ойуунускай[Ньукуус:] Оҕолорбутун холбоон ыал оҥордохпутуна син буолуо этэ буолбат дуо?
КүндэМарканилаах уоллаах кыыһы уһаппакка холбуур баҕалаахтар. П. Ламутскай (тылб.)
11 туохтуур #
Кими эмэ туохха эмэ үөрэт, билэр оҥор, кимиэхэ эмэ тугу эмэ иҥэр (сиэр-майгы туомнарын, майгы-сигили олохсуйбут бэрээдэгин о. д. а.)
Нууччалыы Приобщать кого-л. к чему-л. (напр., к культуре), вовлекать кого-л. во что-л
Бэйэлэрэ култуурунайа суох дьон атын дьону култуураҕа хайдах холбуулларын мин сатаан өйдөөбөппүн. Амма Аччыгыйа Куһаҕаҥҥа кучуйар, Кубулҕакка холбуур Хармааҥҥа хааланар Харчы буолар А. Софронов
12 этии #
Нууччалыы Согласованно, слаженно, объединив усилия
Этиилэр
Баскын холбоон көр бас II
Бааһынай, оробуочай Бастарын холбоон, Бардамнык үлэлээн, Баабырыкалары бааралаатылар, Собуоттары субуруттулар. Эллэй.
Дьолгун холбоо көр дьол
Эһиил баччаҕа Анфиса уонна Кеша холбоһуох, дьоллорун холбуох буолан, тылларын бэрсибиттэрэ. В. Титов [Октябрина – Кэнчээригэ:] Атын ордук кыыһы көрсүөҥ, дьолгун холбуурга тыл көтөҕүөҥ. М. Попов
Санааҕын холбоо көр санаа II
Эн биһикки санаабытын эрэ холбооторбут, тугу да тулутуохпут суоҕа. Н. Неустроев Норуот эмиэ күүһүн түмнэҕинэ, санаатын холбоотоҕуна, ама тугу тулутуой? Н. Якутскай
Сүбэҕин холбоон
сүбэлэһэн, биир сүбэнэн Күүстээхтик, хото санаатахха, сүбэни холбоотоххо, туох барыта кыайтарыахтаах.
[Нүһэр Дархан:] Сүбэбитин холбоон биир сүрүн үөһүнэн Эйэлээхтик-иллээхтик устарбыт буоллар… И. Гоголев [Сандаарка:] Иккиэн сүбэбитин холбоотохпутуна, үчүгэйдик олоруохпут. С. Ефремов
Төбөҕүн холбоон
баскын холбоон диэн курдук (көр бас II).
Улахан мөккүөрдээх, ыһыылаах-хаһыылаах мунньах буоларын кэтэһэн, билигин бөлөх-бөлөх хайдыһан, төбөлөрүн холбоон күө-дьаа кэпсэтэ олордулар.
Н. Лугинов
Хоһооҥҥо холбоо
хоһооҥҥо киллэрэн хоһуй, туой.
Воспевать, прославлять в стихах.
Күрүөлээх ынаҕын далыттан түптэтин буруотугар тиийэ
барытын Күндэ хомоҕой хоһоонугар холбообута, ыллам ырыатыгар ыпсарбыта.
Софр. Данилов. Күнү, халлааны, сулуһу Куруук хоһооҥҥо холбуом. Баал Хабырыыс Ср. монг. холбох ʽсоединять, связывать’